ជាតិ
ពីនេះ ពីនោះ
សង្គមជាតិ
មូលហេតុ និងផលវិបាកនៃអំពើពុករលួយ 08, Jan 2015 , 11:20 am
× អំពើពុករលួយ គឺជាការរំលោភអំណាច ដែលត្រូវបានផ្តល់ឲ្យដើម្បីប្រយោជន៍ផ្ទាល់ខ្លួន។
នៅកម្រិតបុគ្គល៖ មូលហេតុចម្បងនៃអំពើពុករលួយត្រូវបានទទួលស្គាល់ជាទូទៅថា គឺជាភាពអាត្មានិយមរបស់បុគ្គល បានន័យថាបុគ្គលម្នាក់ៗតាមធម្មជាតិមាននិន្នាការយកចិត្តទុកដាក់ចំពោះខ្លួនឯង មុនគិតដល់អ្នកដទៃ។
នៅកម្រិតសង្គម៖ អំពើពុករលួយអាចកតើឡើងដោយសារកត្តាជាច្រើនរួមមាន កង្វះគណនេយ្យភាព ភាពមិនច្បាស់លាស់នៃច្បាប់ យន្តការ និងនីតិវិធីដែលមាន និងការអនុវត្តមិនមានប្រសិទ្ធភាពនៃច្បាប់ យន្តការ និងនីតិវិធីទាំងនោះ ក៏ដូចជាភាពទន់ខ្សោយនៃប្រព័ន្ធតាមដាន ត្រួតពិនិត្យ និងវាយតម្លៃនៅក្នុងស្ថាប័នរដ្ឋ និងឯកជន។
អំពើពុករលួយនាំមកនូវផលវិបាកជាច្រើនដល់វិស័យសេដ្ឋកិច្ច អភិបាលកិច្ច និងសង្គមនយោបាយ។ ក្នុងនោះផលវិបាកជាក់ស្តែងរួមមាន ការថយចុះនៃការវិនិយោគ កង្វះប្រសិទ្ធភាពក្នុងការផ្តល់សេវាសាធារណៈ ការប្រើប្រាស់ធនធានមិនបានត្រឹមត្រូវចំគោលដៅ អយុត្តិធម៌សង្គម និងកំណើននៃភាពក្រីក្រជាដើម៕
ប្រភព៖ ដកស្រង់ចេញពីសៀវភៅមធ្យមសិក្សាទុតិយភូមិ ដែលផលិតរួមគ្នាដោយអង្គភាពប្រឆាំងអំពើពុករលួយ និងក្រសួងអប់រំ។
© រក្សាសិទ្ធិដោយ thmeythmey.com