សុខភាព
អន្តរជាតិ
ថ្នាំពិសោធន៍ប្រឆាំងមេរោគEbola ត្រូវបញ្ជូនទៅអាហ្វ្រិកខាងលិច
12, Aug 2014 , 5:10 pm
×![]()
ដោយ: ថ្មីៗ
ក្រុមហ៊ុនមួយរបស់សហរដ្ឋអាមេរិកដែលទទួលខុសត្រូវទៅលើការស្រាវជ្រាវនិងពិសោធន៍ថ្នាំសម្រាប់ព្យាបាលជំងឺឆ្លងមេរោគ Ebola បានបញ្ជូនប្រភេទថ្នាំដែលបានស្រាវជ្រាវ និងផលិតរួចរាល់នោះ ទៅកាន់អាហ្វ្រិកខាងលិចរួចរាល់ហើយ ដើម្បីយកទៅធ្វើការសាកល្បងទៅលើអ្នកជំងឺ Ebola នៅក្នុងតំបន់អាហ្វ្រិកខាងលិច។
លោក បាន សំអាង លម្អិតព័ត៌មាននេះ
ក្រោយពេលដែលមេរោគ Ebola បានបន្តរាតត្បាតខ្លាំងនៅអាហ្វ្រិកខាងលិច ហើយចំនួនអ្នកស្លាប់បានកើនឡើងខ្លាំងរហូតជិតដល់១០០០នាក់ហើយនោះ គេសង្កេតឃើញក្រុមហ៊ុនអាមេរិកមួយដែលទទួលខុសត្រូវក្នុងការស្រាវជ្រាវ និងពិសោធន៍ថ្នាំសម្រាប់ព្យាបាលមេរោគ Ebola បានប្រកាសថា ខ្លួនបានបញ្ជូនថ្នាំដែលបានស្រាវជ្រាវរួចទៅកាន់តំបន់អាហ្វ្រិកខាងលិចរួចរាល់ហើយ។
របាយការណ៍ចុងក្រោយដែលចេញនៅថ្ងៃចន្ទនេះ បានបញ្ជាក់ថា អ្នកស្លាប់ដោយសារមេរោគអេបូឡានៅក្នុងតំបន់អាហ្វ្រិកខាងលិចកើនដល់ ៩៦១នាក់ ហើយវាបន្តរាតត្បាតទៅកាន់ប្រទេសមួយចំនួនដូចជានីហ្សេរីយ៉ា និងលេចលឺព័ត៌មានថាមេរោគនេះកំពុងបន្តឆ្លងមកដល់ប្រទេសមួយចំនួននៅតំបន់អាស៊ី។
សេចក្តីថ្លែងការណ៍មួយដែលចេញដោយក្រុមហ៊ុនអាមេរិកខាងលើបានបញ្ជាក់ថា ថ្នាំដែលស្រាវជ្រាវបានសម្រាប់ព្យាបាលមេរោគEbola ត្រូវបានបញ្ជូនទៅកាន់អាហ្វ្រិកខាងលិច ជាការឆ្លើយតបទៅនឹងការស្នើសុំរបស់រដ្ឋាភិបាលប្រទេសអាហ្វ្រិកខាងលិច ហើយថ្នាំដែលផ្តល់អោយទៅនោះមិនមានគិតថ្លៃឡើយ។ ដោយឡែក ការសម្រេចចិត្តក្នុងការប្រើប្រាស់ថ្នាំសាកល្បងដែលមានឈ្មោះ ZMappត្រូវធ្វើឡើងដោយក្រុមអ្នកព្យាបាលមេរោគEbola នៅក្នុងប្រទេសអាហ្វ្រិកខ្លួនឯងតែម្តង។
ទោះជាយ៉ាងណាក៏ដោយក្រុមហ៊ុនខាងលើមិនបានបញ្ជាក់ថា មានថ្នាំចំនួនប៉ុន្មាននិងប្រទេសមួយណា នៅក្នុងប្រទេសអាហ្វ្រិកខាងលិចដែលត្រូវទទួលបានថ្នាំពិសោធន៍នេះឡើយ។ ថ្នាំ ZMappនេះត្រូវបានស្រាវជ្រាវឡើងដោយក្រុមអ្នកជំនាញផ្នែកវេជ្ជសាស្ត្រអាមេរិក និងកាណាដា ហើយវាត្រូវបានគេស្រាវជ្រាវ និងផលិតចេញពីថ្នាំជក់។ ដោយសារឱសថនេះត្រូវបានផលិតចេញពីដើមថ្នាំជក់ ដូច្នេះហើយទើបបានជាគេពិបាកផលិតថ្នាំនេះអោយច្រើន។
បើទោះជាក្រុមហ៊ុនមិនមានផ្តល់ព័ត៌មានថាប្រទេសណាមួយដែលទទួលបានថ្នាំពិសោធន៍ថ្មីនេះក៏ដោយ ក៏គេបានដឹងថា ប្រទេសលីបេរីយ៉ា ជាប្រទេសមួយដែលបានផ្ញើការស្នើសុំជំនួយទៅកាន់រដ្ឋាភិបាលអាមេរិក ដើម្បីប្រឆាំងនឹងមេរោគEbolaនេះ។ ការស្នើសុំជំនួយពីរដ្ឋាភិបាលលីបេរីយ៉ា គឺសុំថ្នាំដែលអាមេរិកផលិតបាន ដើម្បីយកមកសាកល្បងលើប្រជាជនខ្លួនដែលកំពុងរងគ្រោះដោយមេរោគដ៏កាចសាហាវមួយនេះ។
ប្រធានាធិបតីលីបេរីយ៉ាលោកស្រី Ellen Johnson បានអំពាវនាវទៅកាន់ប្រធានាធិបតីអាមេរិកលោក បារ៉ាក់ អូបាម៉ា ដើម្បីសុំជំនួយថ្នាំព្យាបាលមេរោគ កាលពីថ្ងៃសុក្រកន្លងទៅ ហើយរដ្ឋាភិបាលលីបេរីយ៉ា បានប្រកាសថា ថ្នាំនេះនឹងបញ្ជូនទៅដល់ប្រទេសរបស់ខ្លួនដោយអ្នកតំណាងសហរដ្ឋអាមេរិកនៅចុងសប្តាហ៍នេះ។ ដោយឡែកប្រធានអង្គការសុខភាពពិភពលោក លោកស្រី Margaret Chan បានអនុញ្ញាតអោយមានការបញ្ជូនថ្នាំទៅកាន់ប្រទេសលីបេរីយ៉ា ដើម្បីគាំទ្រ ការព្យាបាលអ្នកដែលបានឆ្លងមេរោគ Ebola នេះ។
ប៉ុន្តែការបញ្ជូនថ្នាំដែលបានស្រាវជ្រាវរួច ទៅកាន់ប្រទេសនៅអាហ្វ្រិកខាងលិចនេះ គឺកំពុងស្ថិតក្នុងភាពចម្រូងចម្រាស និងស្ថិតក្នុងការជជែកដេញដោលនៅឡើយទេ ព្រោះថ្នាំដែលនឹងត្រូវប្រើប្រាស់នេះចាំបាច់ត្រូវពិសោធន៍ជាច្រើនដំណាក់កាល និងត្រូវអនុញ្ញាតអោយបានត្រឹមត្រូវចៀសវាងប្រើប្រាស់ទៅបណ្តាលអោយប៉ះពាល់ដល់ជីវិតមនុស្សផងដែរ៕
លោក បាន សំអាង លម្អិតព័ត៌មាននេះ
ក្រោយពេលដែលមេរោគ Ebola បានបន្តរាតត្បាតខ្លាំងនៅអាហ្វ្រិកខាងលិច ហើយចំនួនអ្នកស្លាប់បានកើនឡើងខ្លាំងរហូតជិតដល់១០០០នាក់ហើយនោះ គេសង្កេតឃើញក្រុមហ៊ុនអាមេរិកមួយដែលទទួលខុសត្រូវក្នុងការស្រាវជ្រាវ និងពិសោធន៍ថ្នាំសម្រាប់ព្យាបាលមេរោគ Ebola បានប្រកាសថា ខ្លួនបានបញ្ជូនថ្នាំដែលបានស្រាវជ្រាវរួចទៅកាន់តំបន់អាហ្វ្រិកខាងលិចរួចរាល់ហើយ។
របាយការណ៍ចុងក្រោយដែលចេញនៅថ្ងៃចន្ទនេះ បានបញ្ជាក់ថា អ្នកស្លាប់ដោយសារមេរោគអេបូឡានៅក្នុងតំបន់អាហ្វ្រិកខាងលិចកើនដល់ ៩៦១នាក់ ហើយវាបន្តរាតត្បាតទៅកាន់ប្រទេសមួយចំនួនដូចជានីហ្សេរីយ៉ា និងលេចលឺព័ត៌មានថាមេរោគនេះកំពុងបន្តឆ្លងមកដល់ប្រទេសមួយចំនួននៅតំបន់អាស៊ី។
សេចក្តីថ្លែងការណ៍មួយដែលចេញដោយក្រុមហ៊ុនអាមេរិកខាងលើបានបញ្ជាក់ថា ថ្នាំដែលស្រាវជ្រាវបានសម្រាប់ព្យាបាលមេរោគEbola ត្រូវបានបញ្ជូនទៅកាន់អាហ្វ្រិកខាងលិច ជាការឆ្លើយតបទៅនឹងការស្នើសុំរបស់រដ្ឋាភិបាលប្រទេសអាហ្វ្រិកខាងលិច ហើយថ្នាំដែលផ្តល់អោយទៅនោះមិនមានគិតថ្លៃឡើយ។ ដោយឡែក ការសម្រេចចិត្តក្នុងការប្រើប្រាស់ថ្នាំសាកល្បងដែលមានឈ្មោះ ZMappត្រូវធ្វើឡើងដោយក្រុមអ្នកព្យាបាលមេរោគEbola នៅក្នុងប្រទេសអាហ្វ្រិកខ្លួនឯងតែម្តង។
ទោះជាយ៉ាងណាក៏ដោយក្រុមហ៊ុនខាងលើមិនបានបញ្ជាក់ថា មានថ្នាំចំនួនប៉ុន្មាននិងប្រទេសមួយណា នៅក្នុងប្រទេសអាហ្វ្រិកខាងលិចដែលត្រូវទទួលបានថ្នាំពិសោធន៍នេះឡើយ។ ថ្នាំ ZMappនេះត្រូវបានស្រាវជ្រាវឡើងដោយក្រុមអ្នកជំនាញផ្នែកវេជ្ជសាស្ត្រអាមេរិក និងកាណាដា ហើយវាត្រូវបានគេស្រាវជ្រាវ និងផលិតចេញពីថ្នាំជក់។ ដោយសារឱសថនេះត្រូវបានផលិតចេញពីដើមថ្នាំជក់ ដូច្នេះហើយទើបបានជាគេពិបាកផលិតថ្នាំនេះអោយច្រើន។
បើទោះជាក្រុមហ៊ុនមិនមានផ្តល់ព័ត៌មានថាប្រទេសណាមួយដែលទទួលបានថ្នាំពិសោធន៍ថ្មីនេះក៏ដោយ ក៏គេបានដឹងថា ប្រទេសលីបេរីយ៉ា ជាប្រទេសមួយដែលបានផ្ញើការស្នើសុំជំនួយទៅកាន់រដ្ឋាភិបាលអាមេរិក ដើម្បីប្រឆាំងនឹងមេរោគEbolaនេះ។ ការស្នើសុំជំនួយពីរដ្ឋាភិបាលលីបេរីយ៉ា គឺសុំថ្នាំដែលអាមេរិកផលិតបាន ដើម្បីយកមកសាកល្បងលើប្រជាជនខ្លួនដែលកំពុងរងគ្រោះដោយមេរោគដ៏កាចសាហាវមួយនេះ។
ប្រធានាធិបតីលីបេរីយ៉ាលោកស្រី Ellen Johnson បានអំពាវនាវទៅកាន់ប្រធានាធិបតីអាមេរិកលោក បារ៉ាក់ អូបាម៉ា ដើម្បីសុំជំនួយថ្នាំព្យាបាលមេរោគ កាលពីថ្ងៃសុក្រកន្លងទៅ ហើយរដ្ឋាភិបាលលីបេរីយ៉ា បានប្រកាសថា ថ្នាំនេះនឹងបញ្ជូនទៅដល់ប្រទេសរបស់ខ្លួនដោយអ្នកតំណាងសហរដ្ឋអាមេរិកនៅចុងសប្តាហ៍នេះ។ ដោយឡែកប្រធានអង្គការសុខភាពពិភពលោក លោកស្រី Margaret Chan បានអនុញ្ញាតអោយមានការបញ្ជូនថ្នាំទៅកាន់ប្រទេសលីបេរីយ៉ា ដើម្បីគាំទ្រ ការព្យាបាលអ្នកដែលបានឆ្លងមេរោគ Ebola នេះ។
ប៉ុន្តែការបញ្ជូនថ្នាំដែលបានស្រាវជ្រាវរួច ទៅកាន់ប្រទេសនៅអាហ្វ្រិកខាងលិចនេះ គឺកំពុងស្ថិតក្នុងភាពចម្រូងចម្រាស និងស្ថិតក្នុងការជជែកដេញដោលនៅឡើយទេ ព្រោះថ្នាំដែលនឹងត្រូវប្រើប្រាស់នេះចាំបាច់ត្រូវពិសោធន៍ជាច្រើនដំណាក់កាល និងត្រូវអនុញ្ញាតអោយបានត្រឹមត្រូវចៀសវាងប្រើប្រាស់ទៅបណ្តាលអោយប៉ះពាល់ដល់ជីវិតមនុស្សផងដែរ៕
© រក្សាសិទ្ធិដោយ thmeythmey.com
