«ដូនតា» ជាឈ្មោះទុរេនដែលលោកសុខឡេង បានដាក់ឱ្យទុរេនអាយុកាលជាងកន្លះសតវត្សន៍ក្នុងចម្ការរបស់លោក។ កសិករវ័យ៦០ឆ្នាំរូបនេះ បានរក្សាទុកដើមទុរេនដូនតា មកដល់បច្ចុប្បន្នព្រោះចង់រក្សាទុកជាអនុស្សាវរីយ៍ និងទុកដល់កូនចៅជំនាន់ក្រោយ។ 
 

« ខ្ញុំនៅរក្សាទុក គឺទុកឱ្យក្មេងជំនាន់ក្រោយស្គាល់ មួយទៀតបទពិសោធខ្ញុំដាំដើមទុរេនដំបូងចេញពីដើមហ្នឹងដែរ»។ នេះជាការលើកឡើងរបស់ លោក សុខឡេង ដែលបានបន្ថែមថា ទោះបីទុរេនដូនតា​មានវ័យចំណាស់ តែផ្ដល់ទិន្នផលច្រើនរាល់ឆ្នាំ និងមានរសជាតិផ្អែមឆ្ងាញ់៕