អន្តរជាតិ
ស៊ីរី៖ ទ័ពបរទេសអន្តរាគមន៍នៅស៊ីរីនឹងត្រលប់ទៅផ្ទះជាមួយមឈូស
08, Feb 2016 , 9:59 pm
×![]()
មន្ត្រីរដ្ឋាភិបាលស៊ីរីបានព្រមានថារាល់កងទ័ពបរទេសណាដែលចូលទឹកដីខ្លួននឹងចេញទៅវិញជាមួយក្តារមឈូស។ សារព្រមាននេះផ្ញើរជូនទៅអារ៉ាប៊ីសាអូឌីត តួកគី និង លោកខាងលិចផង ដែលមានបំណងចង់បញ្ជូនទ័ពទៅអន្តរាគមន៍នៅស៊ីរី។ ចំណែក្រុមហេស្បូឡាក៏ព្រមានក្រុមរដ្ឋអារ៉ាប់ដែលចង់បញ្ជូនទ័ពមកទម្លាក់របបដឹកនាំក្រុងដាម៉ាសដែរ។
សូមស្ដាប់ព័ត៌មានលម្អិត៖
រដ្ឋមន្ត្រីការបរទេសស៊ីរីលោក Walid al-Moallem បានប្រើប្រាស់ពាក្យសម្តីធ្ងន់ៗកាលពីចុងសប្តាហ៍មុនដោយព្រមានថា រាល់ទ័ពបរទេសដែលចូលក្នុងទឹកដីស៊ីរី នឹងត្រលប់ទៅផ្ទះវិញជាមួយមឈូសឈើ។ មន្ត្រីជាន់ខ្ពស់រដ្ឋាភិបាលស៊ីរីបានថ្លែងដូច្នេះក្រោយពេលដែលអារ៉ាប៊ីសាអូឌីត បានប្រកាសថា ខ្លួនត្រៀមលក្ខណៈរួចជាស្រេចហើយដើម្បីចូលរួមជាមួយអន្តរាគមន៍របស់ក្រុងវ៉ាស៊ីនតោនដើម្បីកម្ចាត់ក្រុមរដ្ឋឥស្លាមនៅស៊ីរី។
ប្រមុខការទូតរូបក្រុងដាម៉ាសនេះបានសង្កត់ធ្ងន់ថា៖« ប្រតិបត្តិការយោធាជើងគោកដែលគ្មានការអនុញ្ញាតជាមុនពីសំណាក់រដ្ឋាភិបាលស៊ីរី នឹងត្រូវចាត់ទុកជាការឈ្លានពាន ហើយវានឹងត្រូវប្រឈមមុខការប្រឆាំងតបវិញ។ ខ្ញុំសោកស្តាយដោយនិយាយថា ពួកគេនឹងត្រលប់ទៅផ្ទះវិញជាមួយមឈូឈើ»។
គេដឹងច្បាស់ថា រដ្ឋាភិបាលក្រុងដាម៉ាសចង់ព្រមានបណ្តាប្រទេសនៅជិតខាងមានតួកគីនិងអារ៉ាប៊ីសាអូឌីត និងលោកខាងលិចផងដែលមានចេតនាមិនល្អចង់អន្តរាគមន៍នៅក្នុងប្រទេសស៊ីរី។បើសិនជាមានគម្រោងអន្តរាគមន៍មែន ស៊ីរីត្រៀមខ្លួនជាស្រេចដោយសហការជាមួយប្រទេសជាសម្ព័ន្ធមិត្ត ដើម្បីទប់ទល់នឹងក្រុមប្រទេសទាំងនោះដែរ។
ស្របពេលដែលមានការព្រមាននេះ ក្រសួងការពារជាតិរុស្ស៊ីក៏បានបញ្ជាក់ផងដែរថា កន្លងមកតួកគីបានត្រៀមទ័ពមួយចំនួនសម្ងតា់នៅតាមបន្ទាត់ព្រំដែនជាមួយស៊ីរី ដែលអាចជាផែនការរបស់តួកគីក្នុងការអន្តរាគមន៍ចូលក្នុងទឹកដីស៊ីរីដែរ។ ចំណែកក្រុមប្រដាប់អាវុធហេស្បូឡា ដែលមានអ៊ីរ៉ង់ជាខ្នងបង្អែកនោះ ក៏បានព្រមានបណ្តារដ្ឋអារ៉ាប់ផងដែរ ដែលមានមហិច្ឆតាចង់ផ្តួលរំលំរបបដឹកនាំលោក បាសា អាល់អាសាដ ។ ក្រុមនេះប្រកាសថា អ្នកដែលហ៊ានអន្តរាគមន៍នៅស៊ីរី ឬអ៊ីរ៉ាក់ក៏ដោយ ដោយមិនស្តាប់ការព្រមានក្រោមលេសតាមកម្ចាត់ក្រុមរដ្ឋឥស្លាមនឹងត្រូវចូលទៅឋាននរក។
បច្ចុប្បន្នទ័ពរដ្ឋាភិបាលស៊ីរី កាន់តែកើនឥទ្ធិពលនិងខ្លាំងជាមុន ដោយមានការជួយគាំទ្រពីសំណាក់រុស្ស៊ី អ៊ីរ៉ង់ និងក្រុមប្រដាប់អាវុធ ហេស្បូឡានៅលីបង់ផងនោះ។ ថ្មីៗនេះកងទ័ពនេះបានបើការវាយប្រហារដណ្តើមកាន់កាប់ទីតាំងសំខាន់ៗមួយចំនួន ជាពិសេសនៅទីក្រុង Aleppo។
ក្រៅពីបញ្ហាតានតឹងនៅក្នុងប្រទេសស៊ីរី និងតំបន់មជ្ឈិមបូព៌ា ការចរចាដឹកនាំដោយអង្គការសហប្រជាជាតិរវាងរដ្ឋាភិបាលជាមួយក្រុមប្រឆាំងនៅទីក្រុងហ្សឺណែវត្រួវពន្យារពេលរហូតដល់ចុងខែកុម្ភៈ ទើបចាប់ផ្តើមឡើងវិញ។ ប៉ុន្តែទោះជាយ៉ាងណាក៏ដោយ ការចរចានេះស្ថិតក្នុងស្ថានភាពមិនច្បាស់លាស់ពួកក្រុមប្រឆាំងនិងរដ្ឋាភិបាលអាសាដ ហាក់ដូចជាគ្មានឆន្ទៈចង់ចរចាគ្នាទេ៕
សូមស្ដាប់ព័ត៌មានលម្អិត៖
រដ្ឋមន្ត្រីការបរទេសស៊ីរីលោក Walid al-Moallem បានប្រើប្រាស់ពាក្យសម្តីធ្ងន់ៗកាលពីចុងសប្តាហ៍មុនដោយព្រមានថា រាល់ទ័ពបរទេសដែលចូលក្នុងទឹកដីស៊ីរី នឹងត្រលប់ទៅផ្ទះវិញជាមួយមឈូសឈើ។ មន្ត្រីជាន់ខ្ពស់រដ្ឋាភិបាលស៊ីរីបានថ្លែងដូច្នេះក្រោយពេលដែលអារ៉ាប៊ីសាអូឌីត បានប្រកាសថា ខ្លួនត្រៀមលក្ខណៈរួចជាស្រេចហើយដើម្បីចូលរួមជាមួយអន្តរាគមន៍របស់ក្រុងវ៉ាស៊ីនតោនដើម្បីកម្ចាត់ក្រុមរដ្ឋឥស្លាមនៅស៊ីរី។
ប្រមុខការទូតរូបក្រុងដាម៉ាសនេះបានសង្កត់ធ្ងន់ថា៖« ប្រតិបត្តិការយោធាជើងគោកដែលគ្មានការអនុញ្ញាតជាមុនពីសំណាក់រដ្ឋាភិបាលស៊ីរី នឹងត្រូវចាត់ទុកជាការឈ្លានពាន ហើយវានឹងត្រូវប្រឈមមុខការប្រឆាំងតបវិញ។ ខ្ញុំសោកស្តាយដោយនិយាយថា ពួកគេនឹងត្រលប់ទៅផ្ទះវិញជាមួយមឈូឈើ»។
គេដឹងច្បាស់ថា រដ្ឋាភិបាលក្រុងដាម៉ាសចង់ព្រមានបណ្តាប្រទេសនៅជិតខាងមានតួកគីនិងអារ៉ាប៊ីសាអូឌីត និងលោកខាងលិចផងដែលមានចេតនាមិនល្អចង់អន្តរាគមន៍នៅក្នុងប្រទេសស៊ីរី។បើសិនជាមានគម្រោងអន្តរាគមន៍មែន ស៊ីរីត្រៀមខ្លួនជាស្រេចដោយសហការជាមួយប្រទេសជាសម្ព័ន្ធមិត្ត ដើម្បីទប់ទល់នឹងក្រុមប្រទេសទាំងនោះដែរ។
ស្របពេលដែលមានការព្រមាននេះ ក្រសួងការពារជាតិរុស្ស៊ីក៏បានបញ្ជាក់ផងដែរថា កន្លងមកតួកគីបានត្រៀមទ័ពមួយចំនួនសម្ងតា់នៅតាមបន្ទាត់ព្រំដែនជាមួយស៊ីរី ដែលអាចជាផែនការរបស់តួកគីក្នុងការអន្តរាគមន៍ចូលក្នុងទឹកដីស៊ីរីដែរ។ ចំណែកក្រុមប្រដាប់អាវុធហេស្បូឡា ដែលមានអ៊ីរ៉ង់ជាខ្នងបង្អែកនោះ ក៏បានព្រមានបណ្តារដ្ឋអារ៉ាប់ផងដែរ ដែលមានមហិច្ឆតាចង់ផ្តួលរំលំរបបដឹកនាំលោក បាសា អាល់អាសាដ ។ ក្រុមនេះប្រកាសថា អ្នកដែលហ៊ានអន្តរាគមន៍នៅស៊ីរី ឬអ៊ីរ៉ាក់ក៏ដោយ ដោយមិនស្តាប់ការព្រមានក្រោមលេសតាមកម្ចាត់ក្រុមរដ្ឋឥស្លាមនឹងត្រូវចូលទៅឋាននរក។
បច្ចុប្បន្នទ័ពរដ្ឋាភិបាលស៊ីរី កាន់តែកើនឥទ្ធិពលនិងខ្លាំងជាមុន ដោយមានការជួយគាំទ្រពីសំណាក់រុស្ស៊ី អ៊ីរ៉ង់ និងក្រុមប្រដាប់អាវុធ ហេស្បូឡានៅលីបង់ផងនោះ។ ថ្មីៗនេះកងទ័ពនេះបានបើការវាយប្រហារដណ្តើមកាន់កាប់ទីតាំងសំខាន់ៗមួយចំនួន ជាពិសេសនៅទីក្រុង Aleppo។
ក្រៅពីបញ្ហាតានតឹងនៅក្នុងប្រទេសស៊ីរី និងតំបន់មជ្ឈិមបូព៌ា ការចរចាដឹកនាំដោយអង្គការសហប្រជាជាតិរវាងរដ្ឋាភិបាលជាមួយក្រុមប្រឆាំងនៅទីក្រុងហ្សឺណែវត្រួវពន្យារពេលរហូតដល់ចុងខែកុម្ភៈ ទើបចាប់ផ្តើមឡើងវិញ។ ប៉ុន្តែទោះជាយ៉ាងណាក៏ដោយ ការចរចានេះស្ថិតក្នុងស្ថានភាពមិនច្បាស់លាស់ពួកក្រុមប្រឆាំងនិងរដ្ឋាភិបាលអាសាដ ហាក់ដូចជាគ្មានឆន្ទៈចង់ចរចាគ្នាទេ៕
Tag:
ស៊ីរី
© រក្សាសិទ្ធិដោយ thmeythmey.com
