ជាតិ
ព័ត៍មានសុខភាព
សុខភាព
ប្រយ័ត្នឲ្យមែនទែន ! មិនមានមធ្យោបាយជាក់លាក់ការពារជំងឺមហារីកទេ ប៉ុន្តែអាចកាត់បន្ថយបានតាមវិធីនេះ
09, Apr 2024 , 10:59 pm
×![]()
ដោយ: សារព័ត៌មានថ្មីៗ
មិនមានមធ្យោបាយជាក់លាក់ ដើម្បីការពារជំងឺមហារីកនោះទេ ប៉ុន្តែវេជ្ជបណ្ឌិតបានរកឃើញវិធីជាច្រើន ដើម្បីកាត់បន្ថយហានិភ័យនៃជំងឺមហារីក។
វិធីសាស្ត្រទាំងនោះមានដូចជា៖
វិធីសាស្ត្រទាំងនោះមានដូចជា៖
- ឈប់ជក់បារី៖ ប្រសិនបើអ្នកជក់បារី សូមឈប់។ ប្រសិនបើអ្នកមិនជក់បារី កុំចាប់ផ្តើម។ ការជក់បារី ត្រូវបានផ្សារភ្ជាប់ទៅនឹងប្រភេទនៃជំងឺមហារីកជាច្រើន មិនមែនគ្រាន់តែជំងឺមហារីកសួតនោះទេ។ ការឈប់ឥឡូវនេះ នឹងកាត់បន្ថយហានិភ័យនៃជំងឺមហារីកនាពេលអនាគត។
- ចៀសវាងការប៉ះនឹងកម្តៅព្រះអាទិត្យច្រើនពេក៖ កាំរស្មីអ៊ុលត្រាវីយូ (UV) ដែលបង្កគ្រោះថ្នាក់ពីព្រះអាទិត្យ អាចបង្កើនហានិភ័យនៃជំងឺមហារីកស្បែក។ កំណត់ការប៉ះនឹងកម្តៅព្រះអាទិត្យរបស់អ្នក ដោយស្ថិតនៅក្នុងម្លប់ ពាក់សម្លៀកបំពាក់ការពារ ឬការលាបឡេការពារកម្តៅថ្ងៃ។
- ទទួលទានអាហារដែលមានសុខភាពល្អ៖ ចូរជ្រើសរើសរបបអាហារដែលសម្បូរទៅដោយផ្លែឈើ និងបន្លែ គ្រាប់ធញ្ញជាតិ និងប្រូតេអ៊ីនគ្មានខ្លាញ់។
- ធ្វើលំហាត់ប្រាណឲ្យបានច្រើនថ្ងៃក្នុងមួយសប្តាហ៍៖ ការធ្វើលំហាត់ប្រាណទៀងទាត់ ត្រូវបានផ្សារភ្ជាប់ទៅនឹងការថយចុះហានិភ័យនៃជំងឺមហារីក។ ចូរកំណត់គោលបំណងសម្រាប់ការហាត់ប្រាណយ៉ាងហោចណាស់ ៣០នាទីក្នុងមួយសប្តាហ៍។
- រក្សាទម្ងន់ដែលមានសុខភាពល្អ៖ ការលើសទម្ងន់ ឬធាត់ អាចបង្កើនហានិភ័យនៃជំងឺមហារីក។ ដើម្បីរក្សាទម្ងន់ដែលមានសុខភាពល្អ គឺអ្នកត្រូវញ៉ាំអាហារដែលមានសុខភាពល្អ និងការហាត់ប្រាណទៀងទាត់។
- ចូរផឹកគ្រឿងស្រវឹងក្នុងកម្រិតមធ្យម ឬតមមិនផឹកតែម្តង៖ ប្រសិនបើអ្នកជ្រើសរើសផឹកស្រា ចូរកម្រិតខ្លួនអ្នកឲ្យត្រឹមតែមួយកែវក្នុងមួយថ្ងៃ។
- រៀបចំតារាងការពិនិត្យជំងឺមហារីក៖ ចូរពិភាក្សាជាមួយគ្រូពេទ្យរបស់អ្នក អំពីប្រភេទនៃការពិនិត្យជំងឺមហារីកដែលល្អបំផុតសម្រាប់អ្នក ដោយផ្អែកលើកត្តាហានិភ័យរបស់អ្នក។
- សួរគ្រូពេទ្យអំពីការចាក់ថ្នាំបង្ការ៖ វីរុសខ្លះបង្កើនហានិភ័យនៃជំងឺមហារីក។ ការចាក់ថ្នាំបង្ការរោគ អាចជួយទប់ស្កាត់វីរុសទាំងនោះ៕
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
