សុខភាព
អន្តរជាតិ
Zika ទៅដល់ចិនហើយ
10, Feb 2016 , 12:16 pm
×![]()
អាជ្ញាធរចិនបានបញ្ជាក់នៅថ្ងៃទី៩ ខែកុម្ភៈ ថា នៅពេលនេះមេរោគ Zika ដែលកំពុងតែរាលដាលពេញតំបន់អាមេរិកឡាទីន ត្រូវបានរកឃើញលើខ្លួនបុរសជនជាតិចិនម្នាក់ដែលបានធ្វើដំណើរមកពីប្រទេសវ៉េណេស៊ុយអេឡា។ ការរកឃើញនេះគឺជាករណីថ្មីបំផុតដែលបានបង្កឲ្យមានការភ័យខ្លាចថា មេរោគ Zika កំពុងតែរីកសាយទៅតំបន់ផ្សេងៗលើពិភពលោកហើយ ខណៈវីរុសនេះកំពុងតែវាយលុកពេញតំបន់អាមេរិកឡាទីន។
ទីភ្នាក់ងារព័ត៌មាន Xinhua បានរាយការណ៍ថា ប្រទេសចិនបានរកឃើញមេរោគប្រភេទថ្មី Zika ដែលឆ្លងលើខ្លួនបុរសម្នាក់។ នេះមានន័យថា វីរុសប្រភេទថ្មីកំពុងរីកសាយភាយទៅកាន់តំបន់ផ្សេងៗយ៉ាងឆាប់រហ័ស ដ្បិតប្រភពនៃការចម្លងរបស់ Zika ដំបូងគឺនៅលើទឹកដីប្រទេសប្រេស៊ីលក្នុងតំបន់អាមេរិកឡាទីនឯណោះ។
បើតាមមន្ត្រីនៅប្រទេសចិន បុរសវ័យ៣៤ឆ្នាំខាងលើត្រូវបានធ្វើរោគវិនិច្ឆ័យឃើញឆ្លងមេរោគនេះបន្ទាប់ពីគេបានវិលត្រលប់ប្រទេសវ៉េណេស៊ុយអេឡានៅថ្ងៃទី២៨ ខែមករាកន្លងទៅ ហើយក៏បានធ្លាក់ខ្លួនឈឺពីពេលនោះ។ រូបគេក៏ត្រូវបានដាក់ឲ្យនៅដាច់ពីគេ ដើម្បីទទួលការព្យាបាល ពីព្រោះរូបគេបានធ្វើដំណើរឆ្លងកាត់ទីក្រុងហុងកុងនិងស៊ិនជិនដែលធ្វើឲ្យព្រួយបារម្ភក្រែងមានការចម្លងដល់អ្នកដទៃ។
លើសពីនេះ ការចម្លងមេរោគនេះធ្វើឲ្យមានការព្រួយបារម្ភខ្លាំង ថ្វីត្បិតតែគេសង្កេតឃើញមានករណីវីរុស Zika នៅតំបន់អាស៊ីនៅមានកម្រិតតិចតួចប៉ុណ្ណោះ។ ជាមួយគ្នានេះ អង្គការសុខភាពពិភពលោកក៏បានប្រកាសថា ការរាលដាលនៃមេរោគ Zika នៅទ្វីបអាមេរិកជាគ្រោះអាសន្នសម្រាប់សុខភាពពិភពលោកទាំងមូល។ ក្រៅពីទ្វីបអាមេរិក មេរោគដ៏គ្រោះថ្នាក់នេះ នឹងអាចបន្តរីករាលដាលទៅកាន់តំបន់ផ្សេងទៀតលើពិភពលោក បើសិនជាគ្មានវិធានការត្រឹមត្រូវទេ។ មកទល់ពេលនេះ មានប្រទេសចំនួន២៦ បានបញ្ជាក់ពីករណីឆ្លងមេរោគនេះ។
ដោយឡែក ជំងឺដែលបង្ករដោយវីរុស Zika នេះមានរោគសញ្ញា ដូចជា គ្រុនក្ដៅស្រាល ឈឺក្បាល កន្ទួលក្រហមលើស្បែក ក្រហមភ្នែក ឈឺសន្លាក់ ហើយភាគច្រើនជាវិញពី២ទៅ៧ថ្ងៃ។ សម្រាប់អត្រាស្លាប់ដែលបណ្ដាលដោយជំងឺនេះមានកម្រិតតិចតួច ប៉ុន្តែវីរុសនេះអាចវិវត្តន៍ទៅជាទន់ដៃជើង ទារកអាចស្លាប់ក្នុងផ្ទៃម្ដាយ និងក្បាលទារកតូចជាដើម។
អ្វីដែលគួរឲ្យព្រួយបារម្ភនោះ វីរុសនេះ ក៏មិនទាន់មានថ្នាំព្យាបាល និងវ៉ាក់សាំងសម្រាប់ការពារនៅឡើយនោះទេ។ ចំណែកការព្យាបាល គឺត្រូវធ្វើតាមការរបៀបគាំទ្រវេជ្ជសាស្ត្រ។ ដើម្បីបង្ការជំងឺនេះ គឺត្រូវបំផ្លាញជំរកមូល និងការពារកុំឲ្យមូសខ្លាខាំ។
គួរបញ្ជាក់ដែរថា មេរោគនេះរកឃើញដំបូងនៅលើសត្វស្វាក្នុងឆ្នាំ១៩៤៧ និងលើមនុស្សក្នុងឆ្នាំ១៩៥២ នៅប្រទេសអ៊ូហ្កង់ដានៃទ្វីបអាហ្វ្រិក។ មេរោគ Zika រាតត្បាតខ្លាំងឡើងបន្ទាប់ពីការទាត់បាល់ពិភពលោកនៅប្រទេសប្រេស៊ីលឆ្នាំ២០១៤ ហើយវាធ្លាប់បានផ្ទុះឡើងនៅទ្វីបអាហ្វ្រិក អាមេរិក និង អាស៊ីប៉ាស៊ីហ្វិកផងដែរ៕
ទីភ្នាក់ងារព័ត៌មាន Xinhua បានរាយការណ៍ថា ប្រទេសចិនបានរកឃើញមេរោគប្រភេទថ្មី Zika ដែលឆ្លងលើខ្លួនបុរសម្នាក់។ នេះមានន័យថា វីរុសប្រភេទថ្មីកំពុងរីកសាយភាយទៅកាន់តំបន់ផ្សេងៗយ៉ាងឆាប់រហ័ស ដ្បិតប្រភពនៃការចម្លងរបស់ Zika ដំបូងគឺនៅលើទឹកដីប្រទេសប្រេស៊ីលក្នុងតំបន់អាមេរិកឡាទីនឯណោះ។
បើតាមមន្ត្រីនៅប្រទេសចិន បុរសវ័យ៣៤ឆ្នាំខាងលើត្រូវបានធ្វើរោគវិនិច្ឆ័យឃើញឆ្លងមេរោគនេះបន្ទាប់ពីគេបានវិលត្រលប់ប្រទេសវ៉េណេស៊ុយអេឡានៅថ្ងៃទី២៨ ខែមករាកន្លងទៅ ហើយក៏បានធ្លាក់ខ្លួនឈឺពីពេលនោះ។ រូបគេក៏ត្រូវបានដាក់ឲ្យនៅដាច់ពីគេ ដើម្បីទទួលការព្យាបាល ពីព្រោះរូបគេបានធ្វើដំណើរឆ្លងកាត់ទីក្រុងហុងកុងនិងស៊ិនជិនដែលធ្វើឲ្យព្រួយបារម្ភក្រែងមានការចម្លងដល់អ្នកដទៃ។
លើសពីនេះ ការចម្លងមេរោគនេះធ្វើឲ្យមានការព្រួយបារម្ភខ្លាំង ថ្វីត្បិតតែគេសង្កេតឃើញមានករណីវីរុស Zika នៅតំបន់អាស៊ីនៅមានកម្រិតតិចតួចប៉ុណ្ណោះ។ ជាមួយគ្នានេះ អង្គការសុខភាពពិភពលោកក៏បានប្រកាសថា ការរាលដាលនៃមេរោគ Zika នៅទ្វីបអាមេរិកជាគ្រោះអាសន្នសម្រាប់សុខភាពពិភពលោកទាំងមូល។ ក្រៅពីទ្វីបអាមេរិក មេរោគដ៏គ្រោះថ្នាក់នេះ នឹងអាចបន្តរីករាលដាលទៅកាន់តំបន់ផ្សេងទៀតលើពិភពលោក បើសិនជាគ្មានវិធានការត្រឹមត្រូវទេ។ មកទល់ពេលនេះ មានប្រទេសចំនួន២៦ បានបញ្ជាក់ពីករណីឆ្លងមេរោគនេះ។
ដោយឡែក ជំងឺដែលបង្ករដោយវីរុស Zika នេះមានរោគសញ្ញា ដូចជា គ្រុនក្ដៅស្រាល ឈឺក្បាល កន្ទួលក្រហមលើស្បែក ក្រហមភ្នែក ឈឺសន្លាក់ ហើយភាគច្រើនជាវិញពី២ទៅ៧ថ្ងៃ។ សម្រាប់អត្រាស្លាប់ដែលបណ្ដាលដោយជំងឺនេះមានកម្រិតតិចតួច ប៉ុន្តែវីរុសនេះអាចវិវត្តន៍ទៅជាទន់ដៃជើង ទារកអាចស្លាប់ក្នុងផ្ទៃម្ដាយ និងក្បាលទារកតូចជាដើម។
អ្វីដែលគួរឲ្យព្រួយបារម្ភនោះ វីរុសនេះ ក៏មិនទាន់មានថ្នាំព្យាបាល និងវ៉ាក់សាំងសម្រាប់ការពារនៅឡើយនោះទេ។ ចំណែកការព្យាបាល គឺត្រូវធ្វើតាមការរបៀបគាំទ្រវេជ្ជសាស្ត្រ។ ដើម្បីបង្ការជំងឺនេះ គឺត្រូវបំផ្លាញជំរកមូល និងការពារកុំឲ្យមូសខ្លាខាំ។
គួរបញ្ជាក់ដែរថា មេរោគនេះរកឃើញដំបូងនៅលើសត្វស្វាក្នុងឆ្នាំ១៩៤៧ និងលើមនុស្សក្នុងឆ្នាំ១៩៥២ នៅប្រទេសអ៊ូហ្កង់ដានៃទ្វីបអាហ្វ្រិក។ មេរោគ Zika រាតត្បាតខ្លាំងឡើងបន្ទាប់ពីការទាត់បាល់ពិភពលោកនៅប្រទេសប្រេស៊ីលឆ្នាំ២០១៤ ហើយវាធ្លាប់បានផ្ទុះឡើងនៅទ្វីបអាហ្វ្រិក អាមេរិក និង អាស៊ីប៉ាស៊ីហ្វិកផងដែរ៕
Tag:
ចិន
Zika
© រក្សាសិទ្ធិដោយ thmeythmey.com
