អេបូឡា៖ បុរសតិចសាស់ម្នាក់ស្លាប់ខណៈអ្នកស្លាប់កើនដល់៣៩០០នាក់

សុខភាព

អន្តរជាតិ

អេបូឡា៖ បុរសតិចសាស់ម្នាក់ស្លាប់ខណៈអ្នកស្លាប់កើនដល់៣៩០០នាក់

09, Oct 2014 , 10:14 am

រូបភាព

ដោយ: ថ្មីៗ

បុរសលីបេរីយ៉ាម្នាក់ដែលបានក្លាយជាមនុស្សទី១ដែលមានជំងឺអេបូឡានៅលើទឹកដីសហរដ្ឋអាមេរិកបានស្លាប់ក្នុងមន្ទីរពេទ្យមួយក្នុងរដ្ឋតិចសាសកាលពីថ្ងៃពុធខណៈដែលចំនួនមនុស្សស្លាប់សរុបពីរោគរាតត្បាតនៅអាហ្វ្រិកខាងលិចមួយនេះកើនឡើងជិត៣៩០០នាក់ហើយ។

ចុចទីនេះដើម្បីទទួលបានព័ត៌មានរហ័ស

រដ្ឋធានីវ៉ាស៊ីនតោនបានធ្វើការរឹតបន្តឹងទៅលើការត្រួតពិនិត្យនៅឯអាកាសយានដ្ឋានដើម្បីប្រយុទ្ធប្រឆាំងនឹងជំងឺដ៏កាចសាហាវមួយនេះហើយអង្គការសុខភាពពិភពលោក(WHO) បានសម្តែងនូវការខ្វល់ខ្វាយយ៉ាងខ្លាំងទៅលើការរីករាលដានកាន់តែធំនៅក្នុងទ្វីបអឺរ៉ុបក្រោយពីគិលានុបដ្ឋាយិកាសញ្ជាតិអេស្ប៉ាញម្នាក់បានឆ្លងជំងឺនេះ។

ការផ្ទុះការរីករាលដ៏ធំបំផុតរបស់ពិភពលោកនៃជំងឺអេបូឡានេះបានសម្លាប់មនុស្សចំនួន៣៨៦៥នាក់ហើយក្នុងចំណោមអ្នកឆ្លងជំងឺចំនួន៨០៣៣នាក់ក្នុងឆ្នាំនេះជាពិសេសក្នុងប្រទេសលីបេរីយ៉ាសៀរ៉ាឡេអូននិងហ្គីណេ។នេះបើយោងទៅតាមស្ថិតិចុងក្រោយបំផុតរបស់អង្គការសុខភាពពិភពលោក។

ការរីករាល់ដាលនៃមេរោគមួយនេះខណៈដែលមានរោគសញ្ញាជាលើកទី១នៅលើទឹកដីសហរដ្ឋអាមេរិកក្រោយពីមានករណីនៃការឆ្លងរោគទី១នៅប្រទេសអេស្ប៉ាញបាននាំឲ្យមានការព្រួយបារម្ភយ៉ាងខ្លាំងទៅលើការឆ្លងនៅតំបន់ប្រទេសលោកខាងលិច។

លោកZsuzsannaJakabប្រធានប្រចាំតំបន់របស់WHO បាននិយាយថាករណីដែលបានកើតឡើងនៅអេស្ប៉ាញគឺមិនអាចជៀសផុតឡើយប៉ុន្តែការប្រឈមមុខនឹងការរីករាលដាល់ពេញលេញនៃជំងឺនេះស្ថិតក្នុងកម្រិតដ៏ទាប៕

ប្រែសម្រួលដោយផេងសំណាង