អន្តរជាតិ
វាយប្រហារនៅតួកគី សម្លាប់មនុស្សយ៉ាងតិច២៨នាក់និងរបួស៦៨នាក់
18, Feb 2016 , 10:44 am
×![]()
ដោយ: ថ្មីៗ
មនុស្សយ៉ាងតិច២៨នាក់ស្លាប់និង៦៨នាក់ទៀតរបួសនៅក្នុងហេតុការណ៍បំផ្ទុះឡានអត្តឃាតនៅកណ្ដាលទីក្រុងអង់ការ៉ា ប្រទេសតួកគីនៅល្ងាចថ្ងៃពុធម្សិលមិញ។ មិនទាន់មានក្រុមណាចេញមកទទួលខុសត្រូវលើសកម្មភាពនេះនៅឡើយទេ តែអាជ្ញាធរតួកគីចាត់ទុកនេះជាអំពើភេវរកម្ម និងប្រកាសសងសឹកចំពោះអ្នកនៅពីក្រោយវិញផងដែរ។
ការវាយប្រហារដោយបំផ្ទុះឡានអត្តឃាត បានសម្លាប់មនុស្សយ៉ាងតិច២៨នាក់និងរបួស៦៨នាក់ នៅឯរដ្ឋធានីអង់ការ៉ារបស់តួកគី។ ការវាយប្រហារនេះសំដៅទៅលើក្បួនរថយន្តយោធាដែលកំពុងឈប់ស្តុបនៅព្រលប់ថ្ងៃពុធម្សិលមិញ។ ប្រធានាធិបតីតួកគីលោក Recep Tayyip Erdogan បានប្រកាសស្វែងរកមុខអ្នកនៅពីក្រោយអំពើនេះ ខណៈតួកគីជួបប្រទះនឹងការវាយប្រហារជាច្រើនលើកមកហើយ។
បើតាម Al Jazeera គ្រាប់បែកដែលបង្កប់ក្នុងឡានបាន ផ្ទុះនៅពេលដែលក្បួនរថយន្ត យោធាដែលដឹកទាហានមួយចំនួនបានឈប់ស្តុបនៅកណ្ដាលទីក្រុងអង់ការ៉ា។ គេអាចមើលឃើញផ្សែងយ៉ាងខ្លាំងចេញពីកន្លែងកើតហេតុ ដែលស្ថិតនៅក្បែរបញ្ជាការកងទ័ពតួកគីនិងអាគារសភា។
ក្រោយការកើតហេតុ នាយករដ្ឋមន្ត្រីតួកគីលោកAhmet Davutoglu បានលុបចោលដំណើរទៅកាន់ទីក្រុងព្រុចសែលដើម្បីចូលរួមប្រជុំស្ដីពីវិបត្តិជនភៀសខ្លួន។ ចំណែកឯលោកRecep Tayyip Erdogan ក៏ត្រលប់មកពីប្រទេសអាស៊ែបៃហ្សង់វិញផងដែរ និងបានកោះប្រជុំបន្ទាន់ជាមួយមន្ត្រីសន្តិសុខសំខាន់ៗ។ តាមរយៈសេចក្ដីថ្លែងការណ៍មួយ លោក Erdogan និយាយថា យើងនឹងបន្តការប្រយុទ្ធនឹងក្រុមជ្រុលនិយមដែលតែងធ្វើសកម្មភាពដូចនេះ និងគ្មានសីលធម៌ឬមនុស្សធម៌អ្វីទាំងអស់។
យ៉ាងណាមិញ នៅមិនទាន់មានក្រុមណាចេញមកទទួលខុសត្រូវចំពោះហេតុការណ៍នេះទេ ប៉ុន្តែរដ្ឋាភិបាលតួកគីចាត់ទុកជាអំពើភេវរកម្ម។ ក្រុមកងកម្លាំងរបស់បក្សពលករឃើដ ជាមុខសញ្ញានៃការសង្ស័យនេះ ដែលបានការវាយប្រហារចំពេលដែលចរាចរណ៍ចាប់ផ្ដើមស្ទះខ្លាំងក្នុងទីក្រុងអង់ការ៉ា៕
ការវាយប្រហារដោយបំផ្ទុះឡានអត្តឃាត បានសម្លាប់មនុស្សយ៉ាងតិច២៨នាក់និងរបួស៦៨នាក់ នៅឯរដ្ឋធានីអង់ការ៉ារបស់តួកគី។ ការវាយប្រហារនេះសំដៅទៅលើក្បួនរថយន្តយោធាដែលកំពុងឈប់ស្តុបនៅព្រលប់ថ្ងៃពុធម្សិលមិញ។ ប្រធានាធិបតីតួកគីលោក Recep Tayyip Erdogan បានប្រកាសស្វែងរកមុខអ្នកនៅពីក្រោយអំពើនេះ ខណៈតួកគីជួបប្រទះនឹងការវាយប្រហារជាច្រើនលើកមកហើយ។
បើតាម Al Jazeera គ្រាប់បែកដែលបង្កប់ក្នុងឡានបាន ផ្ទុះនៅពេលដែលក្បួនរថយន្ត យោធាដែលដឹកទាហានមួយចំនួនបានឈប់ស្តុបនៅកណ្ដាលទីក្រុងអង់ការ៉ា។ គេអាចមើលឃើញផ្សែងយ៉ាងខ្លាំងចេញពីកន្លែងកើតហេតុ ដែលស្ថិតនៅក្បែរបញ្ជាការកងទ័ពតួកគីនិងអាគារសភា។
ក្រោយការកើតហេតុ នាយករដ្ឋមន្ត្រីតួកគីលោកAhmet Davutoglu បានលុបចោលដំណើរទៅកាន់ទីក្រុងព្រុចសែលដើម្បីចូលរួមប្រជុំស្ដីពីវិបត្តិជនភៀសខ្លួន។ ចំណែកឯលោកRecep Tayyip Erdogan ក៏ត្រលប់មកពីប្រទេសអាស៊ែបៃហ្សង់វិញផងដែរ និងបានកោះប្រជុំបន្ទាន់ជាមួយមន្ត្រីសន្តិសុខសំខាន់ៗ។ តាមរយៈសេចក្ដីថ្លែងការណ៍មួយ លោក Erdogan និយាយថា យើងនឹងបន្តការប្រយុទ្ធនឹងក្រុមជ្រុលនិយមដែលតែងធ្វើសកម្មភាពដូចនេះ និងគ្មានសីលធម៌ឬមនុស្សធម៌អ្វីទាំងអស់។
យ៉ាងណាមិញ នៅមិនទាន់មានក្រុមណាចេញមកទទួលខុសត្រូវចំពោះហេតុការណ៍នេះទេ ប៉ុន្តែរដ្ឋាភិបាលតួកគីចាត់ទុកជាអំពើភេវរកម្ម។ ក្រុមកងកម្លាំងរបស់បក្សពលករឃើដ ជាមុខសញ្ញានៃការសង្ស័យនេះ ដែលបានការវាយប្រហារចំពេលដែលចរាចរណ៍ចាប់ផ្ដើមស្ទះខ្លាំងក្នុងទីក្រុងអង់ការ៉ា៕
Tag:
តួកគី
ភេវរកម្ម
© រក្សាសិទ្ធិដោយ thmeythmey.com
