អន្តរជាតិ
លោកស្រីស៊ូជី៖ អ្នកមានសមត្ថភាពប៉ុណ្ណោះអាចកាន់តំណែងរដ្ឋមន្ត្រី
06, Jan 2016 , 8:39 pm
×![]()
ដោយ: តន ចាន់រិទ្ធារ៉ា
លោកស្រី អ៊ុងសាន ស៊ូជី ប្រធានគណបក្សសម្ព័ន្ធជាតិដើម្បីប្រជាធិបតេយ្យ (NLD) បានព្រមានចាត់វិធានការដល់សមាជិកសភាមកពីគណបក្សលោកស្រី ដែលចង់បានតួនាទីក្នុងរដ្ឋាភិបាលថ្មី ។ លោកស្រីនិយាយដូច្នេះក្នុងពេលចូលរួមអបអរខួប៦៨ឆ្នាំ បុណ្យឯករាជ្យជាតិមីយ៉ាន់ម៉ានៅទីស្នាក់ការបក្សក្នុងទីក្រុងយាំងហ្គូន ។
ប្រមុខបក្សសម្ព័ន្ធជាតិដើម្បីប្រជាធិបតេយ្យលោកស្រី អ៊ុងសាន ស៊ូជី ព្រមានចាត់វិធានការក្ដៅលើសមាជិកសភាដែលទើបជាប់ឆ្នោតថ្មីរបស់បក្សលោកស្រី ដែលចង់បានតំណែងក្នុងគណៈរដ្ឋមន្ត្រីថ្មី ។ ថ្លែងក្នុងពិធីអបអរបុណ្យឯករាជ្យជាតិមីយ៉ាន់ម៉ា លោកស្រី ស៊ូជី ថ្លែងថា លោកស្រីមិនចូលចិត្តអ្នកណាដែលចង់ធ្វើរដ្ឋមន្ត្រីនោះទេ ។ តំណែងរដ្ឋមន្ត្រីនឹងត្រូវតែងតាំង នៅពេលមានការចាត់តាំងឲ្យកាន់កាប់តែប៉ុណ្ណោះ ។ ហើយលោកស្រីនឹងចាត់វិធានការតាមវិន័យបក្សដល់អ្នកណាដែលចង់ធ្វើជារដ្ឋមន្ត្រី ។
បើតាមសារព័ត៌មាន The Irrawaddy នេះមិនមែនជាលើកទីមួយទេដែលលោកស្រី ស៊ូជី ព្រមានចាត់វិធានការលើសមាជិកសភាដែលស្នើសុំតំណែងក្នុងរដ្ឋាភិបាលថ្មីដែលនឹងចេញជារូបរាងនៅពេលខាងមុខ ។ ក្នុងកិច្ចប្រជុំមួយកាលពីចុងឆ្នាំ២០១៥ លោកស្រីបានប្រៀបធៀបអ្នកដែលស្នើសុំតំណែងរដ្ឋមន្ត្រី ទៅនឹងអ្នកដែលល្មោភចង់បានតំណែងដោយឥតខ្មាស់អៀន ។
មេបក្សប្រឆាំងវ័យ៧០ ឆ្នាំរូបនេះបញ្ជាក់ថា តំណែងរដ្ឋមន្ត្រីនឹងផ្ដល់ឲ្យតែអ្នកដែលមានសមត្ថភាព និងបម្រើផលប្រយោជន៍ប្រទេសប៉ុណ្ណោះ ។ លោកស្រីក៏បានសង្កត់ធ្ងន់ដែរថា លោកស្រីមិនមែនតាំងអ្នកណាជារដ្ឋមន្ត្រី ដោយគ្រាន់តែគេជាសមាជិកបក្សលោកស្រីនោះទេ ។
សូមរម្លឹកថា គណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី ស៊ូជី បានទទួលជោគជ័យភ្លូកទឹកភ្លូកដីក្នុងការបោះឆ្នោតជាប្រវត្តិសាស្ត្រកាលពីថ្ងៃទី៨ ខែវិច្ឆិកា កន្លងទៅ ។ ហើយគណបក្សលោកស្រីមានសំឡេងគ្រប់គ្រាន់ដើម្បីជ្រើសរើសប្រធានាធិបតីថ្មីនិងបង្កើតរដ្ឋាភិបាលថ្មីបានដោយខ្លួនឯងនៅដើមឆ្នាំ២០១៦ នេះ ។
យ៉ាងណាក្ដី ក្រុមយោធានៅតែមានសិទ្ធិធំទូលាយក្នុងនយោបាយដដែល ។ ជាពិសេសនោះ រដ្ឋធម្មនុញ្ញឆ្នាំ២០០៨ ដែលព្រាងដោយយោធា បានអនុញ្ញាតឲ្យក្រុមយោធាមានសិទ្ធិតែងតាំងរដ្ឋមន្ត្រីនៃក្រសួងសំខាន់ចំនួនបីគឺ ក្រសួងការពារជាតិ ក្រសួងមហាផ្ទៃ និងក្រសួងទទួលបន្ទុកកិច្ចការព្រំដែន ខណៈរដ្ឋមន្ត្រីផ្សេងទៀតទទួលការតែងតាំងពីប្រធានាធិបតី៕
ប្រមុខបក្សសម្ព័ន្ធជាតិដើម្បីប្រជាធិបតេយ្យលោកស្រី អ៊ុងសាន ស៊ូជី ព្រមានចាត់វិធានការក្ដៅលើសមាជិកសភាដែលទើបជាប់ឆ្នោតថ្មីរបស់បក្សលោកស្រី ដែលចង់បានតំណែងក្នុងគណៈរដ្ឋមន្ត្រីថ្មី ។ ថ្លែងក្នុងពិធីអបអរបុណ្យឯករាជ្យជាតិមីយ៉ាន់ម៉ា លោកស្រី ស៊ូជី ថ្លែងថា លោកស្រីមិនចូលចិត្តអ្នកណាដែលចង់ធ្វើរដ្ឋមន្ត្រីនោះទេ ។ តំណែងរដ្ឋមន្ត្រីនឹងត្រូវតែងតាំង នៅពេលមានការចាត់តាំងឲ្យកាន់កាប់តែប៉ុណ្ណោះ ។ ហើយលោកស្រីនឹងចាត់វិធានការតាមវិន័យបក្សដល់អ្នកណាដែលចង់ធ្វើជារដ្ឋមន្ត្រី ។
បើតាមសារព័ត៌មាន The Irrawaddy នេះមិនមែនជាលើកទីមួយទេដែលលោកស្រី ស៊ូជី ព្រមានចាត់វិធានការលើសមាជិកសភាដែលស្នើសុំតំណែងក្នុងរដ្ឋាភិបាលថ្មីដែលនឹងចេញជារូបរាងនៅពេលខាងមុខ ។ ក្នុងកិច្ចប្រជុំមួយកាលពីចុងឆ្នាំ២០១៥ លោកស្រីបានប្រៀបធៀបអ្នកដែលស្នើសុំតំណែងរដ្ឋមន្ត្រី ទៅនឹងអ្នកដែលល្មោភចង់បានតំណែងដោយឥតខ្មាស់អៀន ។
មេបក្សប្រឆាំងវ័យ៧០ ឆ្នាំរូបនេះបញ្ជាក់ថា តំណែងរដ្ឋមន្ត្រីនឹងផ្ដល់ឲ្យតែអ្នកដែលមានសមត្ថភាព និងបម្រើផលប្រយោជន៍ប្រទេសប៉ុណ្ណោះ ។ លោកស្រីក៏បានសង្កត់ធ្ងន់ដែរថា លោកស្រីមិនមែនតាំងអ្នកណាជារដ្ឋមន្ត្រី ដោយគ្រាន់តែគេជាសមាជិកបក្សលោកស្រីនោះទេ ។
សូមរម្លឹកថា គណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី ស៊ូជី បានទទួលជោគជ័យភ្លូកទឹកភ្លូកដីក្នុងការបោះឆ្នោតជាប្រវត្តិសាស្ត្រកាលពីថ្ងៃទី៨ ខែវិច្ឆិកា កន្លងទៅ ។ ហើយគណបក្សលោកស្រីមានសំឡេងគ្រប់គ្រាន់ដើម្បីជ្រើសរើសប្រធានាធិបតីថ្មីនិងបង្កើតរដ្ឋាភិបាលថ្មីបានដោយខ្លួនឯងនៅដើមឆ្នាំ២០១៦ នេះ ។
យ៉ាងណាក្ដី ក្រុមយោធានៅតែមានសិទ្ធិធំទូលាយក្នុងនយោបាយដដែល ។ ជាពិសេសនោះ រដ្ឋធម្មនុញ្ញឆ្នាំ២០០៨ ដែលព្រាងដោយយោធា បានអនុញ្ញាតឲ្យក្រុមយោធាមានសិទ្ធិតែងតាំងរដ្ឋមន្ត្រីនៃក្រសួងសំខាន់ចំនួនបីគឺ ក្រសួងការពារជាតិ ក្រសួងមហាផ្ទៃ និងក្រសួងទទួលបន្ទុកកិច្ចការព្រំដែន ខណៈរដ្ឋមន្ត្រីផ្សេងទៀតទទួលការតែងតាំងពីប្រធានាធិបតី៕
Tag:
អ៊ុងសាន ស៊ូជី
មីយ៉ាន់ម៉ា
© រក្សាសិទ្ធិដោយ thmeythmey.com
