ជាតិ
នយោបាយជាតិ
តើនរណាអាចជាអគ្គលេខាធិការប្រតិបត្តិរបស់ហ្វ៊ុនស៊ិនប៉ិច?
18, Jan 2015 , 11:20 am
ព្រះអង្គម្ចាស់ រណឬទ្ធិ ជួបជាមួយមន្ត្រីដឹកនាំហ៊្វុនស៊ិនប៉ិច នៅព្រឹកថ្ងៃទី១០មករា
×![]()
ដោយ: សារព័ត៌មានថ្មីៗ
រចនាសម្ព័ន្ធរបស់គណបក្សហ្វ៊ុនស៊ិនប៉ិចថ្មីនឹងត្រូវផ្លាស់ប្តូរ។ គណបក្សដែលដឹកនាំដោយសមាជិករាជវង្សមួយនេះដែលធ្លាប់តែមានតំណែងប្រធាននោះ នឹងត្រូវមានអនុប្រធានដល់ទៅ២ទៅវិញ នៅក្រោយការយាងត្រឡប់របស់ព្រះអង្គម្ចាស់ នរោត្តម រណឬទ្ធិ។
នៅក្នុងសន្និសីទកាសែតរបស់ព្រះអង្គម្ចាស់រណឬទ្ធិកាលពីប៉ុន្មានសប្តាហ៍មុន ព្រះអង្គបានមានព្រះបន្ទូលឲ្យដឹងហើយថា ព្រះអង្គម្ចាស់ក្សត្រី នរោត្តម អារុណ រស្មី និងលោក ញឹក ប៊ុនឆៃ នឹងក្លាយជាអនុប្រធានទីមួយ និងអនុប្រធានទី២របស់គណបក្សហ្វ៊ុនស៊ិនប៉ិច។ ព្រះអង្គម្ចាស់ នរោត្តម រណឬទ្ធិ ក៏បានបង្ហើបឲ្យដឹងអំពីដំណែង«អគ្គលេខាធិការប្រតិបត្តិ»របស់គណបក្សហ្វ៊ុនស៊ិនប៉ិចដែរ។
គេនៅមិនទាន់ដឹងថា តើដំណែងអគ្គលេខាធិការប្រតិបត្តិនេះ នឹងមានអំណាចប៉ុណ្ណា? ហើយតើមន្ត្រីសំខាន់រូបណានឹងត្រូវតែងតាំងសម្រាប់ដំណែងនេះ? នៅពេលដែលដំណែងមួយនេះនឹងត្រូវតែងតាំងដោយប្រធានគណបក្ស គឺព្រះអង្គម្ចាស់នរោត្តម រណឬទ្ធិនោះ វាប្រាកដណាស់ថា ព្រះអង្គម្ចាស់នឹងត្រូវសំឡឹងមើលមនុស្សស្និទ្ធជុំវិញព្រះអង្គ។
មានមន្ត្រីសំខាន់មួយចំនួនដែលបានទ្រាំដង្ហែតាមព្រះអង្គតាំងពីដើមរៀងមកដោយមិនបានរត់ចេញពីព្រះអង្គទៅចូលរួមជាមួយគណបក្សផ្សេង និងមានមន្ត្រីមួយចំនួនទៀតដែលបានចាកចេញពីគណបក្សហ្វ៊ុនស៊ិនប៉ិចហើយបានមកចូលរួមបង្កើតគណបក្ស«សង្គមរាស្ត្ររាជាធិបតេយ្យ»ជាមួយព្រះអង្គ។ គណបក្សនេះត្រូវបានប្រកាសជាផ្លូវការកាលពីខែមីនាឆ្នាំ២០១៤ ហើយបានលើកស្លាកនៅទូទាំងប្រទេសមិនតិចជាង៥០០ស្លាកនោះឡើយ។
អ្នកដែលនៅរួមរស់ និងបង្កើតគណបក្សសង្គមរាស្ត្ររាជាធិបតេយ្យរួមមាន៖ លោក ឈឹម សៀកឡេង លោក សាយ ហាក់ លោកស្រី កង បូរ៉ាណ លោក ប៉ោ ប៊ុនស្រ៊ឺ លោក ទុំ សម្បុរ លោក គីង សំណាង និងលោក ញ៉េប ប៊ុនជិនជាដើម។ ក្នុងចំណោមមន្ត្រីសំខាន់ទាំងនេះ អាចមានមន្ត្រីម្នាក់នឹងត្រូវបានតែងតាំងជាអគ្គលេខាធិការប្រតិបត្តិរបស់ហ្វ៊ុនស៊ិនប៉ិចសម័យថ្មី។ ទោះយ៉ាងណាក៏ដោយ គេក៏មិនទាន់ច្បាស់ថា បេក្ខភាពអគ្គលេខាធិការប្រតិបត្តិនេះ អាចត្រូវប្រកាសនៅក្នុងសមាជនៅថ្ងៃទី១៩មករាខាងមុខនេះដែរ៕
នៅក្នុងសន្និសីទកាសែតរបស់ព្រះអង្គម្ចាស់រណឬទ្ធិកាលពីប៉ុន្មានសប្តាហ៍មុន ព្រះអង្គបានមានព្រះបន្ទូលឲ្យដឹងហើយថា ព្រះអង្គម្ចាស់ក្សត្រី នរោត្តម អារុណ រស្មី និងលោក ញឹក ប៊ុនឆៃ នឹងក្លាយជាអនុប្រធានទីមួយ និងអនុប្រធានទី២របស់គណបក្សហ្វ៊ុនស៊ិនប៉ិច។ ព្រះអង្គម្ចាស់ នរោត្តម រណឬទ្ធិ ក៏បានបង្ហើបឲ្យដឹងអំពីដំណែង«អគ្គលេខាធិការប្រតិបត្តិ»របស់គណបក្សហ្វ៊ុនស៊ិនប៉ិចដែរ។
គេនៅមិនទាន់ដឹងថា តើដំណែងអគ្គលេខាធិការប្រតិបត្តិនេះ នឹងមានអំណាចប៉ុណ្ណា? ហើយតើមន្ត្រីសំខាន់រូបណានឹងត្រូវតែងតាំងសម្រាប់ដំណែងនេះ? នៅពេលដែលដំណែងមួយនេះនឹងត្រូវតែងតាំងដោយប្រធានគណបក្ស គឺព្រះអង្គម្ចាស់នរោត្តម រណឬទ្ធិនោះ វាប្រាកដណាស់ថា ព្រះអង្គម្ចាស់នឹងត្រូវសំឡឹងមើលមនុស្សស្និទ្ធជុំវិញព្រះអង្គ។
មានមន្ត្រីសំខាន់មួយចំនួនដែលបានទ្រាំដង្ហែតាមព្រះអង្គតាំងពីដើមរៀងមកដោយមិនបានរត់ចេញពីព្រះអង្គទៅចូលរួមជាមួយគណបក្សផ្សេង និងមានមន្ត្រីមួយចំនួនទៀតដែលបានចាកចេញពីគណបក្សហ្វ៊ុនស៊ិនប៉ិចហើយបានមកចូលរួមបង្កើតគណបក្ស«សង្គមរាស្ត្ររាជាធិបតេយ្យ»ជាមួយព្រះអង្គ។ គណបក្សនេះត្រូវបានប្រកាសជាផ្លូវការកាលពីខែមីនាឆ្នាំ២០១៤ ហើយបានលើកស្លាកនៅទូទាំងប្រទេសមិនតិចជាង៥០០ស្លាកនោះឡើយ។
អ្នកដែលនៅរួមរស់ និងបង្កើតគណបក្សសង្គមរាស្ត្ររាជាធិបតេយ្យរួមមាន៖ លោក ឈឹម សៀកឡេង លោក សាយ ហាក់ លោកស្រី កង បូរ៉ាណ លោក ប៉ោ ប៊ុនស្រ៊ឺ លោក ទុំ សម្បុរ លោក គីង សំណាង និងលោក ញ៉េប ប៊ុនជិនជាដើម។ ក្នុងចំណោមមន្ត្រីសំខាន់ទាំងនេះ អាចមានមន្ត្រីម្នាក់នឹងត្រូវបានតែងតាំងជាអគ្គលេខាធិការប្រតិបត្តិរបស់ហ្វ៊ុនស៊ិនប៉ិចសម័យថ្មី។ ទោះយ៉ាងណាក៏ដោយ គេក៏មិនទាន់ច្បាស់ថា បេក្ខភាពអគ្គលេខាធិការប្រតិបត្តិនេះ អាចត្រូវប្រកាសនៅក្នុងសមាជនៅថ្ងៃទី១៩មករាខាងមុខនេះដែរ៕
© រក្សាសិទ្ធិដោយ thmeythmey.com
