កីឡាជាតិ
ជាតិ
ប៉េតង់យុវជនកម្ពុជា ខកចិត្តនៅវគ្គ១/៤ផ្តាច់ព្រ័ត្រក្នុងព្រឹត្តិការណ៍ជើងឯកពិភពលោក
04, Nov 2015 , 2:32 pm
×![]()
ក្រុមកីឡាប៉េតង់យុវជនជម្រើសជាតិកម្ពុជា មិនបានទទួលមេដាយឡើយក្នុងព្រឹត្តិការណ៍ Juniors Petanque World Championships លើកទី១៥នៅ ទីក្រុងបាងកក ប្រទេសថៃ ពីថ្ងៃទី៣១ ខែតុលា ដល់ថ្ងៃទី៣ ខែវិច្ឆិកា កន្លងមកនេះ។ ក្រុមយុវជនកម្ពុជា បានចូលរួមប្រកួតក្នុងវិញ្ញាសាជាក្រុម និងវិញ្ញាសាវាយយកពិន្ទុ ហើយសុទ្ធតែបានធ្លាក់ចេញនៅវគ្គ១/៤ផ្តាច់ព្រ័ត្រក្នុងលទ្ធផលដែលមិនអស់ចិត្ត។
ការប្រកួតវិញ្ញាសាជាក្រុមដែលប្រព្រឹត្តទៅនៅលើទីលានសាកលវិទ្យាល័យ Bangkok Thoburi ក្រុមយុវជនកម្ពុជា ដែលមាន កីឡាករ មួង ទិត្យម៉ាណែត, ទីវ រដ្ឋា, ផង់ ហាស់សិទ្ធិទេវរាជ និងកីឡាការិនី ស្រ៊ាង សុរ៉ាឃីម បានបញ្ចប់ក្នុងចំណាត់ថ្នាក់លេខ១២ក្នុងចំណោមក្រុមទាំង៣៤ ដោយឈ្នះ ស្វីស ១៣-១២ ឈ្នះតួកគី ១៣-៥ ឈ្នះជប៉ុន ១៣-១ តែចាញ់ម៉ាដាហ្គាស្កា ១-១៣ និងចាញ់ម៉ារ៉ុក ៤-១៣ ។
ឈានដល់វគ្គ១/៨ផ្តាច់ព្រ័ត្រ ក្រុមកីឡាយុវជនកម្ពុជា បានយកឈ្នះក្រុមអេស្ប៉ាញ ១៣-១០ ហើយបានហាលអាវទាំងមិនអស់ចិត្ត បន្ទាប់ពីចាញ់ក្រុមឡាវក្នុងលទ្ធផល ១២-១៣ យ៉ាងប្រផិតប្រផើយ។
សម្រាប់ពានរង្វាន់ជាក្រុមផ្នែកយុវជន ក្នុងព្រឹត្តិការណ៍ Juniors Petanque World Championships លើកទី១៥នេះ ក្រុមបារាំងបានឈ្នះមេដាយមាស ក្រោយជ័យជម្នះ ១៣-៧ លើក្រុមម៉ាដាហ្គាស្កា ខណៈក្រុមឡាវ និងថៃ បានមេដាយសំរឹទ្ធ។
ដោយឡែកក្នុងការប្រកួតលើវិញ្ញាសាវាយយកពិន្ទុ (Shooting) ផ្នែកយុវជន កីឡាករ មួង ទិត្យម៉ាណែត ធ្វើបានយ៉ាងល្អនៅវគ្គជម្រុះ ដោយរកបាន៤៧ពិន្ទុ និងស្ថិតនៅចំណាត់ថ្នាក់លេខពីរ បន្ទាប់ពីកីឡាករម៉ាដាហ្គាស្កា Ratianarison Judichael Anjaraniaiana ដែលរកបាន៥២ពិន្ទុ។ កីឡាកររបស់ម៉ាដាហ្គាស្កា កម្ពុជា អាល្លឺម៉ង់ និងថៃ ឈានទៅកាន់វគ្គបន្តដោយស្វ័យប្រវត្តិ ខណៈបារាំង ម៉ារ៉ុក ម៉ាណាកូ និងចិន-តៃប៉ិ ឈានចូលវគ្គ១/៤ ដោយសារឈ្នះការប្រកួតជម្រុះជាមួយ១២ក្រុមផ្សេងទៀត។
អ្វីដែលគួរឲ្យសោកស្តាយ កីឡាករ មួង ទិត្យម៉ាណែត បានខកចិត្តនៅវគ្គ១/៤ផ្តាច់ព្រ័ត្រ ដោយចាញ់កីឡាករម៉ារ៉ុក Jose Riviere ១៦-២៧ ។ សម្រាប់ពានរង្វាន់យុវជនលើវិញ្ញាសាវាយយកពិន្ទុនេះ កីឡាករ ម៉ាដាហ្គាស្កា Ratianarison Judichael Anjaraniaiana ក្លាយជាម្ចាស់មេដាយមាស ក្រោយឈ្នះកីឡាករអាល្លឺម៉ង់ Kurbanov Temur ៣៤-១១ នៅវគ្គផ្តាច់ព្រ័ត្រ ខណៈកីឡាករថៃ Pasom Titiphong និងកីឡាករម៉ារ៉ុក Jose Riviere បានមេដាយសំរឹទ្ធ។
នៅថ្ងៃព្រហស្បតិ៍ ក្រុមកីឡាការិនីកម្ពុជានឹងចាប់ផ្តើមយុទ្ធនាការរបស់ខ្លួន ដោយក្នុងនោះ កីឡាការិនី កែ ឡេង រំពឹងស្វែងរកមេដាយសម្រាប់កម្ពុជាបន្ថែមទៀត បន្ទាប់ពីគាត់ដណ្តើមបានមេដាយមាសលើវិញ្ញាសាវាយយកពិន្ទុ និងមេដាយសំរឹទ្ធក្នុងវិញ្ញាសាជាក្រុមដោយចាប់ដៃជាមួយកីឡាការិនីអ៊ុក ស្រីមុំ, អ៊ុំ ចន្ទ្រា និងអ៊ុន ស្រីយ៉ា នាព្រឹត្តិការណ៍ប្រកួតនៅទីក្រុង Montauban ប្រទេសបារាំងកាលពីឆ្នាំ២០១៣ ។
សូមបញ្ជាក់ផងដែរនាការប្រកួត ដណ្តើមពានរង្វាន់កីឡាប៉េតង់ពិភពលោកលើកទី១៥នេះទាំងផ្នែកនារីនិង យុវជនមានបេក្ខជនមកពីជាង៤០ប្រទេសដែលជាសមាជិកសហព័ន្ធកីឡាប៉េតង់ អន្តរជាតិ។ យោងតាមតារាងចំណាត់ថ្នាក់រួមបើគិតត្រឹមព្រឹត្តិការណ៍ ប្រកួតនៅទីក្រុងMontaubanប្រទេសបារាំងកាលពីឆ្នាំ២០១៣កម្ពុជា ស្ថិតក្នុងចំណាត់ថ្នាក់ទី១៣លើពិភពលោកក្រោយទទួលបានមេដាយមាស១និង សំរឹទ្ធ៕
ការប្រកួតវិញ្ញាសាជាក្រុមដែលប្រព្រឹត្តទៅនៅលើទីលានសាកលវិទ្យាល័យ Bangkok Thoburi ក្រុមយុវជនកម្ពុជា ដែលមាន កីឡាករ មួង ទិត្យម៉ាណែត, ទីវ រដ្ឋា, ផង់ ហាស់សិទ្ធិទេវរាជ និងកីឡាការិនី ស្រ៊ាង សុរ៉ាឃីម បានបញ្ចប់ក្នុងចំណាត់ថ្នាក់លេខ១២ក្នុងចំណោមក្រុមទាំង៣៤ ដោយឈ្នះ ស្វីស ១៣-១២ ឈ្នះតួកគី ១៣-៥ ឈ្នះជប៉ុន ១៣-១ តែចាញ់ម៉ាដាហ្គាស្កា ១-១៣ និងចាញ់ម៉ារ៉ុក ៤-១៣ ។
ឈានដល់វគ្គ១/៨ផ្តាច់ព្រ័ត្រ ក្រុមកីឡាយុវជនកម្ពុជា បានយកឈ្នះក្រុមអេស្ប៉ាញ ១៣-១០ ហើយបានហាលអាវទាំងមិនអស់ចិត្ត បន្ទាប់ពីចាញ់ក្រុមឡាវក្នុងលទ្ធផល ១២-១៣ យ៉ាងប្រផិតប្រផើយ។
សម្រាប់ពានរង្វាន់ជាក្រុមផ្នែកយុវជន ក្នុងព្រឹត្តិការណ៍ Juniors Petanque World Championships លើកទី១៥នេះ ក្រុមបារាំងបានឈ្នះមេដាយមាស ក្រោយជ័យជម្នះ ១៣-៧ លើក្រុមម៉ាដាហ្គាស្កា ខណៈក្រុមឡាវ និងថៃ បានមេដាយសំរឹទ្ធ។
ដោយឡែកក្នុងការប្រកួតលើវិញ្ញាសាវាយយកពិន្ទុ (Shooting) ផ្នែកយុវជន កីឡាករ មួង ទិត្យម៉ាណែត ធ្វើបានយ៉ាងល្អនៅវគ្គជម្រុះ ដោយរកបាន៤៧ពិន្ទុ និងស្ថិតនៅចំណាត់ថ្នាក់លេខពីរ បន្ទាប់ពីកីឡាករម៉ាដាហ្គាស្កា Ratianarison Judichael Anjaraniaiana ដែលរកបាន៥២ពិន្ទុ។ កីឡាកររបស់ម៉ាដាហ្គាស្កា កម្ពុជា អាល្លឺម៉ង់ និងថៃ ឈានទៅកាន់វគ្គបន្តដោយស្វ័យប្រវត្តិ ខណៈបារាំង ម៉ារ៉ុក ម៉ាណាកូ និងចិន-តៃប៉ិ ឈានចូលវគ្គ១/៤ ដោយសារឈ្នះការប្រកួតជម្រុះជាមួយ១២ក្រុមផ្សេងទៀត។
អ្វីដែលគួរឲ្យសោកស្តាយ កីឡាករ មួង ទិត្យម៉ាណែត បានខកចិត្តនៅវគ្គ១/៤ផ្តាច់ព្រ័ត្រ ដោយចាញ់កីឡាករម៉ារ៉ុក Jose Riviere ១៦-២៧ ។ សម្រាប់ពានរង្វាន់យុវជនលើវិញ្ញាសាវាយយកពិន្ទុនេះ កីឡាករ ម៉ាដាហ្គាស្កា Ratianarison Judichael Anjaraniaiana ក្លាយជាម្ចាស់មេដាយមាស ក្រោយឈ្នះកីឡាករអាល្លឺម៉ង់ Kurbanov Temur ៣៤-១១ នៅវគ្គផ្តាច់ព្រ័ត្រ ខណៈកីឡាករថៃ Pasom Titiphong និងកីឡាករម៉ារ៉ុក Jose Riviere បានមេដាយសំរឹទ្ធ។
នៅថ្ងៃព្រហស្បតិ៍ ក្រុមកីឡាការិនីកម្ពុជានឹងចាប់ផ្តើមយុទ្ធនាការរបស់ខ្លួន ដោយក្នុងនោះ កីឡាការិនី កែ ឡេង រំពឹងស្វែងរកមេដាយសម្រាប់កម្ពុជាបន្ថែមទៀត បន្ទាប់ពីគាត់ដណ្តើមបានមេដាយមាសលើវិញ្ញាសាវាយយកពិន្ទុ និងមេដាយសំរឹទ្ធក្នុងវិញ្ញាសាជាក្រុមដោយចាប់ដៃជាមួយកីឡាការិនីអ៊ុក ស្រីមុំ, អ៊ុំ ចន្ទ្រា និងអ៊ុន ស្រីយ៉ា នាព្រឹត្តិការណ៍ប្រកួតនៅទីក្រុង Montauban ប្រទេសបារាំងកាលពីឆ្នាំ២០១៣ ។
សូមបញ្ជាក់ផងដែរនាការប្រកួត ដណ្តើមពានរង្វាន់កីឡាប៉េតង់ពិភពលោកលើកទី១៥នេះទាំងផ្នែកនារីនិង យុវជនមានបេក្ខជនមកពីជាង៤០ប្រទេសដែលជាសមាជិកសហព័ន្ធកីឡាប៉េតង់ អន្តរជាតិ។ យោងតាមតារាងចំណាត់ថ្នាក់រួមបើគិតត្រឹមព្រឹត្តិការណ៍ ប្រកួតនៅទីក្រុងMontaubanប្រទេសបារាំងកាលពីឆ្នាំ២០១៣កម្ពុជា ស្ថិតក្នុងចំណាត់ថ្នាក់ទី១៣លើពិភពលោកក្រោយទទួលបានមេដាយមាស១និង សំរឹទ្ធ៕
Tag:
ប៉េតង់
© រក្សាសិទ្ធិដោយ thmeythmey.com
