អន្តរជាតិ
ចិន ក្រពុលមុខនឹងកូរ៉េខាងជើងដែលហ៊ានសាកល្បងគ្រាប់បែកអ៊ីដ្រូសែន
06, Jan 2016 , 4:49 pm
×![]()
រដ្ឋាភិបាលក្រុងប៉េកាំង បានថ្កោលទោសរដ្ឋាភិបាលព្យុងយ៉ាងដែលបានបាញ់សាកល្បងគ្រាប់បែកអ៊ីដ្រូសែនដែលជាអាវុធដ៏មានឥទ្ធិពល និងគ្រោះថ្នាក់បំផុត។ នេះបើយោងតាមការប្រកាសរបស់ក្រសួងការបរទេសចិន ដែលធ្វើឡើងក្រោយពីរដ្ឋាភិបាលកូរ៉េខាងជើង បានប្រកាសថាខ្លួនបានបាញ់គ្រាប់បែកអ៊ីដ្រូសែនដោយជោគជ័យ។
ក្រសួងការបរទេសចិន បានចេញសេចក្ដីប្រកាសព័ត៌មានថ្កោលទោសរដ្ឋាភិបាលកូរ៉េខាងជើង ដែលហ៊ានសាកល្បងគ្រាប់បែកអ៊ីដ្រូសែន ដែលបានល្មើសនឹងបម្រាមរបស់ក្រុមប្រឹក្សាសន្តិសុខ ។ ចិន ប្រហែលជាកំពុងតែក្ដៅស្លឹកត្រចៀកខ្លាំងហើយ ដ្បិត កូរ៉េខាងជើងមិនបានប្រាប់ខ្លួនជាមុនពីការសាកល្បងនៃការបាញ់គ្រាប់បែកនេះ ។
នៅព្រឹកថ្ងៃទី៦ ខែមករា ទីភ្នាក់ងារសារព័ត៌មានរដ្ឋកូរ៉េខាងជើង KCNA បានចេញផ្សាយថា កូរ៉េខាងជើង បានទទួលជោគជ័យក្នុងការសាកល្បងគ្រាប់បែកអ៊ីដ្រូសែន ។ ការប្រកាសនេះធ្វើឡើងក្រោយពីមានគ្រោះរញ្ជួយដីមួយដែលមានរង្វាស់ប្រមាណ៥.១ វិចទ័រ ដែលអ្នកជំនាញជាច្រើនបានចាត់ថា កើតឡើងដោយសារតែការសាកល្បងគ្រាប់បែកអ៊ីដ្រូសែននោះឯង ។
រដ្ឋាភិបាលក្រុងប៉េកាំងដែលជាសម្ព័ន្ធមិត្តជិតស្និទ្ធរបស់ទីក្រុងព្យុងយ៉ាង មិនសប្បាយចិត្តចំពោះរឿងនេះនោះទេ ។ ហើយនេះ បានបញ្ជាក់ថា ទំនាក់ទំនងស្អិតល្មួតរវាងប្រទេសកុម្មុយនីសទាំងពីរ មិនផ្អែមល្ហែមដូចមុននោះឡើយ ។ គេសង្កេតឃើញថា រយៈពេលចុងក្រោយនេះ ចិនហាក់ដូចជាមិនសូវខ្វល់ខ្វាយនឹងកូរ៉េខាងជើងប៉ុន្មាននោះទេ ជាពិសេសនោះគឺ ចាប់តាំងពីការឡើងកាន់អំណាចរបស់មេដឹកនាំវ័យក្មេង គីម ជុងអ៊ុន នៅឆ្នាំ២០១២ ។
មួយវិញទៀតនោះ ប្រទេសទាំងពីរ ហាក់កាន់តែឃ្លាតពីគ្នា នៅពេលដែលចិនផ្ដោតការយកចិត្តទុកដាក់ខ្លាំងលើគោលនយោបាយពង្រឹងកម្លាំងយោធារបស់ខ្លួន ។ ជាពិសេសនោះ ចិន ក៏បានពង្រឹងទំនាក់ទំនងជាមួយកូរ៉េខាងត្បូងកាន់តែជិតស្និទ្ធទៅទៀត ។ ជាក់ស្ដែង នោះគឺដំណើរទស្សនកិច្ចរបស់នាយករដ្ឋមន្ត្រីចិន លី ខឺឈាំង (Li Keqiang) ទៅកាន់ទីក្រុងសេអ៊ូលកាលពីខែវិច្ឆិកា ឆ្នាំ២០១៥ ។
ចំណែកឯកូរ៉េខាងជើងវិញ ចាប់ពីការឡើងកាន់អំណាចរបស់លោក គីម ជុងអ៊ុន មក ក៏មិនសូវយកចិត្តទុកដាក់ជាមួយនឹងសម្ព័ន្ធមិត្តចិនប៉ុន្មានដែរ ពោលគឺជា កូរ៉េខាងជើង ព្យាយាម ពង្រឹងសមត្ថភាពដោយខ្លួនឯង៕
ក្រសួងការបរទេសចិន បានចេញសេចក្ដីប្រកាសព័ត៌មានថ្កោលទោសរដ្ឋាភិបាលកូរ៉េខាងជើង ដែលហ៊ានសាកល្បងគ្រាប់បែកអ៊ីដ្រូសែន ដែលបានល្មើសនឹងបម្រាមរបស់ក្រុមប្រឹក្សាសន្តិសុខ ។ ចិន ប្រហែលជាកំពុងតែក្ដៅស្លឹកត្រចៀកខ្លាំងហើយ ដ្បិត កូរ៉េខាងជើងមិនបានប្រាប់ខ្លួនជាមុនពីការសាកល្បងនៃការបាញ់គ្រាប់បែកនេះ ។
នៅព្រឹកថ្ងៃទី៦ ខែមករា ទីភ្នាក់ងារសារព័ត៌មានរដ្ឋកូរ៉េខាងជើង KCNA បានចេញផ្សាយថា កូរ៉េខាងជើង បានទទួលជោគជ័យក្នុងការសាកល្បងគ្រាប់បែកអ៊ីដ្រូសែន ។ ការប្រកាសនេះធ្វើឡើងក្រោយពីមានគ្រោះរញ្ជួយដីមួយដែលមានរង្វាស់ប្រមាណ៥.១ វិចទ័រ ដែលអ្នកជំនាញជាច្រើនបានចាត់ថា កើតឡើងដោយសារតែការសាកល្បងគ្រាប់បែកអ៊ីដ្រូសែននោះឯង ។
រដ្ឋាភិបាលក្រុងប៉េកាំងដែលជាសម្ព័ន្ធមិត្តជិតស្និទ្ធរបស់ទីក្រុងព្យុងយ៉ាង មិនសប្បាយចិត្តចំពោះរឿងនេះនោះទេ ។ ហើយនេះ បានបញ្ជាក់ថា ទំនាក់ទំនងស្អិតល្មួតរវាងប្រទេសកុម្មុយនីសទាំងពីរ មិនផ្អែមល្ហែមដូចមុននោះឡើយ ។ គេសង្កេតឃើញថា រយៈពេលចុងក្រោយនេះ ចិនហាក់ដូចជាមិនសូវខ្វល់ខ្វាយនឹងកូរ៉េខាងជើងប៉ុន្មាននោះទេ ជាពិសេសនោះគឺ ចាប់តាំងពីការឡើងកាន់អំណាចរបស់មេដឹកនាំវ័យក្មេង គីម ជុងអ៊ុន នៅឆ្នាំ២០១២ ។
មួយវិញទៀតនោះ ប្រទេសទាំងពីរ ហាក់កាន់តែឃ្លាតពីគ្នា នៅពេលដែលចិនផ្ដោតការយកចិត្តទុកដាក់ខ្លាំងលើគោលនយោបាយពង្រឹងកម្លាំងយោធារបស់ខ្លួន ។ ជាពិសេសនោះ ចិន ក៏បានពង្រឹងទំនាក់ទំនងជាមួយកូរ៉េខាងត្បូងកាន់តែជិតស្និទ្ធទៅទៀត ។ ជាក់ស្ដែង នោះគឺដំណើរទស្សនកិច្ចរបស់នាយករដ្ឋមន្ត្រីចិន លី ខឺឈាំង (Li Keqiang) ទៅកាន់ទីក្រុងសេអ៊ូលកាលពីខែវិច្ឆិកា ឆ្នាំ២០១៥ ។
ចំណែកឯកូរ៉េខាងជើងវិញ ចាប់ពីការឡើងកាន់អំណាចរបស់លោក គីម ជុងអ៊ុន មក ក៏មិនសូវយកចិត្តទុកដាក់ជាមួយនឹងសម្ព័ន្ធមិត្តចិនប៉ុន្មានដែរ ពោលគឺជា កូរ៉េខាងជើង ព្យាយាម ពង្រឹងសមត្ថភាពដោយខ្លួនឯង៕
Tag:
ចិន
កូរ៉ខាងជើង
គ្រាប់បែកអ៊ីដ្រូសែន
© រក្សាសិទ្ធិដោយ thmeythmey.com
