អន្តរជាតិ
ចិន៖ គឺសកម្មភាពអាមេរិកដែលនាំឲ្យមានយោធូបនីយកម្មសមុទ្រចិនខាងត្បូង
23, Feb 2016 , 9:39 pm
×![]()
ជាថ្មីម្តងទៀតរដ្ឋាភិបាលក្រុងប៉េកាំង បានចោទរដ្ឋាភិបាលក្រុងវ៉ាស៊ិនតោនថា ជាអ្នកដែលបង្កើតឲ្យមានការធ្វើយោធូបនីយកម្ម នៅសមុទ្រចិនខាងត្បូង។ ការធ្វើយោធូបនីយកម្មនោះគឺ ការបន្តសកម្មភាពទាំងដែនអាកាស និងដែនទឹក ក្នុងតំបន់ជម្លោះរបស់អាមេរិក។
លោកស្រី Hua Chunying អ្នកនាំពាក្យក្រសួងការបរទេសចិន បានថ្លែងក្នុងសន្និសីទកាសែតនៅថ្ងៃទី២២ ខែកុម្ភៈថា ការបញ្ជូននាវា និងយន្តហោះចម្បាំងរបស់អាមេរិក ទៅកាន់តំបន់សមុទ្រចិនខាងត្បូង ដើម្បីស៊ើបការណ៍គឺជាប្រភពនៃភាពតានតឹង និងការធ្វើឲ្យមានយោធូបនីយកម្មនៃសមុទ្រចិនខាងត្បូង។ ការអះអាងនេះធ្វើឡើង ដើម្បីជាការឆ្លើយតបទៅនឹងការចោទប្រកាន់របស់អ្នកនាំពាក្យ ក្រសួងការបទេសអាមេរិកកន្លងទៅ។
កាលពីថ្ងៃព្រហស្បតិ៍ទី១៨ ខែកុម្ភៈកន្លងទៅ ក្នុងឱកាសនៃការធ្វើសង្ខេបព័ត៌មានប្រចាំថ្ងៃ លោក Kirby បានបញ្ជាក់ថា យើងមិនបានឃើញសញ្ញាណាមួយនៃការប្តេជា លើយោធូបនីយកម្ម ត្រូវបានបញ្ឈប់នោះទេ ពោលគឺវាគ្មានអ្វីសោះដែលត្រូវបានធ្វើឡើង ដើម្បីធានាពីស្ថិរភាព និងសន្តិសុខ នៃសា្ថនភាពក្នុងសមុទ្រចិនខាងត្បូង។ ការលើកឡើងរបស់អ្នកនាំពាក្យរូបនេះ ក៏ស្របជាមួយនឹងការអះអាង នៃមន្ត្រីជាន់ខ្ពស់ការពារជាតិអាមេរិក និងតៃវ៉ាន់ ដែលថា ចិនបានបំពាក់ប្រព័ន្ធមីស៊ីលអាចបាញ់ទៅកាន់លំហអាកាស នៅលើកោះ Woody ដែលស្ថិតនៅក្នុងបណ្តុំកោះប៉ារ៉ាសែល នៃតំបន់ជម្លោះសមុទ្រចិនខាងត្បូង។ សមុទ្រចិនខាងត្បូង ដែលជាតំបន់ទាមទារត្រួតស៊ីគ្នារបស់ចិន តៃវ៉ាន់ និងវៀតណាម។
យ៉ាងណាក៏ដោយ ជាថ្មីម្តងទៀត លោកស្រី Hua Chunying បានបញ្ជាក់ថា «វាមិនមានភាពខុសគ្នា នោះទេរវាងការពង្រាយសម្ភារការពារជាតិ លើដែនអធិបតេយ្យរបស់ចិន និងការបំពាក់សម្ភារការពាររបស់អាមេរិកនៅកោះហាវ៉ៃនោះ»។ នេះបើយោងតាមកាសែតចិន People’s Daily ដែលបានដកស្រង់សម្តីលោកស្រីដែលថា ការបញ្ជូននាវា និងយន្តហោះចម្បាំងរបស់អាមេរិក ពីមួយឆ្នាំទៅមួយឆ្នាំ បាន និងកំពុងធ្វើឲ្យមានការប្រឈមមុខដាក់គ្នាកាន់តែធ្ងន់ធ្ងរទៅៗក្នុងតំបន់ ហើយសកម្មភាពទាំងនោះ ក៏ជាហេតុដែលនាំឲ្យមានការធ្វើយោធូបនីយកម្មក្នុងតំបន់ផងដែរ។
សូមបញ្ជាក់ផងដែរថា បញ្ហាសមុទ្រចិនខាងត្បូង ដែលមានភាគីពាក់ព័ន្ធរដ្ឋអាស៊ាន ដូចជាព្រុយណេ ម៉ាឡេស៊ី វៀតណាម និងហ្វីលីពីន និងតៃវ៉ាន់ ព្រមទាំងចិន បាន និងកំពុងឡើងកម្តៅកាន់តែខ្លាំងឡើងៗ។ ខណៈអវត្តមានដំណោះស្រាយ ចិនបន្តគោលនយោបាយវាតទីក្នុងតំបន់ជម្លោះ ដោយបានសាងសង់ កោះសិប្បនិម្មិតទៀតផង។ ចុងក្រោយនេះ ដោយសារតែអវត្តមាននៃដំណោះស្រាយនេះ អាមេរិក ដែលមិនមែនជារដ្ឋទាមទារសោះ បានលូកដៃចូលយ៉ាងជ្រៅ តាមរយៈការបញ្ជូននាវា និងយន្តហោះចម្បាំងមកកាន់តំបន់ជម្លោះក្រោមហេតុផលនៃការអនុវត្តសិទិ្ធសេរីភាពដែនសមុទ្រ និងដែនអាកាស៕
លោកស្រី Hua Chunying អ្នកនាំពាក្យក្រសួងការបរទេសចិន បានថ្លែងក្នុងសន្និសីទកាសែតនៅថ្ងៃទី២២ ខែកុម្ភៈថា ការបញ្ជូននាវា និងយន្តហោះចម្បាំងរបស់អាមេរិក ទៅកាន់តំបន់សមុទ្រចិនខាងត្បូង ដើម្បីស៊ើបការណ៍គឺជាប្រភពនៃភាពតានតឹង និងការធ្វើឲ្យមានយោធូបនីយកម្មនៃសមុទ្រចិនខាងត្បូង។ ការអះអាងនេះធ្វើឡើង ដើម្បីជាការឆ្លើយតបទៅនឹងការចោទប្រកាន់របស់អ្នកនាំពាក្យ ក្រសួងការបទេសអាមេរិកកន្លងទៅ។
កាលពីថ្ងៃព្រហស្បតិ៍ទី១៨ ខែកុម្ភៈកន្លងទៅ ក្នុងឱកាសនៃការធ្វើសង្ខេបព័ត៌មានប្រចាំថ្ងៃ លោក Kirby បានបញ្ជាក់ថា យើងមិនបានឃើញសញ្ញាណាមួយនៃការប្តេជា លើយោធូបនីយកម្ម ត្រូវបានបញ្ឈប់នោះទេ ពោលគឺវាគ្មានអ្វីសោះដែលត្រូវបានធ្វើឡើង ដើម្បីធានាពីស្ថិរភាព និងសន្តិសុខ នៃសា្ថនភាពក្នុងសមុទ្រចិនខាងត្បូង។ ការលើកឡើងរបស់អ្នកនាំពាក្យរូបនេះ ក៏ស្របជាមួយនឹងការអះអាង នៃមន្ត្រីជាន់ខ្ពស់ការពារជាតិអាមេរិក និងតៃវ៉ាន់ ដែលថា ចិនបានបំពាក់ប្រព័ន្ធមីស៊ីលអាចបាញ់ទៅកាន់លំហអាកាស នៅលើកោះ Woody ដែលស្ថិតនៅក្នុងបណ្តុំកោះប៉ារ៉ាសែល នៃតំបន់ជម្លោះសមុទ្រចិនខាងត្បូង។ សមុទ្រចិនខាងត្បូង ដែលជាតំបន់ទាមទារត្រួតស៊ីគ្នារបស់ចិន តៃវ៉ាន់ និងវៀតណាម។
យ៉ាងណាក៏ដោយ ជាថ្មីម្តងទៀត លោកស្រី Hua Chunying បានបញ្ជាក់ថា «វាមិនមានភាពខុសគ្នា នោះទេរវាងការពង្រាយសម្ភារការពារជាតិ លើដែនអធិបតេយ្យរបស់ចិន និងការបំពាក់សម្ភារការពាររបស់អាមេរិកនៅកោះហាវ៉ៃនោះ»។ នេះបើយោងតាមកាសែតចិន People’s Daily ដែលបានដកស្រង់សម្តីលោកស្រីដែលថា ការបញ្ជូននាវា និងយន្តហោះចម្បាំងរបស់អាមេរិក ពីមួយឆ្នាំទៅមួយឆ្នាំ បាន និងកំពុងធ្វើឲ្យមានការប្រឈមមុខដាក់គ្នាកាន់តែធ្ងន់ធ្ងរទៅៗក្នុងតំបន់ ហើយសកម្មភាពទាំងនោះ ក៏ជាហេតុដែលនាំឲ្យមានការធ្វើយោធូបនីយកម្មក្នុងតំបន់ផងដែរ។
សូមបញ្ជាក់ផងដែរថា បញ្ហាសមុទ្រចិនខាងត្បូង ដែលមានភាគីពាក់ព័ន្ធរដ្ឋអាស៊ាន ដូចជាព្រុយណេ ម៉ាឡេស៊ី វៀតណាម និងហ្វីលីពីន និងតៃវ៉ាន់ ព្រមទាំងចិន បាន និងកំពុងឡើងកម្តៅកាន់តែខ្លាំងឡើងៗ។ ខណៈអវត្តមានដំណោះស្រាយ ចិនបន្តគោលនយោបាយវាតទីក្នុងតំបន់ជម្លោះ ដោយបានសាងសង់ កោះសិប្បនិម្មិតទៀតផង។ ចុងក្រោយនេះ ដោយសារតែអវត្តមាននៃដំណោះស្រាយនេះ អាមេរិក ដែលមិនមែនជារដ្ឋទាមទារសោះ បានលូកដៃចូលយ៉ាងជ្រៅ តាមរយៈការបញ្ជូននាវា និងយន្តហោះចម្បាំងមកកាន់តំបន់ជម្លោះក្រោមហេតុផលនៃការអនុវត្តសិទិ្ធសេរីភាពដែនសមុទ្រ និងដែនអាកាស៕
Tag:
ចិន
© រក្សាសិទ្ធិដោយ thmeythmey.com
