អន្តរជាតិ
ហុងកុងមានបាតុភាពហិង្សារវាងប៉ូលិស និងអ្នកលក់ដូរតាមផ្លូវនៅថ្ងៃចូលឆ្នាំចិន
09, Feb 2016 , 8:19 pm
×![]()
ប្រធានប្រតិបត្តិទីក្រុងហុងកុងលោក Leung Chun-ying បានចេញមកថ្កោលទោសអំពើហិង្សាដែលកើតឡើងនៅព្រឹកថ្ងៃអង្គារនេះរវាងប៉ូលិសនិងអ្នកលក់ដូរតាមផ្លូវក្នុងសង្កាត់មួយនៅពេលចូលឆ្នាំចិន។ លោក Leung Chun-ying ក៏បានប្រកាសរកជនដៃដល់ក្នុងពេលប៉ះទង្គិចនេះ ដែលបណ្ដាលឲ្យប៉ូលិសរាប់សិបនាក់របួស។
សូមស្តាប់ព័ត៌មានលម្អិត៖
បាតុករជាអ្នកលក់ដូរជាង៣០០នាក់បានប៉ះទង្គិចជាមួយប៉ូលិសទីក្រុងហុងកុងនៅព្រឹកព្រលឹមថ្ងៃអង្គារនេះក្នុងសង្កាត់ Mong Kok នៅពេលដែលប៉ូលិសបានព្យាយាមបណ្ដេញក្រុមអ្នកលក់ទាំងនោះឲ្យចាកចេញទីនោះ។ ក្រោយការកើតហេតុ ប្រមុខតំបន់ហុងកុងលោក Leung Chun-ying បានចេញមកថ្កោលទោសនិងប្រកាសឲ្យប៉ូលិសរកអ្នកពាក់ព័ន្ធមកទទួលទោសតាមច្បាប់។
ក្រុមបាតុករនិងប៉ូលិសបានប្រឈមមុខនឹងគ្នាអស់ពេលជាងមួយម៉ោង មុនពេលក្រុមបាតុករបានចោលដុំថ្ម ដុំឥដ្ឋ និងរបស់របរផ្សេងទៀតទៅលើប៉ូលិសដោយបានកម្ទេចឡានប៉ូលិសនិងសម្បត្តិសាធារណៈជាច្រើនទៀត។ អំឡុងពេលនោះដែរ ប៉ូលិសក៏បាញ់កាំភ្លើងគំរាមចំនួនពីរគ្រាប់ ដើម្បីព្រមានក្រុមបាតុករទាំងនោះដែលបាននៅតែបន្តវាយប្រហារមកលើក្រុមប៉ូលិស។
បើតាម Xinhua បាតុករចំនួន២៤ត្រូវបានចាប់ខ្លួន ខណៈប៉ូលិស៤៨នាក់បានរងរបួស។ នៅកន្លែងប៉ះទង្គិចនោះ គេសង្កេតឃើញមានកម្ទេចកំទីកែវដប ដុំឥដ្ឋនិងកញ្ចក់ឡានតាក់ស៊ីដែលខ្ទេចខ្ទីក្នុងពេលអំពើហិង្សានោះ។
ប៉ុន្មានម៉ោងក្រោយការប៉ះទង្គិច លោក Leung Chun-ying បាននិយាយទៅកាន់អ្នកសារព័ត៌មានថា រដ្ឋាភិបាលហុងកុងនឹងមិនលើកលែងដល់អំពើហិង្សាបែបនេះទេ។ លោកក៏បានថ្កោលទោសក្រុមបាតុករដែលហ៊ានវាយប្រហារលើប៉ូលិស សូម្បីតែកំពុងតែដេកដួលលើដីក៏ដោយ។ មិនតែប៉ុណ្ណោះ ប្រមុខទីក្រុងហុងកុងរូបនេះក៏បានបញ្ជាក់ដែរថា សកម្មភាពឆ្លើយតបរបស់ប៉ូលិស គឺបានបន្ធូរដៃដល់ក្រុមបាតុករជាអ្នកលក់ដូរ ដែលវាមានលក្ខណៈខុសគ្នានឹងទីក្រុងដទៃទៀតនៅលើពិភពលោក។
សូមបញ្ជាក់ថា ការប៉ះទង្គិចនេះជាអំពើហិង្សាធ្ងន់ធ្ងរបំផុត ចាប់តាំងពីបាតុកម្មប្រឆាំងរដ្ឋាភិបាលក្នុងឆ្នាំ២០១៤ កន្លងទៅ។ វីដេអូជាច្រើនបានបង្ហាញពីសកម្មភាពប៉ះទង្គិចរវាងប៉ូលិសនិងក្រុមអ្នកលក់ដូរនៅតាមដងផ្លូវនៅសង្កាត់ដែលសំបូរមនុស្សនៅទីក្រុងហុងកុង។ មូលហេតុនៃការប៉ះទង្គិចនេះ អាចបណ្ដាលមកពីការប៉ុនប៉ងរបស់ប៉ូលិសក្នុងបោសសម្អាតអ្នកដូរខុសច្បាប់ដែលរៀបចំលក់នៅពេលចូលឆ្នាំដ៏មមាញឹករបស់ជនជាតិចិន។ ជារឿយៗ គេតែងតែសង្កេតឃើញមានការប៉ះទង្គិចគ្នារវាងប៉ូលិសនិងអ្នកលក់ក្នុងតំបន់នេះ តែស្ថិតក្នុងទ្រង់ទ្រាយតូចតែប៉ុណ្ណោះ៕
សូមស្តាប់ព័ត៌មានលម្អិត៖
បាតុករជាអ្នកលក់ដូរជាង៣០០នាក់បានប៉ះទង្គិចជាមួយប៉ូលិសទីក្រុងហុងកុងនៅព្រឹកព្រលឹមថ្ងៃអង្គារនេះក្នុងសង្កាត់ Mong Kok នៅពេលដែលប៉ូលិសបានព្យាយាមបណ្ដេញក្រុមអ្នកលក់ទាំងនោះឲ្យចាកចេញទីនោះ។ ក្រោយការកើតហេតុ ប្រមុខតំបន់ហុងកុងលោក Leung Chun-ying បានចេញមកថ្កោលទោសនិងប្រកាសឲ្យប៉ូលិសរកអ្នកពាក់ព័ន្ធមកទទួលទោសតាមច្បាប់។
ក្រុមបាតុករនិងប៉ូលិសបានប្រឈមមុខនឹងគ្នាអស់ពេលជាងមួយម៉ោង មុនពេលក្រុមបាតុករបានចោលដុំថ្ម ដុំឥដ្ឋ និងរបស់របរផ្សេងទៀតទៅលើប៉ូលិសដោយបានកម្ទេចឡានប៉ូលិសនិងសម្បត្តិសាធារណៈជាច្រើនទៀត។ អំឡុងពេលនោះដែរ ប៉ូលិសក៏បាញ់កាំភ្លើងគំរាមចំនួនពីរគ្រាប់ ដើម្បីព្រមានក្រុមបាតុករទាំងនោះដែលបាននៅតែបន្តវាយប្រហារមកលើក្រុមប៉ូលិស។
បើតាម Xinhua បាតុករចំនួន២៤ត្រូវបានចាប់ខ្លួន ខណៈប៉ូលិស៤៨នាក់បានរងរបួស។ នៅកន្លែងប៉ះទង្គិចនោះ គេសង្កេតឃើញមានកម្ទេចកំទីកែវដប ដុំឥដ្ឋនិងកញ្ចក់ឡានតាក់ស៊ីដែលខ្ទេចខ្ទីក្នុងពេលអំពើហិង្សានោះ។
ប៉ុន្មានម៉ោងក្រោយការប៉ះទង្គិច លោក Leung Chun-ying បាននិយាយទៅកាន់អ្នកសារព័ត៌មានថា រដ្ឋាភិបាលហុងកុងនឹងមិនលើកលែងដល់អំពើហិង្សាបែបនេះទេ។ លោកក៏បានថ្កោលទោសក្រុមបាតុករដែលហ៊ានវាយប្រហារលើប៉ូលិស សូម្បីតែកំពុងតែដេកដួលលើដីក៏ដោយ។ មិនតែប៉ុណ្ណោះ ប្រមុខទីក្រុងហុងកុងរូបនេះក៏បានបញ្ជាក់ដែរថា សកម្មភាពឆ្លើយតបរបស់ប៉ូលិស គឺបានបន្ធូរដៃដល់ក្រុមបាតុករជាអ្នកលក់ដូរ ដែលវាមានលក្ខណៈខុសគ្នានឹងទីក្រុងដទៃទៀតនៅលើពិភពលោក។
សូមបញ្ជាក់ថា ការប៉ះទង្គិចនេះជាអំពើហិង្សាធ្ងន់ធ្ងរបំផុត ចាប់តាំងពីបាតុកម្មប្រឆាំងរដ្ឋាភិបាលក្នុងឆ្នាំ២០១៤ កន្លងទៅ។ វីដេអូជាច្រើនបានបង្ហាញពីសកម្មភាពប៉ះទង្គិចរវាងប៉ូលិសនិងក្រុមអ្នកលក់ដូរនៅតាមដងផ្លូវនៅសង្កាត់ដែលសំបូរមនុស្សនៅទីក្រុងហុងកុង។ មូលហេតុនៃការប៉ះទង្គិចនេះ អាចបណ្ដាលមកពីការប៉ុនប៉ងរបស់ប៉ូលិសក្នុងបោសសម្អាតអ្នកដូរខុសច្បាប់ដែលរៀបចំលក់នៅពេលចូលឆ្នាំដ៏មមាញឹករបស់ជនជាតិចិន។ ជារឿយៗ គេតែងតែសង្កេតឃើញមានការប៉ះទង្គិចគ្នារវាងប៉ូលិសនិងអ្នកលក់ក្នុងតំបន់នេះ តែស្ថិតក្នុងទ្រង់ទ្រាយតូចតែប៉ុណ្ណោះ៕
Tag:
ហុងកុង
ចូលឆ្នាំចិន
© រក្សាសិទ្ធិដោយ thmeythmey.com
