កំណាព្យ៖ ខូចដូចតែគ្នា

ជាតិ

ពីនេះ ពីនោះ

កំណាព្យ៖ ខូចដូចតែគ្នា

08, Feb 2015 , 3:00 pm

រូបភាព

ដោយ: ថ្មីៗ

                          (បទកាកគតិ)

- អ្នកធំ អ្នកតូច    គឺឌាតែខ្នូច
ខូចដូចតែគ្នា ធំអាងបុណ្យស័ក្តិ
ឋានៈទ្រព្យា តូចតាចនោះវា
              នាំគ្នាខូចដែរ។

ចុចទីនេះដើម្បីទទួលបានព័ត៌មានរហ័ស

- អ្នកធំ អ្នកតូច         បើនឹងខិលខូច
គឺខូចតាមខ្សែ         បន្លំស៊ីសូក
សំណូកហូរហែ      ព្រោះអាងគ្នាដែរ
             តាមខ្សែមិនក្រែង។

- ខ្លះអាងអំណាច     យកច្បាប់កម្លាច
គំរាមគេឯង            ទោះអ្នកតូចត្រូវ
កុំសូវមកខែង        បើហ៊ានសម្ញែង
            ច្បាស់ជាខ្លោចប្រាណ។

- ឯអ្នកតូចខ្លះ         គំនិតផ្តេសផ្តាស
គិតតែរំខាន          អាងលើមេស្លូត
រប៉ូចឥតស្រាន្ត    ត្រូវខុសប៉ុន្មាន
            តវ៉ាមិនស្វាង។

- អ្នកធំ-អ្នកតូច      ម្តេចមិនឈប់ខូច
ខំប្រឹងកសាង      ស្នាដៃការងារ
ពុះពារឈប់អាង   អំណាចគ្រប់យ៉ាង
             រួបរួមសាមគ្គី៕

និពន្ធដោយ៖ វិឆ័យ សុភី