កីឡាជាតិ
ជាតិ
វេស្ទើន ទទួលប៉ូលិស គីរីវង់ប៉ះស្វាយរៀង និងបៀលប្រាយជួបភ្នំពេញក្រោន
30, Sep 2015 , 10:49 am
×![]()
ក្រុមកីឡាបាល់ទាត់វេស្ទើនភ្នំពេញ ត្រូវប្រកួតជាមួយអគ្គស្នងការដ្ឋាននគរបាលជាតិ (ប៉ូលិស) នៅវេលាម៉ោង ៣:៣០ រសៀលថ្ងៃទី ៣០ ខែ កញ្ញា នេះលើទីលានកីឡដ្ឋានវេស្ទើន ស្របពេលក្រុមគីរីវង់សុខសែនជ័យ ជួបក្រុមស្វាយរៀងអេហ្វស៊ី នៅវេលាម៉ោង ៣:៣០ នាទីដូចគ្នាតែនៅទីលានពហុកីឡដ្ឋានជាតិ ចំពេលក្រុមបៀលប្រាយយូណាយធិត ជួបក្រុមភ្នំពេញក្រោន នៅវេលាម៉ោង៦ ល្ងាចលើទីលានពហុកីឡដ្ឋានដូចគ្នា ក្នុងវគ្គសន្សំពិន្ទុសប្ដាហ៍ទី ២០នៃពានរង្វាន់បាល់ទាត់មិត្តហ្វូនខេមបូឌានលីក២០១៥ (Metfone Cambodian League 2015) ។
*វេស្ទើន ទទួលក្រុមអគ្គស្នងការដ្ឋាននគរបាលជាតិ វេលាម៉ោង៣:៣០ រសៀល
វេស្ទើន ក្រោមការដឹកនាំរបស់លោក ប៉ែន ផាត អតីតកីឡាករជម្រើសជាតិជំនាន់ទសវត្សទី៦០ កំពុងតែត្រូវការពិន្ទុជាចាំបាច់ដើម្បីគេចឱ្យផុតពីតំបន់បាតតារាង។ ប្រកួតចុងក្រោយ វេស្ទើន បានបរាជ័យ ក្រោមថ្វីដៃក្រុមជើងឯកឆ្នាំចាស់ភ្នំពេញក្រោន ១០ ទល់ ។ ក្រុមដែលមានម្ចាស់ក្លិបវិនិយោគលើសិក្សាធិការមួយនេះ កំពុងឈរចំណាត់ថ្នាក់លេខ ១១ មាន ១៣ ពិន្ទុ ក្រោយប្រកួតបាន ១៩ លើកឈ្នះ ៤ ស្មើ ១ និងចាញ់ ១៤ លើក។
ចំណែកក្រុមអគ្គស្នងការដ្ឋាននគរបាលជាតិ វិញក៏ត្រូវការ៣ពិន្ទុជាចាំបាច់ដែរ ដើម្បីប្រជែងយកកៅអីក្រុមខ្លាំងទាំង៤ (Top4) មុនបញ្ចប់រដូវកាល២០១៥នេះ។ លោក អ៊ុង កងយ៉ានិត គ្រូបង្វឹករបស់ក្រុមប៉ូលិស កំពុងរៀបចំពង្រឹងកូនក្រុមបន្ថែមទៀត ក្រោយប្រកួត១៩ លើកឈ្នះ ៩ ស្មើ ៥ និង ចាញ់ ៥ លើកមាន ៣២ ពិន្ទុ ឈរចំណាត់ថ្នាក់លេខ ៣ បណ្ដោះអាសន្ន។
*គីរីវង់សុខសែនជ័យ ជួបស្វាយរៀងអែហ្វស៊ី នៅម៉ោង៣:៣០នាទីល្ងាច
និយាយពីគីរីវង់សុខសែនជ័យ ២ ប្រកួតចុងក្រោយឈ្នះទាំង២ ពោលគឺឈ្នះម្ចាស់ជើងឯកឆ្នាំចាស់ភ្នំពេញក្រោន ២ ទល់ ១ និងបន្តឈ្នះបៀលប្រាយយូណាយធីត ៣ ទល់ ១ ក្នុងនាមជាក្រុមបាតតារាង។ លោក ផាន់ ចាន់ផាត នៅតែមានទស្សនៈវិជ្ជមានក្នុងការរក្សាក្រុមឱ្យឆ្លងផុតតំបន់បាតតារាងទោះជាការប្រកួតនៅសល់តែ ២ លើកទៀតប៉ុណ្ណោះក៏ដោយ។
ចំណែកស្វាយរៀងអែហ្វស៊ី របស់លោក សំ វ៉ាន់ដេត ៣ ពិន្ទុនៅក្នុងប្រកួតនេះពិតជាមានសារសំខាន់ណាស់ ដើម្បីប្រជែងតំណែង Top ឆ្ពោះទៅកាន់វគ្គខ្វែង ទោះជាពេលនេះឈរនៅចំណាត់ថ្នាក់លេខ ៧ តែមាន ២៩ ពិន្ទុក្នុងដៃ។ ប្រកួតចុងក្រោយស្វាយរៀង បានបរាជ័យក្រោមម្ចាស់ផ្ទះក្រសួងការពារជាតិ ១ ទល់ ០ ។
*បៀលប្រាយយូណាយធិត ជួបភ្នំពេញក្រោន នៅម៉ោង៦ល្ងាច
សម្រាប់ក្រុមបៀលប្រាយ ជាក្រុមដែលស្ថិតនៅកណ្ដាលគឺមិនបារម្ភខ្លាចធ្លាក់ចេញពីលីក ហើយក៏អស់ឱកាសប្រជែងយកជើងឯកដែរ។ មាន ២១ពិន្ទុក្នុងដៃ ទោះជាប្រកួតចុងក្រោយ៣លើកឈ្នះទាំង៣ ក៏ក្រុមមួយនៅមិនអាចដណ្ដើមតំណែង Top4 បានដែរ។ កាលពីជើងទី១ បៀលប្រាយ ចាញ់មែនតែរបូតតែ១គ្រាប់ប៉ុណ្ណោះពេលជួបភ្នំពេញក្រោន។
ចំពោះភ្នំពេញក្រោន កំពុងឈរកំពូលតារាងបណ្ដោះអាសន្ន បន្ទាប់ពីមានគ្រាប់បាល់ចំណេញច្រើនជាងក្រុមលេខ២ បឹងកេតអង្គរ ព្រោះក្រុមទាំង២ មាន ៤៥ ពិន្ទុស្មើគ្នា។ ភ្នំពេញក្រោន ត្រូវការពិន្ទុជាចាំបាច់ដើម្បីបន្តតំណែងលេខ១ កំពូលតារាង និងប្រជែងយកកៅអីឡើងទៅលេងក្នុងពាន Toyota Mekong Championship 2015 ។
តើក្រុមណាអាចរកបាន ៣ ពិន្ទុនៅល្ងាចថ្ងៃពុធ នេះ?
*វេស្ទើន ទទួលក្រុមអគ្គស្នងការដ្ឋាននគរបាលជាតិ វេលាម៉ោង៣:៣០ រសៀល
វេស្ទើន ក្រោមការដឹកនាំរបស់លោក ប៉ែន ផាត អតីតកីឡាករជម្រើសជាតិជំនាន់ទសវត្សទី៦០ កំពុងតែត្រូវការពិន្ទុជាចាំបាច់ដើម្បីគេចឱ្យផុតពីតំបន់បាតតារាង។ ប្រកួតចុងក្រោយ វេស្ទើន បានបរាជ័យ ក្រោមថ្វីដៃក្រុមជើងឯកឆ្នាំចាស់ភ្នំពេញក្រោន ១០ ទល់ ។ ក្រុមដែលមានម្ចាស់ក្លិបវិនិយោគលើសិក្សាធិការមួយនេះ កំពុងឈរចំណាត់ថ្នាក់លេខ ១១ មាន ១៣ ពិន្ទុ ក្រោយប្រកួតបាន ១៩ លើកឈ្នះ ៤ ស្មើ ១ និងចាញ់ ១៤ លើក។
ចំណែកក្រុមអគ្គស្នងការដ្ឋាននគរបាលជាតិ វិញក៏ត្រូវការ៣ពិន្ទុជាចាំបាច់ដែរ ដើម្បីប្រជែងយកកៅអីក្រុមខ្លាំងទាំង៤ (Top4) មុនបញ្ចប់រដូវកាល២០១៥នេះ។ លោក អ៊ុង កងយ៉ានិត គ្រូបង្វឹករបស់ក្រុមប៉ូលិស កំពុងរៀបចំពង្រឹងកូនក្រុមបន្ថែមទៀត ក្រោយប្រកួត១៩ លើកឈ្នះ ៩ ស្មើ ៥ និង ចាញ់ ៥ លើកមាន ៣២ ពិន្ទុ ឈរចំណាត់ថ្នាក់លេខ ៣ បណ្ដោះអាសន្ន។
*គីរីវង់សុខសែនជ័យ ជួបស្វាយរៀងអែហ្វស៊ី នៅម៉ោង៣:៣០នាទីល្ងាច
និយាយពីគីរីវង់សុខសែនជ័យ ២ ប្រកួតចុងក្រោយឈ្នះទាំង២ ពោលគឺឈ្នះម្ចាស់ជើងឯកឆ្នាំចាស់ភ្នំពេញក្រោន ២ ទល់ ១ និងបន្តឈ្នះបៀលប្រាយយូណាយធីត ៣ ទល់ ១ ក្នុងនាមជាក្រុមបាតតារាង។ លោក ផាន់ ចាន់ផាត នៅតែមានទស្សនៈវិជ្ជមានក្នុងការរក្សាក្រុមឱ្យឆ្លងផុតតំបន់បាតតារាងទោះជាការប្រកួតនៅសល់តែ ២ លើកទៀតប៉ុណ្ណោះក៏ដោយ។
ចំណែកស្វាយរៀងអែហ្វស៊ី របស់លោក សំ វ៉ាន់ដេត ៣ ពិន្ទុនៅក្នុងប្រកួតនេះពិតជាមានសារសំខាន់ណាស់ ដើម្បីប្រជែងតំណែង Top ឆ្ពោះទៅកាន់វគ្គខ្វែង ទោះជាពេលនេះឈរនៅចំណាត់ថ្នាក់លេខ ៧ តែមាន ២៩ ពិន្ទុក្នុងដៃ។ ប្រកួតចុងក្រោយស្វាយរៀង បានបរាជ័យក្រោមម្ចាស់ផ្ទះក្រសួងការពារជាតិ ១ ទល់ ០ ។
*បៀលប្រាយយូណាយធិត ជួបភ្នំពេញក្រោន នៅម៉ោង៦ល្ងាច
សម្រាប់ក្រុមបៀលប្រាយ ជាក្រុមដែលស្ថិតនៅកណ្ដាលគឺមិនបារម្ភខ្លាចធ្លាក់ចេញពីលីក ហើយក៏អស់ឱកាសប្រជែងយកជើងឯកដែរ។ មាន ២១ពិន្ទុក្នុងដៃ ទោះជាប្រកួតចុងក្រោយ៣លើកឈ្នះទាំង៣ ក៏ក្រុមមួយនៅមិនអាចដណ្ដើមតំណែង Top4 បានដែរ។ កាលពីជើងទី១ បៀលប្រាយ ចាញ់មែនតែរបូតតែ១គ្រាប់ប៉ុណ្ណោះពេលជួបភ្នំពេញក្រោន។
ចំពោះភ្នំពេញក្រោន កំពុងឈរកំពូលតារាងបណ្ដោះអាសន្ន បន្ទាប់ពីមានគ្រាប់បាល់ចំណេញច្រើនជាងក្រុមលេខ២ បឹងកេតអង្គរ ព្រោះក្រុមទាំង២ មាន ៤៥ ពិន្ទុស្មើគ្នា។ ភ្នំពេញក្រោន ត្រូវការពិន្ទុជាចាំបាច់ដើម្បីបន្តតំណែងលេខ១ កំពូលតារាង និងប្រជែងយកកៅអីឡើងទៅលេងក្នុងពាន Toyota Mekong Championship 2015 ។
តើក្រុមណាអាចរកបាន ៣ ពិន្ទុនៅល្ងាចថ្ងៃពុធ នេះ?
Tag:
MCL2015
© រក្សាសិទ្ធិដោយ thmeythmey.com
