កីឡាជាតិ
ជាតិ
សហព័ន្ធកីឡាកាយសម្ព័ន្ធកម្ពុជាបានកំណត់ទិសដៅការងារសម្រាប់អាណត្តិទី៥
10, Oct 2015 , 7:40 pm
×![]()
បន្ទាប់ពីសមាជិកប្រតិបត្តិទាំងអស់របស់សហព័ន្ធកីឡាកាយសម្ព័ន្ធកម្ពុជា បានបោះឆ្នោតជ្រើសរើសប្រធានថ្មី លោក ថោង ខុន ក្នុងការដឹកនាំបន្តសម្រាប់អណត្តិទី៥ កាលពីចុងខែកញ្ញា នៅអាគារគណៈកម្មាធិការជាតិអូឡាំពិកកម្ពុជាកន្លងទៅសហព័ន្ធកីឡាកាយសម្ព័ន្ធកម្ពុជាបានកំណត់ផែនការ និងទិសដៅការងារទាំងក្នុងប្រទេស និងក្រៅប្រទេសរបស់ខ្លួនរួចរាល់ហើយសម្រាប់អាណត្តិទី៥នេះ។ 
លោក ថោង ខុន បានឱ្យដឹងថាសម្រាប់សកម្មភាពការងារក្នុងប្រទេស សមាជិកប្រតិបតិ្តសហព័ន្ធកីឡាកាយសម្ព័ន្ធកម្ពុជាត្រូវប្រជុំរៀងរាល់៣ខែម្តងដោយបណ្តុះបណ្តាលគ្រូថ្នាក់មូលដ្ឋាន បុគ្គលិកសហព័ន្ធ មន្ត្រីបច្ចេកទេស ត្រូវធ្វើតេស្តសមត្ថភាពប្រចាំខែ និងធ្វើការប្រកួតជ្រើសរើសជើងឯកប្រចាំឆ្នាំដើម្បីពង្រឹងសមត្ថភាពប្រកួតរបស់កីឡាករ កីឡាការនី និងដើម្បីត្រៀមខ្លួនធ្វើជាម្ចាស់ផ្ទះនៅឆ្នាំ២០២៣ ។
លោក ប្រធានសហព័ន្ធបានឱ្យដឹងទៀតថា ចំណែកសម្មភាពការងារក្រៅប្រទេសវិញ ត្រូវធ្វើការទំនាក់ទំនងជាមួយកីឡាកាយសម្ព័ន្ធ អាស៊ី និងសហព័ន្ធអន្តរជាតិ ដើម្បីបញ្ជូនគ្រូ និងចៅក្រមទៅរៀនវគ្គជំនាញអន្តរជាតិ ត្រូវចូលរួមប្រជុំមហាសន្និបាតរបស់សហព័ន្ធអន្តរជាតិប្រចាំឆ្នាំ។
គួរបញ្ជាក់ថា សមាជិកប្រតិបត្តិអាណត្តិទី៥ មានចំនួន ៧នាក់ក្នុងនោះ លោក ថោង ខុន ជាប្រធាន, លោក សុខ ហុង អនុប្រធាន, លោក ណយ ផាណា អគ្គលេខាធិការ, លោក មាស សារ៉េត អគ្គលេខាធិការរង ឬឯសមាជិប្រតិបត្តិមាន កញ្ញា ងួន វត្តី អ្នកស្រី ឌួង សាមៃ និងអ្នកស្រី ពេជ្រ យូ៕
Tag:
កាយសម្ព័ន្ធ
© រក្សាសិទ្ធិដោយ thmeythmey.com
