កីឡាជាតិ
ជាតិ
ជនពិកា កម្ពុជា ត្រៀមខ្លួនក្នុងការប្រកួតកីឡា ប៉ារ៉ាហ្គេម នៅ សឹង្ហបុរី 04, Nov 2015 , 7:46 am
×
អត្តពលិកពិកា ផ្នែករទេះចំនួន ៥ នាក់នឹងបង្ហាញវត្តមានក្នុងព្រឹត្តិការណ៍ ប៉ារ៉ាហ្គេម នៅក្នុងប្រទេសសិង្ហបុរី រយៈពេល ៧ ថ្ងៃ ចាប់ពីថ្ងៃទី៣ ដល់ថ្ងៃទី៩ ខែធ្នូ ខាងមុខនេះ។
លោក លាក់ ឡុច គ្រូបង្វឹកផ្នែករទេះជនពិកាបានឱ្យដឹងថា អត្តពលិកទាំង ៥ ដែលនឹងចូលរួមប្រកួតកីឡាប៉ារ៉ាហ្គេមនៅសិង្ហបុរី រួមមានកីឡាករ វ៉ាន វ៉ុន, កីឡាករ ហេង សាវឿន, កីឡាករ ឯក ញ្ញាណសមុទ្រ, កីឡាមករ ឈុន ពុន និងកីឡាករ ហ៊ុន សើន ជាកីឡាករជើងថ្មី។ អត្តពលិកទាំងអស់ប្រកួតលើវិញ្ញាសា ២ ប្រទេភចម្ងាយ (១០០ម៉ែត្រ, ២០០ម៉ែត្រ និង៤០០ម៉ែត្រ), និង(២០០ម៉ែត្រ, ៤០០ម៉ែត្រ, និង៨០០ម៉ែត្រ)។ អត្តពលិកទាំងអស់នឹងចេញពីប្រទេសកម្ពុជា ចន្លោះថ្ងៃទី៣០ ចុងខែវិច្ឆិកា ឬថ្ងៃទី១ ដើមខែធ្នូ។
លោកគ្រូម្នាក់នេះមានមោទនភាពចំពោះលទ្ធផលនៃការប្រកួតកាលពីលើកមុន ដោយលោកលើកឡើងថា «ចំពោះលទ្ធផលរបស់គាត់សុំសរសើរ និងមានមោទនភាពណាស់សម្រាប់បងប្អូនពិការបស់យើង ព្រោះក្នុងម្នាក់គាត់ទទួលបានមេដាយមាសរហូតដល់ ៥ (មាស៣, ប្រាក់២)។ ហើយសម្រាប់ការប្រកួតលើកនេះប្រសិនបើគេវាយតម្លៃប្រភេទបងប្អូនជនពិកាយើងដូចប្រទេសឥណ្ឌូនេស៊ី និងមីយ៉ាន់ម៉ា យើងសង្ឃឹមឈ្នះ ១០០ភាគរយ ដោយសារយើងអាចមើលឃើញពីសមត្ថភាពគូប្រកួតរបស់យើង»។
គួរបញ្ជាក់ផងដែរថា សម្រាប់ការប្រកួតអាស៊ានប៉ារ៉ាហ្គេមលើកមុន កីឡាករ វ៉ាន វ៉ុន ទទួលបានមេដាយមាស ៣ ប្រាក់ ២ ខណៈកីឡាករ ហេង សាវឿន ប្រាក់២ សំរឹទ្ធ១ ចំណែកកីឡាករ ទទួលបានមេដាយប្រាក់២ និងកីឡាករ ឈុន ពុន ទទួលបានមេដាយប្រាក់២ ផងដែរ។
© រក្សាសិទ្ធិដោយ thmeythmey.com