ស្ថិតក្នុងខណ្ឌ Bung Kum ឧទ្យានថ្មីដែលនឹងបើកក្នុងឆ្នាំ២០២៤ ជាអតីតទីតាំងស្រូបយកទឹកភ្លៀង និងបញ្ចៀសទឹកជំនន់នៅប៉ែកខាងកើតទីក្រុងបាងកក។ ជាមួយដើមរុក្ខជាតិជាច្រើន ដីទំហំជិត១៤ហិកតានេះ ត្រូវបានប្រែក្លាយជាសួនសាធារណៈសម្រាប់ប្រជាជនលំហែកាយ និងសកម្មភាពហាត់ប្រាណ ហើយក៏ត្រូវដំឡើងជាឧទ្យានតែម្ដង។

 

បើតាមកាសែតបាងកកប៉ុស្តិ៍ ឧទ្យានដីសើមថ្មីនេះ មានផ្លូវដើរក្រាលកៅស៊ូប្រវែង៣,៦គីឡូម៉ែត្រ និងផ្លូវដើមតាមទឹកប្រមាណ៤២០ម៉ែត្រផង។ ផ្លូវកៅស៊ូ មិនអនុញ្ញាតឱ្យរថយន្តប្រើប្រាស់ឡើយដើម្បីធានាសុវត្ថិភាពប្រជាជន។

 

ឧទ្យានថ្មីនេះ មានទីតាំងក្បែរសួនពីរទៀតដែលជាទីតាំងសម្រាប់ប្រជាជនថៃសម្រាក និងធ្វើលំហាត់ប្រាណនានា។

 

ជាមួយប្រជាជនប្រមាណ៥,៧លាននាក់នៅឆ្នាំ២០២៣ ក្រុងបាងកក ជាប់ចំណាត់ថ្នាក់ទីក្រុងមមាញឹកមួយនៅអាស៊ីអាគ្នេយ៍។ ទីក្រុងនេះមានឧទ្យានធំៗដូចជា Lumpini និង សួន Benjakitti ដ៏ធំកណ្ដាលទីក្រុងទៀតផង៕