បើតាមសេចក្តីប្រកាសរបស់ក្រសួងទេសចរណ៍ ព្រឹត្តិការណ៍វប្បធម៌ទេសចរណ៍ និងព្រឹត្តិការណ៍«When shaolin Meets Bokator At Angkor» នឹងចាប់ផ្តើមនាម៉ោង ៧កន្លះព្រឹក នៅថ្ងៃទី២៤ ខែមេសា ។ ព្រឹត្តិការណ៍«When shaolin Meets Bokator At Angkor» ជាការសម្តែងរួមគ្នារវាងខេត្តហឹណាន និងខេត្តសៀមរាប អំពីក្បាច់គុនសៅលីញ និងក្បាច់គុនល្បុកត្តោ។ 

 

ព្រឹត្តិការណ៍នេះ នឹងមានការចូលរួមពីថ្នាក់ដឹកនាំកម្ពុជា-ចិន សមាគមន៍ទេសចរណ៍ និងស្ថាប័នពាក់ព័ន្ធជាង៥០០នាក់ ផងដែរ។ នេះជាការបញ្ជាក់របស់ក្រសួងទេសចរណ៍ដែលរំពឹងថា ព្រឹត្តិការណ៍ទាំងនេះ នឹងទាក់ទាញចំណាប់អារម្មណ៍ភ្ញៀវទេសចរ​ អ្នកវិនិយោគចិនឱ្យមកទស្សនា និងបន្ថែមការវិនិយោគនៅកម្ពុជាកាន់តែច្រើន ក៏ដូចជាអបអរការអនុវត្តយុទ្ធនាការ«ទស្សនាសៀមរាម ឆ្នាំ២០២៤» និង«ឆ្នាំនៃការផ្លាស់ប្តូរប្រជាជន និងប្រជាជន កម្ពុជា-ចិន ២០២៤»៕