អន្តរជាតិ
ប្រជាជនតៃវ៉ាន់មានទំនោរខ្លាំងទៅបក្សប្រឆាំងមិនរណបក្រុងប៉េកាំង
06, Jan 2016 , 3:56 pm
×![]()
មេដឹកនាំបក្សប្រជាធិបតេយ្យជឿនលឿន (DPP) ដែលជាបក្សប្រឆាំងរបស់តៃវ៉ាន់ លោក ស្រី Tsai Ing-wen បាននាំមុខក្នុងការស្ទង់មតិមួយមុនការបោះឆ្នោត ជ្រើសរើសប្រធានាធិបតីនៅថ្ងៃទី១៦ ខែមករាខាងមុខ។ ឈ្មោះលោកស្រី ស្ថិតនៅលើគេក្នុងតារាងបេក្ខជន ហើយលោកស្រីបាននាំមុខបេក្ខជន មកពីបក្សកាន់អំណាចលោក Eric Chu ថែមទៀត។
ក្នុងការស្ទង់មតិមួយ បានបង្ហាញថាលោកស្រី Tsai Ing-wen បេក្ខជនគណបក្សប្រជាធិបតេយ្យជឿនលឿន ដែលមាននិន្នាការប្រឆាំងចិន បាននាំមុខគេនៅមុនការបោះឆ្នោតប្រធានាធិបតីដែលនឹងធ្វើនៅថ្ងៃទី១៦ ខែមករានេះ។
ការស្ទង់មតិខាងលើរៀបចំឡើងដោយ សមាគម Cross-Strait Policy ហើយរបាយការណ៍នេះបង្ហាញថា លោកស្រី Tsai Ing-wen បានទទួលសំឡេងគាំទ្រចំនួន៤៥.២ ភាគរយក្នុងចំណោមអ្នកចូលរួម ១,០៥២នាក់។ នេះមានន័យថា លោកស្រីនាំមុខបេក្ខជនមកពីបក្សកាន់អំណាចលោក Eric Chu ដែលទទួលសំឡេងគាំទ្រត្រឹមតែ១៦.៣ ភាគរយប៉ុណ្ណោះ ។
ក្នុងការផ្សាយរបស់សារព័ត៌មាន Channel NewsAsia លទ្ធផលនេះបញ្ជាក់ថា ប្រជាជនតៃវ៉ាន់ពេញចិត្តលទ្ធិប្រជាធិបតេយ្យ ជាជាងគណបក្សកាន់អំណាចដែលមាននិន្នាការទៅរករបបកុម្មុយនីស្តរបស់ចិនដីគោក ដែលតែងចាត់ទុកតៃវ៉ាន់ជាផ្នែកមួយរបស់ខ្លួន។ ហើយគណបក្សប្រជាធិបតេយ្យជឿនលឿន បានការគាំទ្រយ៉ាងខ្លាំងពីសំណាក់យុវជន ដែលមិនពេញចិត្តគោលនយោបាយរដ្ឋាភិបាលបច្ចុប្បន្ន ដែលពឹងផ្អែកខ្លាំងពេកទៅលើចិនឡើយ។
ជាមួយគ្នានេះដែរ ការស្ទង់មតិខាងលើបង្ហាញថា ប្រជាប្រិយរបស់លោកស្រី Tsai Ing-wen បានកើនឡើងមួយភាគរយ បើធៀបនឹងការស្ទង់មតិកាលពីខែធ្នូឆ្នាំមុន។ ចំណែកលោក Eric Chu វិញ ប្រជាប្រិយភាពលោកមានការធ្លាក់ចុះ៥.៨ ភាគរយ។ ហើយលោកស្រី Tsai Ing-wen បានទទួលការគាំទ្រច្រើនក្នុងចំណោមអ្នកឆ្លើយតបដែលមានអាយុចន្លោះ ២០ទៅ៣៤ ឆ្នាំ។ យ៉ាងណាក៏ដោយ អ្នកឆ្លើយតប ២២.៤ ភាគរយ មិនបានសម្រេចចិត្តជ្រើសរើសបេក្ខជនប្រធានាធិបតីណាមួយនោះទេ។
ទំនាក់ទំនងរវាងបក្សកុម្មុយនីស្តចិន និងបក្សប្រឆាំង DPP នឹងដើរតួនាទីសំខាន់ ក្នុងការរក្សាទំនាក់ទំនងដែលផុយស្រួយរវាងតៃវ៉ាន់ និងចិន ដោយសារតែកាំជ្រួចរាប់រយដើម ត្រូវបានដាក់ពង្រាយតម្រង់មកលើកោះនេះ ដោយចិនដីគោក ។ កន្លងមកទីក្រុងប៉េកាំងមិនសូវជាពេញចិត្តបក្សប្រឆាំងតៃវ៉ាន់ប៉ុន្មានទេ ព្រោះបក្សនេះគំរាមថា អនាគតរបស់តៃវ៉ាន់គឺស្ថិតលើដៃប្រជាជនតៃវ៉ាន់ ២៣លាននាក់ ដែលរឿងនេះត្រូវបានចិនចាត់ទុកថា ជាការប៉ុនប៉ងប្រកាសឯករាជ្យ៕
ក្នុងការស្ទង់មតិមួយ បានបង្ហាញថាលោកស្រី Tsai Ing-wen បេក្ខជនគណបក្សប្រជាធិបតេយ្យជឿនលឿន ដែលមាននិន្នាការប្រឆាំងចិន បាននាំមុខគេនៅមុនការបោះឆ្នោតប្រធានាធិបតីដែលនឹងធ្វើនៅថ្ងៃទី១៦ ខែមករានេះ។
ការស្ទង់មតិខាងលើរៀបចំឡើងដោយ សមាគម Cross-Strait Policy ហើយរបាយការណ៍នេះបង្ហាញថា លោកស្រី Tsai Ing-wen បានទទួលសំឡេងគាំទ្រចំនួន៤៥.២ ភាគរយក្នុងចំណោមអ្នកចូលរួម ១,០៥២នាក់។ នេះមានន័យថា លោកស្រីនាំមុខបេក្ខជនមកពីបក្សកាន់អំណាចលោក Eric Chu ដែលទទួលសំឡេងគាំទ្រត្រឹមតែ១៦.៣ ភាគរយប៉ុណ្ណោះ ។
ក្នុងការផ្សាយរបស់សារព័ត៌មាន Channel NewsAsia លទ្ធផលនេះបញ្ជាក់ថា ប្រជាជនតៃវ៉ាន់ពេញចិត្តលទ្ធិប្រជាធិបតេយ្យ ជាជាងគណបក្សកាន់អំណាចដែលមាននិន្នាការទៅរករបបកុម្មុយនីស្តរបស់ចិនដីគោក ដែលតែងចាត់ទុកតៃវ៉ាន់ជាផ្នែកមួយរបស់ខ្លួន។ ហើយគណបក្សប្រជាធិបតេយ្យជឿនលឿន បានការគាំទ្រយ៉ាងខ្លាំងពីសំណាក់យុវជន ដែលមិនពេញចិត្តគោលនយោបាយរដ្ឋាភិបាលបច្ចុប្បន្ន ដែលពឹងផ្អែកខ្លាំងពេកទៅលើចិនឡើយ។
ជាមួយគ្នានេះដែរ ការស្ទង់មតិខាងលើបង្ហាញថា ប្រជាប្រិយរបស់លោកស្រី Tsai Ing-wen បានកើនឡើងមួយភាគរយ បើធៀបនឹងការស្ទង់មតិកាលពីខែធ្នូឆ្នាំមុន។ ចំណែកលោក Eric Chu វិញ ប្រជាប្រិយភាពលោកមានការធ្លាក់ចុះ៥.៨ ភាគរយ។ ហើយលោកស្រី Tsai Ing-wen បានទទួលការគាំទ្រច្រើនក្នុងចំណោមអ្នកឆ្លើយតបដែលមានអាយុចន្លោះ ២០ទៅ៣៤ ឆ្នាំ។ យ៉ាងណាក៏ដោយ អ្នកឆ្លើយតប ២២.៤ ភាគរយ មិនបានសម្រេចចិត្តជ្រើសរើសបេក្ខជនប្រធានាធិបតីណាមួយនោះទេ។
ទំនាក់ទំនងរវាងបក្សកុម្មុយនីស្តចិន និងបក្សប្រឆាំង DPP នឹងដើរតួនាទីសំខាន់ ក្នុងការរក្សាទំនាក់ទំនងដែលផុយស្រួយរវាងតៃវ៉ាន់ និងចិន ដោយសារតែកាំជ្រួចរាប់រយដើម ត្រូវបានដាក់ពង្រាយតម្រង់មកលើកោះនេះ ដោយចិនដីគោក ។ កន្លងមកទីក្រុងប៉េកាំងមិនសូវជាពេញចិត្តបក្សប្រឆាំងតៃវ៉ាន់ប៉ុន្មានទេ ព្រោះបក្សនេះគំរាមថា អនាគតរបស់តៃវ៉ាន់គឺស្ថិតលើដៃប្រជាជនតៃវ៉ាន់ ២៣លាននាក់ ដែលរឿងនេះត្រូវបានចិនចាត់ទុកថា ជាការប៉ុនប៉ងប្រកាសឯករាជ្យ៕
Tag:
ចិន
បោះឆ្នោតតៃវ៉ាន់
© រក្សាសិទ្ធិដោយ thmeythmey.com
