ពីនេះ ពីនោះ
នៅក្នុងប្រទេសរំដួល អ្នកថ្មើរជើងត្រូវបានគេមើលងាយ!
07, May 2015 , 8:30 pm
×![]()
ដោយ: លីម តុលា
នៅក្នុងប្រទេសជឿនលឿនគោរពច្បាប់ចរាចរណ៍ អ្នកថ្មើរជើងត្រូវបានគេគោរព និងអោយតម្លៃតាមរយៈការសាងសង់ស្ពានលើអាកាស ឬរក្សាកន្លែងធ្វើដំណើរទុកសម្រាប់ពួកគេនៅលើថ្នល់។
នៅក្នុងប្រទេសជឿនលឿនដដែល នៅពេលអ្នកថ្មើរជើងឆ្លងកាត់ផ្លូវម្តងៗ អ្នកបើកបរយាន្តជំនិៈគ្រប់ប្រភេទតែងតែទុកអាទិភាពជូនអ្នកថ្មើរជើង។ អ្នកថ្មើរជើងមានចិញ្ចើមផ្លូវសម្រាប់ធ្វើដំណើរ ឬមានផ្លូវឆ្លងកាត់ខាងលើអាកាសខ្វាត់ខ្វែងសម្រាប់ធ្វើដំណើរ។
ងាកទៅមើលប្រទេសរំដួលវិញ ចិញ្ចើមផ្លូវសម្រាប់អ្នកថ្មើរជើងធ្វើដំណើរត្រូវបានឈ្មួញម្ចាស់ផ្ទះនីមួយៗយកទៅធ្វើអាជីវកម្មអស់។ ពេលឆ្លងកាត់ផ្លូវម្តងៗ អ្នកបើកបរនៃប្រទេសរំដួលមិនដែលខ្វាយខ្វល់ពីអ្នកថ្មើរជើងឡើយ។
អ្នកធ្វើដំណើរខ្លះទើបមកពីជនបទ មិនចេះរបៀបឆ្លងផ្លូវ ត្រូវរង់ចាំ១ម៉ោងទើបហ៊ានឆ្លងផ្លូវ។ ចំណែកឯអ្នកបើកបរនៃប្រទេសរំដួលវិញ មិនខ្វល់។ ងាកទៅ
ខាងអាជ្ញាធរនៃប្រទេសរំដួលវិញ មិនទាន់កសាងស្ពានតូចៗឆ្លងកាត់ផ្លូវសម្រាប់អ្នកថ្មើរជើងនៅឡើយទេ។ សូម្បីតែភ្លើងស្តុបហ្នឹងក៏មិនទាន់មានគ្រប់កន្លែងផង។ នេះហើយ គឺជាការលំបាករបស់អ្នកថ្មើរជើងនៅក្នុងប្រទេសរំដួល តែគ្មាននរណាចាប់អារម្មណ៍ឡើយ៕
© រក្សាសិទ្ធិដោយ thmeythmey.com
