ជាតិ
ហេតុអ្វីឧទ្យានសួនសត្វភ្នំតាម៉ៅ ខ្សត់អ្នកមកទស្សនា នារដូវចូលឆ្នាំខ្មែរ?
17, Apr 2024 , 12:45 pm
×![]()
តាកែវ៖ ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ» ត្រូវបានបង្កើតឡើងក្នុងគោលដំណងអភិវឌ្ឍន៍សួនភូតគាមសាស្រ្តដែលមានពូជឈើប្រណិត និងមានតម្លៃសេដ្ឋកិច្ចខ្ពស់, អភិវឌ្ឍន៍ ទៅជាតំបន់គោលដៅទេសចរណ៍ធម្មជាតិ វប្បធម៌ និងប្រវត្តិសាស្ត្រ ដែលផ្ដល់ការថែរក្សាសង្គ្រោះសត្វព្រៃ ព្យាបាល និងស្តារលទ្ធភាពសត្វព្រៃ, ការធ្វើវិបុលកម្មសត្វព្រៃ ប្រភេទសត្វ និងរុក្ខជាតិកម្រ ជិតផុតពូជ។ 
ឧទ្យានសួនសត្វនេះ បានល្បីល្បាញលើបណ្ដាញសង្គម ក្រោយមានការកាត់ទៅឱ្យក្រុមហ៊ុនឯកជន អភិវឌ្ឍជាតំបន់បុរី និងកន្លែងកម្សាន្ត។ ប៉ុន្តែនារដូវចូលឆ្នាំប្រពៃណីជាតិ ទេសចរជាតិ បានទស្សនាឧទ្យានសួនសត្វ ភ្នំតាម៉ៅ តិចតួចណាស់ កាលពីថ្ងៃទី ១៦ ខែមេសា។ ជាទូទៅប្រជាជនខ្មែរ ដើរកម្សាន្តតំបន់នានាច្រើន នារដូវបុណ្យចូលឆ្នាំប្រពៃណីខ្មែរ។
ដើម្បីទស្សនាឧទ្យានសួនសត្វដ៏ធំនេះ ទេសចរខ្មែរ ត្រូវបង់លុយ ៥ពាន់រៀល ក្នុងមួយរូប និង២ម៉ឺនរៀលក្នុងមួយនាក់ សម្រាប់បរទេស។ តើការចំណាថវិកានេះ ជាកត្តាបណ្ដាលឲ្យមានទេសចរតិចតួច?
សូមជម្រាបថា ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ មានផ្ទៃដីទំហំសរុប ២ ០២៥ ហិកតា ស្ថិតនៅក្នុងភូមិសាស្ត្រ ស្រុកបាទី ខេត្តតាកែវ។ ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ» នេះ ត្រូវបានបែងចែកជា ៣តំបន់ ដោយ ទី១ ជាតំបន់ព្រៃការពារសម្រាប់ស្ដារលទ្ធភាពសត្វព្រៃ ជាតំបន់សម្រាប់ធានាការធ្វើវិបុលកម្មសត្វព្រៃ ការអភិរក្ស និងការអភិវឌ្ឍធនធានធម្មជាតិប្រកបដោយនិរន្តរភាព ដែលមានផ្ទៃដីទំហំ ១០២១ហិកតា។
ទី២ តំបន់សួនភូតគាមឈើប្រណិតភ្នំតាម៉ៅ ជាតំបន់សម្រាប់ធានាថែរក្សាកូនឈើ និងអភិវឌ្ឍជាសួន ភូតគាម មានពូជឈើប្រណិត និងសោភ័ណភាព ដែលមានផ្ទៃដីទំហំ ៥៣០ហិកតា និងទី៣ តំបន់ឧទ្យានសួនសត្វភ្នំតាម៉ៅជាតំបន់សម្រាប់ថែរក្សាសត្វព្រៃ ព្យាបាល សង្គ្រោះសត្វព្រៃ អប់រំផ្សព្វ ផ្សាយ និងបម្រើសេវាទេសចរណ៍ ដែលមានផ្ទៃដីទំហំ ៤៧៤ហិកតា។
ក្រសួងកសិកម្ម រុក្ខាប្រមាញ់ និងនេសាទ មានភារកិច្ចគ្រប់គ្រងតំបន់ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ» ហើយត្រូវរៀបចំផែនការ និងគ្រប់គ្រងឱ្យមានប្រសិទ្ធភាព និងនិរន្តរភាព៕
ឧទ្យានសួនសត្វនេះ បានល្បីល្បាញលើបណ្ដាញសង្គម ក្រោយមានការកាត់ទៅឱ្យក្រុមហ៊ុនឯកជន អភិវឌ្ឍជាតំបន់បុរី និងកន្លែងកម្សាន្ត។ ប៉ុន្តែនារដូវចូលឆ្នាំប្រពៃណីជាតិ ទេសចរជាតិ បានទស្សនាឧទ្យានសួនសត្វ ភ្នំតាម៉ៅ តិចតួចណាស់ កាលពីថ្ងៃទី ១៦ ខែមេសា។ ជាទូទៅប្រជាជនខ្មែរ ដើរកម្សាន្តតំបន់នានាច្រើន នារដូវបុណ្យចូលឆ្នាំប្រពៃណីខ្មែរ។
ដើម្បីទស្សនាឧទ្យានសួនសត្វដ៏ធំនេះ ទេសចរខ្មែរ ត្រូវបង់លុយ ៥ពាន់រៀល ក្នុងមួយរូប និង២ម៉ឺនរៀលក្នុងមួយនាក់ សម្រាប់បរទេស។ តើការចំណាថវិកានេះ ជាកត្តាបណ្ដាលឲ្យមានទេសចរតិចតួច?
សូមជម្រាបថា ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ មានផ្ទៃដីទំហំសរុប ២ ០២៥ ហិកតា ស្ថិតនៅក្នុងភូមិសាស្ត្រ ស្រុកបាទី ខេត្តតាកែវ។ ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ» នេះ ត្រូវបានបែងចែកជា ៣តំបន់ ដោយ ទី១ ជាតំបន់ព្រៃការពារសម្រាប់ស្ដារលទ្ធភាពសត្វព្រៃ ជាតំបន់សម្រាប់ធានាការធ្វើវិបុលកម្មសត្វព្រៃ ការអភិរក្ស និងការអភិវឌ្ឍធនធានធម្មជាតិប្រកបដោយនិរន្តរភាព ដែលមានផ្ទៃដីទំហំ ១០២១ហិកតា។
ទី២ តំបន់សួនភូតគាមឈើប្រណិតភ្នំតាម៉ៅ ជាតំបន់សម្រាប់ធានាថែរក្សាកូនឈើ និងអភិវឌ្ឍជាសួន ភូតគាម មានពូជឈើប្រណិត និងសោភ័ណភាព ដែលមានផ្ទៃដីទំហំ ៥៣០ហិកតា និងទី៣ តំបន់ឧទ្យានសួនសត្វភ្នំតាម៉ៅជាតំបន់សម្រាប់ថែរក្សាសត្វព្រៃ ព្យាបាល សង្គ្រោះសត្វព្រៃ អប់រំផ្សព្វ ផ្សាយ និងបម្រើសេវាទេសចរណ៍ ដែលមានផ្ទៃដីទំហំ ៤៧៤ហិកតា។
ក្រសួងកសិកម្ម រុក្ខាប្រមាញ់ និងនេសាទ មានភារកិច្ចគ្រប់គ្រងតំបន់ឧទ្យានសួនសត្វ ព្រៃការពារ និងសួនភូតគាម «ភ្នំតាម៉ៅ» ហើយត្រូវរៀបចំផែនការ និងគ្រប់គ្រងឱ្យមានប្រសិទ្ធភាព និងនិរន្តរភាព៕
Tag:
ភ្នំតាម៉ៅ
© រក្សាសិទ្ធិដោយ thmeythmey.com
