ជាតិ
អន្តរជាតិ
មេដឹកនាំអាមេរិក-អាស៊ាន ចេញសេចក្តីថ្លែងការណ៍មួយជាផ្លែផ្កា ក្រោយជំនួប២ថ្ងៃ
17, Feb 2016 , 10:09 am
មេដឹកនាំអាមេរិក-អាស៊ានក្រោយជំនួបកំពូល២ថ្ងៃនៅ Sunnylands។ រូបថតហ្វេសប៊ុកសម្តេច ហ៊ុន សែន
×![]()
ដោយ: តន ចាន់រិទ្ធារ៉ា
កិច្ចប្រជុំកំពូលអាមេរិក-អាស៊ាន ដែលរៀបចំឡើងដោយប្រធានាធិបតីអាមេរិក លោក បារ៉ាក់ អូបាម៉ា រយៈពេលពីរថ្ងៃក្នុងរមណីយដ្ឋាន Sunnylands នៃរដ្ឋ កាលីហ្វរនីញ៉ា បានបញ្ចប់ដោយផ្លែផ្កា។ មេដឹកនាំទាំងអស់ បានព្រម ព្រៀងគ្នា និងសម្រេចបាននូវសេចក្តីថ្លែងការណ៍រួមមួយ ដែលបានដាក់បញ្ចូលទាំងការបន្តកិច្ចសហប្រតិបត្តិការសេដ្ឋកិច្ច លើកកម្ពស់នីតិរដ្ឋ និងបញ្ហាប្រឈមសកលបច្ចុប្បន្ននានា។
ក្នុងសេចក្ដីថ្លែងការណ៍នោះ មេដឹកនាំអាមេរិក និងអាស៊ានបង្ហាញជំហរបន្តគាំទ្រតួនាទីស្នូលរបស់អាស៊ាន និងអង្គការតំបន់នានា ដែលអាស៊ានកំពុងតែដឹកនាំ។ ភាគីទាំងអស់នឹងគោរពអធិបតេយ្យ ភាពស្មើមុខមាត់គ្នា ព្រមទាំងឯករាជ្យរបស់ប្រទេសជាសមាជិកទាំងអស់ ដោយផ្អែកលើគោលការណ៍ច្បាប់អន្តរជាតិ និងធម្មនុញ្ញអាស៊ាន។
ទាក់ទិននឹងការជំរុញសេដ្ឋកិច្ច មេដឹកនាំអាមេរិក និងអាស៊ាន បានទទួលស្គាល់សារៈសំខាន់ ក្នុងការបង្កើតគោលនយោបាយ ដែលនាំដល់ការបើកចំហការប្រកួតប្រជែងសេដ្ឋកិច្ច។ គោលនយោបាយនេះ នឹងជួយជំរុញសេដ្ឋកិច្ច ការបង្កើតការងារ ព្រមទាំងជួយដល់សហគ្រាសធុនតូច និងមធ្យម ក៏ដូចជាបង្រួមគម្លាតអភិវឌ្ឍន៍ផងដែរ។
ជាមួយគ្នានោះ សេចក្ដីថ្លែងការណ៍ដដែលក៏បានបញ្ជាក់ពីការប្ដេជ្ញាចិត្តរួមគ្នា ក្នុងការដោះស្រាយបញ្ហានានាដោយសន្តិវិធី តាមរយៈច្បាប់ និងមធ្យោបាយការទូត និងការមិនប្រើកម្លាំងយោធា។ ភាគីទាំងអស់ក៏ប្ដេជ្ញារក្សាស្ថិរភាព និងសន្តិភាពតំបន់ ដោយរួមទាំងសុវត្ថិភាពផ្លូវសមុទ្រផងដែរ ជាពិសេសនោះសិទ្ធិសេរីភាពនាវាចរណ៍ និងការហោះហើរនៅដែនសមុទ្រ ដែលត្រូវបានការពារដោយអនុសញ្ញា ស្តីពីច្បាប់សមុទ្រឆ្នាំ១៩៨២។
លើសពីនេះ មេដឹកនាំអាមេរិក និងអាស៊ាន បានសន្យាដោះស្រាយបញ្ហាសំខាន់ៗផ្សេងទៀត ដូចជាការប្រឆាំងភេវរកម្ម និងអំពើហិង្សាជ្រុលនិយមជាដើម។ ម្យ៉ាងទៀត មេដឹកនាំទាំងអស់ បានបង្ហាញជំហរដោះស្រាយបញ្ហាការជួញដូរមនុស្ស គ្រឿងញៀន និងការនេសាទខុសច្បាប់ផងដែរ។ បម្រែបម្រួលបរិស្ថាន ដែលជាបញ្ហាប្រឈមដ៏ធំមួយរបស់ពិភពលោក ក៏ត្រូវបានលើកឡើងក្នុងសេចក្ដីការណ៍ ដោយបានឯកភាពគ្នាអនុវត្តន៍ឲ្យបានពេញលេញ នូវកិច្ចព្រមព្រៀងទីក្រុងប៉ារីស ស្ដីពីបម្រែបម្រួលអាកាសធាតុ។
ក្រៅពីនោះ មេដឹកនាំកំពូលអាមេរិក និងអាស៊ានទាំង១០ ក៏បានប្ដេជ្ញាចិត្ត ដើម្បីពង្រឹងការតភ្ជាប់រវាងប្រជាជន និងប្រជាជន តាមរយៈកម្មវិធីនានា ដែលចួលរួមដោយប្រជាជនអាស៊ាន និងអាមេរិក ជាពិសេសក្នុងចំណោមយុវជនវ័យក្មេង៕
ក្នុងសេចក្ដីថ្លែងការណ៍នោះ មេដឹកនាំអាមេរិក និងអាស៊ានបង្ហាញជំហរបន្តគាំទ្រតួនាទីស្នូលរបស់អាស៊ាន និងអង្គការតំបន់នានា ដែលអាស៊ានកំពុងតែដឹកនាំ។ ភាគីទាំងអស់នឹងគោរពអធិបតេយ្យ ភាពស្មើមុខមាត់គ្នា ព្រមទាំងឯករាជ្យរបស់ប្រទេសជាសមាជិកទាំងអស់ ដោយផ្អែកលើគោលការណ៍ច្បាប់អន្តរជាតិ និងធម្មនុញ្ញអាស៊ាន។
ទាក់ទិននឹងការជំរុញសេដ្ឋកិច្ច មេដឹកនាំអាមេរិក និងអាស៊ាន បានទទួលស្គាល់សារៈសំខាន់ ក្នុងការបង្កើតគោលនយោបាយ ដែលនាំដល់ការបើកចំហការប្រកួតប្រជែងសេដ្ឋកិច្ច។ គោលនយោបាយនេះ នឹងជួយជំរុញសេដ្ឋកិច្ច ការបង្កើតការងារ ព្រមទាំងជួយដល់សហគ្រាសធុនតូច និងមធ្យម ក៏ដូចជាបង្រួមគម្លាតអភិវឌ្ឍន៍ផងដែរ។
ជាមួយគ្នានោះ សេចក្ដីថ្លែងការណ៍ដដែលក៏បានបញ្ជាក់ពីការប្ដេជ្ញាចិត្តរួមគ្នា ក្នុងការដោះស្រាយបញ្ហានានាដោយសន្តិវិធី តាមរយៈច្បាប់ និងមធ្យោបាយការទូត និងការមិនប្រើកម្លាំងយោធា។ ភាគីទាំងអស់ក៏ប្ដេជ្ញារក្សាស្ថិរភាព និងសន្តិភាពតំបន់ ដោយរួមទាំងសុវត្ថិភាពផ្លូវសមុទ្រផងដែរ ជាពិសេសនោះសិទ្ធិសេរីភាពនាវាចរណ៍ និងការហោះហើរនៅដែនសមុទ្រ ដែលត្រូវបានការពារដោយអនុសញ្ញា ស្តីពីច្បាប់សមុទ្រឆ្នាំ១៩៨២។
លើសពីនេះ មេដឹកនាំអាមេរិក និងអាស៊ាន បានសន្យាដោះស្រាយបញ្ហាសំខាន់ៗផ្សេងទៀត ដូចជាការប្រឆាំងភេវរកម្ម និងអំពើហិង្សាជ្រុលនិយមជាដើម។ ម្យ៉ាងទៀត មេដឹកនាំទាំងអស់ បានបង្ហាញជំហរដោះស្រាយបញ្ហាការជួញដូរមនុស្ស គ្រឿងញៀន និងការនេសាទខុសច្បាប់ផងដែរ។ បម្រែបម្រួលបរិស្ថាន ដែលជាបញ្ហាប្រឈមដ៏ធំមួយរបស់ពិភពលោក ក៏ត្រូវបានលើកឡើងក្នុងសេចក្ដីការណ៍ ដោយបានឯកភាពគ្នាអនុវត្តន៍ឲ្យបានពេញលេញ នូវកិច្ចព្រមព្រៀងទីក្រុងប៉ារីស ស្ដីពីបម្រែបម្រួលអាកាសធាតុ។
ក្រៅពីនោះ មេដឹកនាំកំពូលអាមេរិក និងអាស៊ានទាំង១០ ក៏បានប្ដេជ្ញាចិត្ត ដើម្បីពង្រឹងការតភ្ជាប់រវាងប្រជាជន និងប្រជាជន តាមរយៈកម្មវិធីនានា ដែលចួលរួមដោយប្រជាជនអាស៊ាន និងអាមេរិក ជាពិសេសក្នុងចំណោមយុវជនវ័យក្មេង៕
Tag:
Sunnylands
អាមេរិក-អាស៊ាន
© រក្សាសិទ្ធិដោយ thmeythmey.com
