នាវាចម្បាំងចិនពីរគ្រឿង បានមកដល់កំពង់ផែព្រះសីហនុហើយ

អន្តរជាតិ

នយោបាយអន្តរជាតិ

នាវាចម្បាំងចិនពីរគ្រឿង បានមកដល់កំពង់ផែព្រះសីហនុហើយ

23, Feb 2016 , 5:14 pm

រូបភាព

នាវាចម្បាំងចិន នៅកំពង់ផែស្វយ័ត

ដោយ:

នាវាចម្បាំងចិនពីរគ្រឿង បានចូលសំចតនៅកំពង់ផែស្វយ័ត ខេត្តព្រះសីហនុនៅចន្ទទី២១ខែកុម្ភៈនេះ ហើយ។ នេះ គឺជាដំណើរទស្សនកិច្ចសុឆន្ទៈរបស់កងទ័ពជើងទឹកចិនដែលនឹងត្រូវចំណាយពេលរយៈពេល៥ថ្ងៃផងដែរ។

ចុចទីនេះដើម្បីទទួលបានព័ត៌មានរហ័ស

ក្នុងឱកាសនៃពិធីស្វាគមន៍ លោកឧត្តមសេនីយ៍ទោ Yu Manjiang ដែលអ្នកដឹកនាំក្នុងដំណើរទស្សនកិច្ចចិននេះ បានបញ្ជាក់ថា ចិន និងកម្ពុជា គឺជាដៃគូ និងមិត្តភក្តិល្អនឹងគ្នា។ នេះបើយោងតាមភ្នាក់ងារ ព័ត៌មាន Xinhua ដែលបានដកស្រង់សម្តីលោកដែលថា តាមរយៈទស្សនកិច្ចនេះ នឹងជួយបង្កើននូវ ទំនុកចិត្តរួមគ្នា និងទំនាក់ទំនងរវាងប្រទេសទាំងពីរ ក៏ដូចជាបង្កើននូវកិច្ចសហប្រតិបត្តិការរវាងកងទ័ព ជើងទឹកនៃប្រទេសទាំងពីរ។

បើយោងតាមភ្នាក់ងារនៃព័ត៌មានដដែលក្នុងអំឡុងពេលនៃដំណើរទស្សនកិច្ចនេះ នឹងមានការធ្វើលំហាត់យោធាក្នុងការជួយសង្គ្រោះ និងការប្រកួតបាល់ទាត់មិត្តភាពរវាងកងទ័ពជើងទឹកចិន និងកម្ពុជាផង ដែរ៕