អន្តរជាតិ
កូនភ្លោះ និងម្តាយ! តើអ្នកណាជាម្តាយ? 06, Feb 2016 , 4:29 pm
× សិស្សវិទ្យាល័យជនជាតិអាមេរិកម្នាក់ ឈ្មោះ Kaylan បានបង្ហោះរូបថតមួយសន្លឹកនៅលើគណនី Twitter របស់ខ្លួន។ ក្នុងរូបថត មានស្ត្រី៣នាក់អង្គុយនៅក្នុងរថយន្ត ដោយសរសេរថា «Mom, Twin & Me» (អ្នកម្តាយ បងប្អូនភ្លោះ និងខ្ញុំ)។ រូបថតនេះ បានបង្កឲ្យមានការចោទសួរគ្នាពេញបណ្តាញអ៊ីនធ័រណែត។
« #whosthemom » (អ្នកណាជាម្តាយ?) បានក្លាយជា Hashtag ដ៏ពេញនិយមនៅលើរូបថតមួយសន្លឹករបស់កញ្ញា Kaylan ។ នារីបីនាក់ក្នុងរូបថត ដែលមាន Kaylan, បងប្អូនស្រីភ្លោះ Kyla និងម្តាយ មានមុខមាត់ដូចគ្នា បេះបិទ ហើយវ័យក៏មើលទៅប្រហាក់ប្រហែលគ្នាផងដែរ។ តើអ្នកណាជាម្តាយ? អ្នកប្រើប្រាស់បណ្តាញសង្គម សុទ្ធឈឺក្បាលវិលមុខ និងពិបាកទាយខ្លាំងណាស់។
មិនត្រឹមតែល្បីល្បាញនៅលើបណ្តាញសង្គមនោះឡើយ រូបថតនារីទាំងបីនាក់ត្រូវបានចុះផ្សាយនៅតាមបណ្តាព័ត៌មានអនឡាញល្បីៗនៅលើពិភពលោក ដោយសារព័ត៌មានទាំងនោះ សុទ្ធតែបានចោទសួរមិត្តអ្នកអានរបស់ខ្លួន ថាអ្នកណាម្នាក់ជាម្តាយ?
ទីបំផុតទៅ ក្រោយពីបន្តដាក់សំណួរនៅលើគណនី Instagram របស់ខ្លួន កញ្ញា Kaylan បានបង្ហើបឲ្យដឹងថា ម្តាយរបស់នាង គឺស្ថិតនៅផ្នែកខាងឆ្វេង ពោលគឺនារីដែលពាក់អាវខ្មៅសម្រាប់រូបនៅលើ Twitter រីឯរូបលើ Instagram គឺស្ត្រីដែលពាក់អាវខៀវ៕
© រក្សាសិទ្ធិដោយ thmeythmey.com