ប្លែកៗ
អន្តរជាតិ
នាវាទីតានិកទី២ គ្រោងដំណើរការនៅឆ្នាំ២០១៨ 16, Feb 2016 , 8:59 pm
× ចាប់តាំងពីការដាក់បញ្ចាំងរឿង Titanic របស់លោក James Cameron មនុស្សរាប់រយលាននាក់ បានស្គាល់យ៉ាងច្បាស់ពីកប៉ាល់ទីតានិក។ ជាង១០០ឆ្នាំបន្ទាប់ពីការលិចកប៉ាល់ដ៏ល្បីល្បាញមួយនេះ គេតែងតែលឺថា នឹងមានការសាងសង់កប៉ាល់ថ្មីឲ្យដូចគ្នា ប៉ុន្តែក្រុមហ៊ុនមួយរបស់អូស្ត្រាលី បានប្រកាសថា កប៉ាល់ទីតានិកថ្មី នឹងដំណើរការនៅឆ្នាំ២០១៨ ខាងមុខនេះហើយ។
ក្រោមការផ្តួចផ្តើមរបស់មហាសេដ្ឋីអូស្ត្រាលី លោក Clive Palmer កប៉ាល់ទីតានិកថ្មីនឹងដំណើរការនាអំឡុងឆ្នាំ២០១៨ ។ តាមពិតទៅ លោក Clive បានបង្ហាញពីគម្រោងសាងសង់កប៉ាល់មួយនេះ តាំងពីខែមេសា ឆ្នាំ២០១២ មកម្លេះ ពោលគឺ១០០ឆ្នាំ ក្រោយការលិចទីតានិកនៅថ្ងៃទី១៥ ខែមេសា ឆ្នាំ២០១២ ប៉ុន្តែគម្រោងត្រូវបានពន្យារ។
បើតាមការផ្សាយរបស់ 20minutes.fr ទីតានិកទី២ គឺចម្លងតាមកប៉ាល់ដើមទាំងស្រុង លើកលែងតែប្រព័ន្ធមួយចំនួនប៉ុណ្ណោះ ដែលត្រូវធ្វើតាមបច្ចេកវិទ្យាទំនើប និងត្រួតពិនិត្យដោយផ្កាយរណប និងរ៉ាដា ជាពិសេសប្រព័ន្ធនៃជម្លៀសខ្លួន។
លោក James McDonald ប្រធានទីផ្សារនៃក្រុមហ៊ុន Blue Star Line ដែលរ៉ាប់រងនូវគម្រោងនេះ បានអះអាងថា ការដាក់ដំណើរការនាវាថ្មីនេះ គឺរំឭកដល់សោកនាដកម្មដែលបានបណ្តាលឲ្យមនុស្សប្រមាណ១៥០០នាក់ស្លាប់ កាលពីជាង១០០ឆ្នាំមុន។
នាវាទីតានិកដើម ចរាចរពីក្រុង Southampton របស់អង់គ្លេសទៅក្រុងញូវយ៉ក សហរដ្ឋអាមេរិក ប៉ុន្តែនាវាទីតានិកទីពីរ នឹងភ្ជាប់ពីក្រុង Jiangsu ប្រទេសចិន ទៅកាន់ក្រុងឌូបៃ ដែលជាដៃគូរបស់ក្រុមហ៊ុន Blue Star។
នាវាថ្មីនេះ នឹងមានប្រវែង២៧០ម៉ែត្រ និងកម្ពុជា៥៣ម៉ែត្រ និងមាន៣ជាន់ ដូចជានាវាដើមផងដែរ នាវាថ្មី។ តម្លៃធ្វើដំណើរមិនទាន់ប្រកាសឲ្យដឹងនោះឡើយ ប៉ុន្តែគេជឿថា ក្រុមហ៊ុននឹងគាត់តម្លៃក្នុងប្រមាណ៨០០ ០០០អឺរ៉ូ៕
© រក្សាសិទ្ធិដោយ thmeythmey.com