ជញ្ជីងត្រី

ពីនេះ ពីនោះ

ជញ្ជីងត្រី

27, Jun 2015 , 2:20 pm

រូបភាព

ជញ្ជីងត្រី

ចុចទីនេះដើម្បីទទួលបានព័ត៌មានរហ័ស

ជញ្ជីងបះរេគ្មានលំនឹង ការពិតគេពឹងថ្លឹងឲ្យស្មើ

ខ្លះពឹងឲ្យបះតាមដំណើ ជញ្ជីងថាអើអញបះតាម!

ម្ខាងធ្លាក់ចុះទាបម្ខាងឡើងខ្ពស់ លើញាតិប្រាក់យសក្រោមរហាម

ជញ្ជីងទីមួយមុតដូចឡាម ចង់ស្មើត្រូវតាមទៅឧទ្ធរណ៍។

ជញ្ជីងទីពីរស៊ីដូចគ្នា បួនខាំទៅជាមួយគីឡូ

បើចង់ថ្លឹងគ្រប់ត្រូវខំទរ ម្ខាងវៀចម្ខាងងដល់កំពូល។

ដល់ហើយចាប់ថ្លឹងមិនឲ្យស្មើ ថ្លឹងមួយសំណើរថែមទំនូល

ថ្លឹងនៅឧទ្ធរណ៍អស់ទាំងមូល មកដល់កំពូលភ័យស្លន់ស្លោ។

ជញ្ជីងទាំងបីស៊ីខ្លាំងណាស់ ជញ្ជីងចេះច្បាស់ច្បាប់កាប់កោរ

ជញ្ជីងគេប្រើតាមផ្សារផ្សោ ឈ្នះសល់ក្តិតខោចាញ់អាក្រាត។

ជញ្ជីងកញ្ចាស់ច្រែះពុកឆ្លុះ ជញ្ជីងបីនោះថ្លឹងនាំខាត

កុំជោរចង់ថ្លឹងបើអ្នកឆ្លាត ប្រយ័ត្នអាក្រាតឬស្លៀកស្លីប៕

ផ្តល់សិទ្ធិដោយ៖ បណ្ឌិត ច័ន្ទ សំណព្វ