សុខភាព
អន្តរជាតិ
ពេលមានផ្ទៃពោះ អាចលាបពណ៌សក់បានដែរឬទេ? 12, Oct 2014 , 9:30 am
× នៅពេលដែលអ្នកប្រើថ្នាំលាបសក់ ឬផលិតផលសក់ដទៃទៀត មួយចំនួនតូចអាចជ្រាបចូលទៅក្នុងស្បែករបស់អ្នកបាន។ ខណៈដែលការសិក្សាមួយនៅឆ្នាំ ២០០៥ បានលើកឡើងពីទំនាក់ទំនងរវាងការប្រើថ្នាំលាបសក់អំឡុងពេលមានផ្ទៃពោះ និងការអភិវឌ្ឍនៃជំងឺមហារីកកោសិកាសរសៃប្រសាទលើកុមារ ការសិក្សាមួយផ្សេងទៀតមិនបានឈានដល់ការសន្និដ្ឋានដូចគ្នានេះឡើយ។ ក្រុមអ្នកស្រាវជ្រាវភាគច្រើនបាននិយាយថា វាជាការមិនទំនងទេដែលថាការប្រើប្រាស់ផលិតផលសម្រាប់លាបសក់ មុន ឬអំឡុងពេលមានផ្ទៃពោះ នឹងបង្កើនហានិភ័យនៃបញ្ហាដុំសាច់លើកុមារនោះ។
ប្រសិនបើអ្នកជ្រើសរើសប្រើថ្នាំលាបសក់អំឡុងពេលមានផ្ទៃពោះ សូមពិចារណាពីការណែនាំទាំងនេះ ៖
• អនុវត្តតាមការណែនាំ ដែលមាននៅក្នុងកញ្ចប់ផលិតផលដោយប្រុងប្រយ័ត្ន
• ពាក់ស្រោមដៃ នៅពេលដែលលាបពណ៌សក់
• ទុកថ្នាំសក់មិនអោយយូរជាងការណែនាំ
• លាងជម្រះស្បែកក្បាលអោយបានហ្មត់ចត់ បន្ទាប់ពីការប្រើថ្នាំលាបសក់។
ប្រសិនបើអ្នកមានការព្រួយបារម្ភអំពីការប្រើថ្នាំលាបសក់អំឡុងពេលមានផ្ទៃពោះ សូមពិគ្រោះជាមួយអ្នកផ្តល់សេវាថែទាំសុខភាព៕
© រក្សាសិទ្ធិដោយ thmeythmey.com