អន្តរជាតិ
លោក បាន គីមូន ផ្ញើសារជូនពរប្រជាជនចិនក្នុងឱកាសបុណ្យចូលឆ្នាំ
07, Feb 2016 , 11:44 am
×![]()
អគ្គលេខាធិការអង្គការសហប្រជាជាតិលោក បាន គីមូន (Ban Ki-moon) បានផ្ញើសារជួនពរប្រជាជនចិនទូទាំងពិភពលោកក្នុងឱកាសបុណ្យចូលឆ្នាំប្រពៃណីចិននេះនៅថ្ងៃសៅរ៍ទី៦ ខែកុម្ភៈនេះ។ ប្រមុខអង្គការសហប្រជាជាតិរូបនេះបានផ្ញើរសារជូនពរតាមខ្សែអាត់វីដេអូខ្លីដោយនិយាយជាភាសាចិនផង។
ក្នុងឱកាសដែលប្រជាជនចិនទួទាំងពិភពលោកនាំគ្នាប្រារព្ធពិធីបុណ្យចូលឆ្នាំប្រពៃណីចិន ប្រមុខស្ថាប័នអង្គការសហប្រជាជាតិលោក បាន គីមូន បានចេញជូនពរប្រជាជនចិនគ្រប់គ្នានៅថ្ងៃសៅរ៍ទី ៦ខែកុម្ភៈនេះ។ លោកជូនពរឲ្យប្រជាជនជួបប្រទះសំណាងល្អ សុខចម្រើន និងជោគជ័យក្នុងឱកាសឆ្នាំថ្មី ឆ្នាំស្វានេះ។
លោកបានផ្ញើសារជូនពរតាមខ្សែអាត់វិដេអូមួយ ដោយលោកបាននិយាយថា «រីករាយថ្ងៃចូលឆ្នាំថ្មី ចូលឆ្នាំចិន»ជាភាសាចិនថែមទៀត។លោកបន្ថែមថា ៖«ឆ្នាំនេះចូលឆ្នាំចំឆ្នាំស្វា ហើយខ្ញុំក៏កើតចំឆ្នាំស្វា។ ស្វាតំណាងឲ្យភាពវ័យឆ្លាត ភាពរហ័សរហួន និងសំណាងល្អផង។ដូច្នេះវាជាឆ្នាំដ៏ល្អពោរពេញដោយក្តីសង្ឃឹមនិងថាមពល»។
លោក បាន គីមូនបន្តទៀតថា ដោយសារឆ្នាំនេះជាឆ្នាំដំបូងដែលគោលដៅអភិវឌ្ឍន៍ជាចីរភាពត្រូវដាក់ឲ្យអនុវត្តជាផ្លូវការ លោករំពឹងថា ឆ្នាំស្វានឹងក្លាយជាជំហានដ៏ប្រសើរសម្រាប់គោលដៅនេះសម្រាប់រយៈពេល១៥ខាងមុខទៀត។
ឆ្លៀតឱកាសជូនពរឆ្នាំថ្មីដល់ប្រជាជនចិន លោក ក៏បានថ្លែងអំណរគុណយ៉ាងជ្រាលជ្រៅដល់ប្រជាជនចិននិងរដ្ឋាភិបាលចិនដែលបានចូលរួមចំណែកយ៉ាងសំខាន់ក្នុងការគាំទ្ររាល់ការងារអង្គការសហប្រជាជាតិនិងខ្លួនលោកផ្ទាល់ក្នុងរយៈពេលប្រហែល ៩ឆ្នាំមកនេះ។ លោករំពឹងថា ចិននិងអង្គការសហប្រជាជាតិនឹងបន្តសហការគ្នាដើម្បីឈានឆ្ពោះទៅរកអនាគតដ៏ល្អមួយ។
សូមបញ្ជាក់ផងដែរថា បុណ្យចូលឆ្នាំចិននេះជាបុណ្យប្រពៃណីដ៏សំខាន់សម្រាប់ប្រជាជនចិន ហើយវានឹងចាប់ផ្តើមឡើង នៅថ្ងៃចន្ទខាងមុខនេះ។ បុណ្យចូលឆ្នាំជាពេលវេលដ៏ពិសេស ព្រោះបងប្អូននៅទីជិតទីឆ្ងាយនាំគ្នាធ្វើដំណើរត្រលប់មកស្រុកកំណើតដើម្បីជួបជុំក្រុមគ្រួសារ និងដើរកម្សាន្តរួមគ្នាជាដើម៕
ក្នុងឱកាសដែលប្រជាជនចិនទួទាំងពិភពលោកនាំគ្នាប្រារព្ធពិធីបុណ្យចូលឆ្នាំប្រពៃណីចិន ប្រមុខស្ថាប័នអង្គការសហប្រជាជាតិលោក បាន គីមូន បានចេញជូនពរប្រជាជនចិនគ្រប់គ្នានៅថ្ងៃសៅរ៍ទី ៦ខែកុម្ភៈនេះ។ លោកជូនពរឲ្យប្រជាជនជួបប្រទះសំណាងល្អ សុខចម្រើន និងជោគជ័យក្នុងឱកាសឆ្នាំថ្មី ឆ្នាំស្វានេះ។
លោកបានផ្ញើសារជូនពរតាមខ្សែអាត់វិដេអូមួយ ដោយលោកបាននិយាយថា «រីករាយថ្ងៃចូលឆ្នាំថ្មី ចូលឆ្នាំចិន»ជាភាសាចិនថែមទៀត។លោកបន្ថែមថា ៖«ឆ្នាំនេះចូលឆ្នាំចំឆ្នាំស្វា ហើយខ្ញុំក៏កើតចំឆ្នាំស្វា។ ស្វាតំណាងឲ្យភាពវ័យឆ្លាត ភាពរហ័សរហួន និងសំណាងល្អផង។ដូច្នេះវាជាឆ្នាំដ៏ល្អពោរពេញដោយក្តីសង្ឃឹមនិងថាមពល»។
លោក បាន គីមូនបន្តទៀតថា ដោយសារឆ្នាំនេះជាឆ្នាំដំបូងដែលគោលដៅអភិវឌ្ឍន៍ជាចីរភាពត្រូវដាក់ឲ្យអនុវត្តជាផ្លូវការ លោករំពឹងថា ឆ្នាំស្វានឹងក្លាយជាជំហានដ៏ប្រសើរសម្រាប់គោលដៅនេះសម្រាប់រយៈពេល១៥ខាងមុខទៀត។
ឆ្លៀតឱកាសជូនពរឆ្នាំថ្មីដល់ប្រជាជនចិន លោក ក៏បានថ្លែងអំណរគុណយ៉ាងជ្រាលជ្រៅដល់ប្រជាជនចិននិងរដ្ឋាភិបាលចិនដែលបានចូលរួមចំណែកយ៉ាងសំខាន់ក្នុងការគាំទ្ររាល់ការងារអង្គការសហប្រជាជាតិនិងខ្លួនលោកផ្ទាល់ក្នុងរយៈពេលប្រហែល ៩ឆ្នាំមកនេះ។ លោករំពឹងថា ចិននិងអង្គការសហប្រជាជាតិនឹងបន្តសហការគ្នាដើម្បីឈានឆ្ពោះទៅរកអនាគតដ៏ល្អមួយ។
សូមបញ្ជាក់ផងដែរថា បុណ្យចូលឆ្នាំចិននេះជាបុណ្យប្រពៃណីដ៏សំខាន់សម្រាប់ប្រជាជនចិន ហើយវានឹងចាប់ផ្តើមឡើង នៅថ្ងៃចន្ទខាងមុខនេះ។ បុណ្យចូលឆ្នាំជាពេលវេលដ៏ពិសេស ព្រោះបងប្អូននៅទីជិតទីឆ្ងាយនាំគ្នាធ្វើដំណើរត្រលប់មកស្រុកកំណើតដើម្បីជួបជុំក្រុមគ្រួសារ និងដើរកម្សាន្តរួមគ្នាជាដើម៕
© រក្សាសិទ្ធិដោយ thmeythmey.com
