ពីនេះ ពីនោះ
លក់ឲ្យជនបរទេសថ្លៃ លក់ឲ្យខ្មែរថោក មិនយល់…? 09, May 2015 , 3:49 pm
×
ក្រសួងទេសចរណ៍នៃព្រះរាជាណាចក្រកម្ពុជា បានចំណាយពេលវេលា ថាមពល និងប្រាក់កាសជាច្រើនដើម្បីទាក់ទាញភ្ញៀវទេសចរបរទេស។ ប៉ុន្តែ នៅពេលដែលភ្ញៀសទេសចរបរទេសមកដល់ ពួកគេខ្លះបែរជាមានអារម្មណ៍ថា ខ្មែរបោកប្រាស់គេទៅវិញ។
អារម្មណ៍ថាត្រូវបានគេបោកនេះ ពីព្រោះ អ្នកទេសចរបរទេសឆ្ងល់ថា ហេតុអ្វីអ្នកលក់ដូរជនជាតិខ្មែរ លក់របស់គ្រប់យ៉ាងទៅអោយជនបរទេសក្នុងតម្លៃខ្ពស់ទាំងអស់។ គុយទាវមួយចាននៅតំបន់អង្គរលក់ជូនជនជាតិខ្មែរតម្លៃ២ដុល្លារ។ តែគុយទាវមួយចានដូចគ្នា លក់ជូនបរទេសក្នុងតម្លៃ៤ដុល្លារ។ សំបុត្ររថយន្តក្រុងពីក្រុងភ្នំពេញទៅសៀមរាបលក់ជូនជនជាតិខ្មែរ៨ដុល្លារ តែលក់ជូនជនជាតិបរទេសក្នុងតម្លៃ១០ដុល្លារ។ ត្រីម៉ាស្សានៅក្នុងសៀមរាបយកប្រាក់ពីខ្មែរប្រាំកាក់ជាដុល្លារ តែ២ដុល្លារសម្រាប់ជនបរទេស(បញ្ជាក់សម្រាប់កន្លះម៉ោង)។ បន្ទប់សម្រាន្តក្នុងសណ្ឋាគារសម្រាប់ខ្មែរ២៥ដុល្លារ ជន
បទេស៤០ដុល្លារ។
ជាធម្មតា សេវាកម្មណាដែលមានចរិតដូចគ្នា ទំហំប៉ុនគ្នា អ្នកលក់ខ្មែរមិនត្រូវកំណត់ថ្លៃខុសគ្នាឡើយ លើកលែងតែជាបេតិកភណ្ឌជាតិរបស់ខ្មែរ ដូចជា ប្រាសាទអង្គរវត្តជាដើម។ គំនិតដែលគិតថា ជនបរទេសមានថវិកាច្រើនជាងខ្មែរនោះ គឺជាគំនិតខុស។ ជនបរទេសខ្លះ មានថវិកាមិនច្រើនដូចការគិតខុសរបស់ខ្មែរនោះទេ។ តែទោះបី បើពួកគេមានប្រាក់ច្រើនជាងខ្មែរក៏ដោយក្តី ក៏អ្នកលក់ខ្មែរមិនគួរមានគំនិតកោរ ឬកិបកេងពីគេដែរ។
ការបែងចែកតម្លៃរវាងពូជសាសន៍ខុសនេះ ជំរុញអោយភ្ញៀវបរទេសមិនសប្បាយចិត្តនឹងស្ថានភាពទេសចរណ៍នៃប្រទេសកម្ពុជាឡើយ។ ហើយនៅទីបញ្ចប់ ពួកគេនឹង«បាយបាយ»កម្ពុជានៅថ្ងៃណាមួយ។ លក់អោយជនបរទេសថ្លៃ លក់អោយខ្មែរថោក មិនយល់…?
© រក្សាសិទ្ធិដោយ thmeythmey.com