ជំងឺអុតស្វានេះ មានរោគសញ្ញា កន្ទួល ពងបែកនៅលើស្បែក បាតដៃ បាតជើង និងលើមុខ ក្នុងនោះក៏មានគ្រុនក្ដៅលើស ៣៨.៥ អង្សាសេ ឡើងកូនកណ្ដុរ ឈឺខ្នង ឈឺសាច់ដុំក្នុងរយៈពេលជាច្រើនសប្ដាហ៍។ ការរកឃើញនេះ ធ្វើឱ្យអ្នកឆ្លងជំងឺអុតស្វានៅកម្ពុជា កើនដល់១៧ករណី។ 
 

អ្នកឆ្លងជំងឺអ៊ឹមផកទាំង១៧ករណីនេះ សុទ្ធតែជាបុរសទាំងអស់ ដែលមានអាយុចន្លោះពី២០ឆ្នាំទៅ៤៣ឆ្នាំ ហើយភាគច្រើនអ្នករស់នៅរាជធានីភ្នំពេញ។ ជាមួយគ្នានេះ បង្ការការចម្លងនូវជំងឺនេះ អ្នកត្រូវចៀសវាងប៉ះពាល់ផ្ទាល់ ជាមួយអ្នកដែលមានចេញរោគសញ្ញាជំងឺអ៊ឹមផក ឬចៀសវាងប៉ះពាល់ជាមួយសម្លៀកបំពាក់ កម្រាលពូកខ្នើយ ឬកន្សែងពោះគោ ឬ ចាន ស្លាបព្រាឬពែង ឬផ្ទៃនៃទីតាំង និងហាមប៉ះដំណក់ទឹកចេញពីផ្លូវដង្ហើម ឬសារធាតុរាវជាដើម។
 

សូមជម្រាបថា ការឆ្លងជំងឺវីរុសអុតស្វានេះ ពីមនុស្សម្នាក់ទៅមនុស្សម្នាក់ទៀតតាមរយៈការប៉ះផ្ទាល់ ឬម្តាយទៅកូនតាមរយៈទងសុក ក្នុងអំឡុងពេលឬក្រោយពេលសម្រាល និងឪពុកម្តាយមានជំងឺអ៊ឹមផក។ ក្រសួងសុខាភិបាល រំលឹកដល់ពលរដ្ឋសារជាថ្មីឱ្យបង្កើនការប្រុងប្រយ័ត្នផ្ទាល់ខ្លួន ប្រកបដោយស្មារតីទទួលខុសត្រូវខ្ពស់ ដើម្បីបង្ការចម្លងជំងឺអ៊ឹមផក ជាពិសេសត្រូវអនុវត្តវិធានការបង្ការនានា៕