អន្តរជាតិ
អតីតប្រមុខ UN លោក Boutros Boutros-Ghali បានទទួលមរណភាព 16, Feb 2016 , 11:03 pm
លោក Boutros Boutros Ghali (ឆ្វេង) នាអំឡុងនៃការបំពេញបេសកកម្មនៅកម្ពុជាក្នុងឆ្នាំ១៩៩៣។ រូបថត ឯកសារ UN
× ក្រុមប្រឹក្សាសន្តិសុខអង្គការសហប្រជាជាតិ (UN) បានប្រកាសពីដំណឹងមរណភាពរបស់លោក Boutros Boutros-Ghali អតីតអគ្គលេខាធិការនៃស្ថាប័នកំពូលមួយនេះ នាថ្ងៃទី១៦ ខែកុម្ភៈ ឆ្នាំ២០១៦ ក្នុងអាយុ៩៣ឆ្នាំ។
លោក Boutros Boutros-Ghali អ្នកកាទូតអេហ្ស៊ីប បានក្លាយជាជនជាតិអាហ្វ្រិកដំបូងដែលបានកាន់តំណែងជាអគ្គលេខាធិការ UN ពីឆ្នាំ១៩៩២ ដល់ឆ្នាំ១៩៩៦ ។ លោកបានធ្វើជារដ្ឋមន្ត្រីការបរទេសអេហ្ស៊ីបពីឆ្នាំ១៩៧៧ ដល់ឆ្នាំ១៩៩១ និងជាអន្តរការីកំពូលម្នាក់នាកិច្ចព្រមព្រៀងសន្តិភាពរវាងអេហ្ស៊ីប និងអ៊ីស្រាអែល កាលពីឆ្នាំ១៩៧៩ ។
ជាមួយគ្នានេះ លោកក៏ធ្លាប់កាន់តំណែងជាអគ្គលេខាធិការនៃបណ្តាញក្រុមប្រទេសនិយាយភាសាបារាំង (Francophonie) ពីឆ្នាំ១៩៩៧ ដល់ឆ្នាំ២០០២ ផងដែរ៕
Tag:
Boutros Boutros-Ghali
អង្គការសហប្រជាជាតិ
© រក្សាសិទ្ធិដោយ thmeythmey.com