អន្តរជាតិ
បាតុករកូសូវ៉ូទាមទារឲ្យរដ្ឋាភិបាលចុះចេញពីតំណែង
18, Feb 2016 , 4:26 pm
×![]()
ក្រុមបាតុករប្រឆាំងរាប់ពាន់នាក់បានទាមទារឲ្យរដ្ឋាភិបាលលោក Isa Mustafa ចាកចេញពីតំណែងដោយចោទប្រកាន់ថារំលោភរដ្ឋធម្មនុញ្ញក្នុងរឿងកិច្ចព្រមព្រៀងជាមួយស៊ែប៊ីនិងម៉ុងតេណេក្រូ។ បាតុកម្មនេះកើតឡើងនៅស្របពេលដែលកូសូវ៉ូរម្លឹកខួប៨ឆ្នាំនៃឯករាជ្យពីស៊ែប៊ីនៅឆ្នាំ២០០៨។
បាតុករកូសូវ៉ូរាប់ពាន់មកពីទូទាំងប្រទេសបានមកប្រមូលផ្ដុំគ្នានៅរដ្ឋធានី Pristina ដើម្បីទាមទារឲ្យរដ្ឋាភិបាលចុះចេញពីតំណែង។ ក្រុមបាតុករបានចោទរដ្ឋាភិបាលលោក Isa Mustafa ថាធ្វើខុសរដ្ឋធម្មនុញ្ញចំពោះករណីកិច្ចព្រមព្រៀងជាមួយស៊ែប៊ីនិងម៉ុងតេណេក្រូ។ បាតុករបានទាមទារឲ្យលោក Mustafa និងរដ្ឋមន្ត្រីការបរទេសលោក Hashim Thaci លា
លែងតំណែងបន្ទាន់។
ក្រុមបាតុករជាង១ម៉ឺនបានប្រកាសបដិសេធទទួលស្គាល់កិច្ចព្រមព្រៀងជាមួយស៊ែប៊ីដែលចេញជារូបរាងកាលពីឆ្នាំ២០១៥។ នេះក៏ព្រោះតែកិច្ចព្រមព្រៀងខាងលើនេះបានផ្ដល់អំណាចខ្លាំងដល់ជនជាតិស៊ែប៊ីដែលរស់នៅកូសូវ៉ូ ហើយផ្នែកខ្លះនៃកិច្ចព្រមព្រៀងនេះក៏ត្រូវតុលាការធម្មនុញ្ញថាមិនស្របរដ្ឋធម្មនុញ្ញផងដែរ។ ចំណែកឯកិច្ចព្រមព្រៀងកំណត់ព្រំដែនជាមួយម៉ុងតេណេក្រូក៏ត្រូវក្រុមបាតុករទាំងនោះបដិសេធដែរ។
បាតុករដែលមិនសប្បាយចិត្តទាំងនោះបានទាមទារឲ្យមានការធ្វើប្រជាមតិឬការបោះឆ្នោតថ្មីមួយ។ អ្នកដឹកនាំបាតុករ Visar Ymeri បានដាក់កំណត់ថ្ងៃទី២៧ ខែកុម្ភៈ ជាឱសាទសម្រាប់ឲ្យរដ្ឋាភិបាលលោក Isa Mustafa ចុះចេញ។ បើមិនដូច្នោះទេ បាតុករនឹងបន្តរហូតដល់មានដំណោះស្រាយ។
យ៉ាងណាមិញ រដ្ឋាភិបាលលោកនាយករដ្ឋមន្ត្រី Isa Mustafa បានវាយបកវិញថាក្រុមប្រឆាំងចង់ឆក់យកអំណាចតាមរយៈអំពើហិង្សា។ ឆ្លៀតក្នុងពេលរម្លឹកខួបឯករាជ្យលើកទី៨ ដែលធ្វើឡើងនៅថ្ងៃទី១៨ ខែកុម្ភៈ លោក Mustafa បញ្ជាក់ថា រដ្ឋាភិបាលរបស់លោកមានអាណត្តិច្បាស់លាស់ និងមានអំណាចស្របច្បាប់ដើម្បីបម្រើប្រជាជនដែលបានជឿទុកចិត្តតាមរយៈសន្លឹកឆ្នោត។
សូមរម្លឹកថា កូសូវ៉ូ បានប្រកាសឯករាជ្យដោយឯកតោភាគីពីស៊ែប៊ីនៅក្នុងឆ្នាំ២០០៨ ដោយមានការជ្រោមជ្រែងពីក្រុមប្រទេសអឺរ៉ុបនិងអាមេរិក។ ប៉ុន្តែស៊ែប៊ីដែលមានរុស្សីនៅពីក្រោយមិនបានទទួលស្គាល់នោះទេ និងនៅតែចាត់ទុកកូសូវ៉ូជាអាណាខេត្តមួយរបស់ខ្លួន។
បាតុករកូសូវ៉ូរាប់ពាន់មកពីទូទាំងប្រទេសបានមកប្រមូលផ្ដុំគ្នានៅរដ្ឋធានី Pristina ដើម្បីទាមទារឲ្យរដ្ឋាភិបាលចុះចេញពីតំណែង។ ក្រុមបាតុករបានចោទរដ្ឋាភិបាលលោក Isa Mustafa ថាធ្វើខុសរដ្ឋធម្មនុញ្ញចំពោះករណីកិច្ចព្រមព្រៀងជាមួយស៊ែប៊ីនិងម៉ុងតេណេក្រូ។ បាតុករបានទាមទារឲ្យលោក Mustafa និងរដ្ឋមន្ត្រីការបរទេសលោក Hashim Thaci លា
លែងតំណែងបន្ទាន់។
ក្រុមបាតុករជាង១ម៉ឺនបានប្រកាសបដិសេធទទួលស្គាល់កិច្ចព្រមព្រៀងជាមួយស៊ែប៊ីដែលចេញជារូបរាងកាលពីឆ្នាំ២០១៥។ នេះក៏ព្រោះតែកិច្ចព្រមព្រៀងខាងលើនេះបានផ្ដល់អំណាចខ្លាំងដល់ជនជាតិស៊ែប៊ីដែលរស់នៅកូសូវ៉ូ ហើយផ្នែកខ្លះនៃកិច្ចព្រមព្រៀងនេះក៏ត្រូវតុលាការធម្មនុញ្ញថាមិនស្របរដ្ឋធម្មនុញ្ញផងដែរ។ ចំណែកឯកិច្ចព្រមព្រៀងកំណត់ព្រំដែនជាមួយម៉ុងតេណេក្រូក៏ត្រូវក្រុមបាតុករទាំងនោះបដិសេធដែរ។
បាតុករដែលមិនសប្បាយចិត្តទាំងនោះបានទាមទារឲ្យមានការធ្វើប្រជាមតិឬការបោះឆ្នោតថ្មីមួយ។ អ្នកដឹកនាំបាតុករ Visar Ymeri បានដាក់កំណត់ថ្ងៃទី២៧ ខែកុម្ភៈ ជាឱសាទសម្រាប់ឲ្យរដ្ឋាភិបាលលោក Isa Mustafa ចុះចេញ។ បើមិនដូច្នោះទេ បាតុករនឹងបន្តរហូតដល់មានដំណោះស្រាយ។
យ៉ាងណាមិញ រដ្ឋាភិបាលលោកនាយករដ្ឋមន្ត្រី Isa Mustafa បានវាយបកវិញថាក្រុមប្រឆាំងចង់ឆក់យកអំណាចតាមរយៈអំពើហិង្សា។ ឆ្លៀតក្នុងពេលរម្លឹកខួបឯករាជ្យលើកទី៨ ដែលធ្វើឡើងនៅថ្ងៃទី១៨ ខែកុម្ភៈ លោក Mustafa បញ្ជាក់ថា រដ្ឋាភិបាលរបស់លោកមានអាណត្តិច្បាស់លាស់ និងមានអំណាចស្របច្បាប់ដើម្បីបម្រើប្រជាជនដែលបានជឿទុកចិត្តតាមរយៈសន្លឹកឆ្នោត។
សូមរម្លឹកថា កូសូវ៉ូ បានប្រកាសឯករាជ្យដោយឯកតោភាគីពីស៊ែប៊ីនៅក្នុងឆ្នាំ២០០៨ ដោយមានការជ្រោមជ្រែងពីក្រុមប្រទេសអឺរ៉ុបនិងអាមេរិក។ ប៉ុន្តែស៊ែប៊ីដែលមានរុស្សីនៅពីក្រោយមិនបានទទួលស្គាល់នោះទេ និងនៅតែចាត់ទុកកូសូវ៉ូជាអាណាខេត្តមួយរបស់ខ្លួន។
Tag:
កូសូវ៉ូ
© រក្សាសិទ្ធិដោយ thmeythmey.com
