សម្រស់​បន្ទាយស្រី

(បទ​កាកគតិ)

ឱ!បន្ទាយស្រី ប្រាសាទ​លើដី

ន័យ​ដូច​លើ​សួ​គ៍ ក្បូរក្បាច់​ឥតខ្ចោះ

គ្មាន​ចន្លោះ​តួ ទេសចរ​ផ្អើល​សួរ

សរសើរ​គ្រប់​មាត់។ 

ទាំង​ក្បាច់ចម្លាក់ ទាំង​ក្បួន​ចារ​ឆ្លាក់

ទាំង​រចនាបថ ទាំង​រូប​ទាំង​រាង

ឥត​ល្អៀង​ម៉ត់ចត់ សម្រស់​ប្រាកដ

ដូច​ស្រី​ក្រមុំ ។

ប្រាសាទ​តួ​តូច គ្មាន​ត្រង់ណា​ខូច

ដូច​និមិត្ត​ផ្គុំ អណ្តែត​ខ្លួនប្រាណ

លើ​ឋាន​ភិរម្យ ដែនដី​ដង​ជុំ

មនោ​រម្យ​សៀមរាប។

បណ្តាច់បណ្តូល ត្រកង​ត្រកូល

ពូជខ្មែរ​គ្មាន​ប្រៀប អតីត​ដិត​ចារ

ស្នាដៃ​ធំ​ធៀប ពារ​ពោរ​ហូរ​ព្រៀប

វប្ប​ធ​ម៍​រុងរឿង។

សម័យ​ឥឡូវ គួរ​រក្សា​ត្រូវ

ផ្លូវជាតិ​ឲ្យ​សឿង គាំពារ​វប្ប​ធ​ម៍ 

ឈាមជ័រ​រុងរឿង កុំ​ឲ្យ​ជាតិ​កឿង

កើល​កល់​ជាប់គាំង៕
 

និពន្ធ​ដោយ៖ ប៊ុន ពិសី, កែសម្រួល៖វិឆ័យ សុ​ភី