យោងតាមក្រសួងធនធានទឹក នៅថ្ងៃទី៥ឧសភានេះ តំបន់វាលទំនាបមាន សីតុណ្ហភាពអប្បបរមា ២៦ អង្សា និងអតិបរមា ៣៨ អង្សា ខណៈតំបន់ភាគអាគ្នេយ៍មានខេត្តស្វាយរៀង ព្រៃវែង កណ្តាល និងកំពង់ចាម អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ១៥ ភាគរយ។

 

ចំណែកតំបន់ខ្ពង់រាប មានសីតុណ្ហភាពអប្បបរមា ២៦ អង្សា និងអតិបរមា ៣៩ អង្សា។ ភាគឧត្តរនៃតំបន់នេះដែលមានខេត្តព្រះវិហារ ស្ទឹងត្រែង និងទិសឦសាន ខេត្តរតនគិរី មណ្ឌលគិរី និងខេត្តក្រចេះ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ២៥ ភាគរយ។ ក្រសួងធនធានទឹក ឱ្យដឹងដូច្នេះ ដោយបន្តថា តំបន់មាត់សមុទ្រ មានសីតុណ្ហភាពអប្បបរមា ២៥ អង្សា និងសីតុណ្ហភាពអតិបរមា ៣៦ អង្សា។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី ២០ ភាគរយ ខណៈ រលកសមុទ្រមាន កម្ពស់មធ្យមអប្បបរមា ០.៥០ ម៉ែត្រ និងកម្ពស់មធ្យមអតិបរមា ១.៥០ ម៉ែត្រ៕