អន្តរជាតិ
សមុទ្រចិនខាងត្បូង៖ ចិនអន់ចិត្តនឹងសារព័ត៌មានតែងតែមើលចិនខុស
24, Feb 2016 , 3:58 pm
រដ្ឋមន្ត្រីការបរទេសចិន លោក វ៉ាង យី
×![]()
រយៈពេលចុងក្រោយនេះ មានរបាយការណ៍ជាបន្តបន្ទាប់ដែលភាគច្រើនទទួលស្គាល់ដោយមន្ត្រីយោធា ជាន់ខ្ពស់អាមេរិក បានបង្ហាញថាចិន បានបំពាក់សម្ភារយោធាដែលមើលឃើញថាជាការធ្វើយោធូបនីយកម្មក្នុងសមុទ្រចិនខាងត្បូង។ យ៉ាងណាក៏ដោយ ប្រមុខការទូតចិន បានបញ្ជាក់សមុទ្រចិនខាងត្បូងជា កម្មសិទ្ធរបស់ចិនតាំងពីបុរាណកាលមកម្ល៉េះ ហើយសកម្មភាពចិន គឺជាការអនុវត្តសិទ្ធិខ្លួនតែប៉ុណ្ណោះ។ 
រដ្ឋមន្ត្រីការបរទេសចិន លោក វ៉ាង យី បានបញ្ជាក់ថា សមុទ្រចិនខាងត្បូងគឺស្ថិតនៅក្នុងដែនអធិបតេ យ្យរបស់ចិនតាំងពីសម័យបុរាណមកម្ល៉េះ ហើយ ចិនមានសិទ្ធិក្នុងការធ្វើសកម្មភាពក្នុងបូរណភាពដែនដីដោយស្របច្បាប់ដើម្បីការពារផលប្រយោជន៍របស់ខ្លួន។ ការអះអាងនេះធ្វើឡើងក្នុងសន្និសីទ សារព័ត៌មានរួមគ្នារវាងលោកវ៉ាងយី និងសមភាគីរបស់លោក លោកចន ឃេរីនៅថ្ងៃទី២៣ ខែកុម្ភៈ ម្សិលមិញក្នុងក្រុងវ៉ាស៊ិនតោន។
ក្នុងឱកាសដដែល ប្រមុខការទូតចិនរូបនោះ បានប្តេជ្ញាដោះស្រាយជម្លោះតាមរយៈការសន្ទនា និងចរចាដោយសន្តិវិធី។ លោក ក៏បានបន្ថែមទៀតថាបញ្ហាសមុទ្រចិនខាងត្បូង មិនមែនជា ហើយក៏មិនគួរ ជាបញ្ហារវាងចិន និងអាមេរិកនោះទេ។
សូមបញ្ជាក់ផងដែរថា ជម្លោះសមុទ្រចិនខាងត្បូង បានអូសបន្លាយដោយគ្មានដំណោះស្រាយក៏ព្រោះតែភាពចម្រូងចម្រាសនៃការទាមទារពោលគឺ ចិនទាមទារស្ទើរតែតំបន់ទាំងអស់នៃតំបន់ជម្លោះដោយយោងតាមកត្តាប្រវត្តិសាស្ត្រ ខណៈរដ្ឋអាស៊ានទាមទារដោយយោងតាមកត្តាច្បាប់។ ចុងក្រោយនេះ គេកំពុងតែផ្តោតសំខាន់លើសកម្មភាពរបស់ចិនក្នុងការបំពាក់ប្រព័ន្ធមីស៊ីល និងសព្វាវុធផ្សេងក្នុងតំបន់ ជម្លោះ។ ហើយចុងក្រោយនេះ ក្រុមអ្នកស្រាវជ្រាវ បានអះអាងថាចិនក៏នឹងគ្រោងបំពាក់រ៉ាដាទៀតផងដែរ។ សកម្មភាពទាំងនេះ ត្រូវចាត់ទុកជាការធ្វើយោធូបនីយកម្ម។
យ៉ាងណាក៏ដោយ លោក វ៉ាង យី បានស្នើឲ្យអ្នកសារព័ត៌មានមិនគួរតែមើលឃើញតែសកម្មភាពរបស់ចិនតែប៉ុណ្ណោះនោះទេ តែអ្វីដែលសំខាន់នោះគឺជារៀងរាល់ថ្ងៃ មានអាវុធគ្រប់ប្រភេទបានលេចចេញក្នុងសមុទ្រចិនខាងត្បូងដែលរួមមានទាំងយន្តហោះទម្លាក់គ្រាប់ផងដែរនោះ។ លោក វ៉ាង ក៏បានលើកឡើងពីប្រវត្តិសាស្ត្រចិនក្នុងរយៈពេលទសវត្សរ៍ចុងក្រោយ ដែលចិនត្រូវបានប្រទេសខាងក្រៅគ្រប់គ្រងដោយខុសច្បាប់ ហើយសកម្មភាពបច្ចុប្បន្នរបស់ចិន គឺជាការការពារអធិបតេយ្យខ្លួនតែប៉ុណ្ណោះ។
បើនិយាយពីវត្តមានក្នុងសមុទ្រចិនខាងត្បូងវិញ ក្រៅពីចិន គ្មានរដ្ឋក្រៅពីអាមេរិកនោះទេដែលមាន សកម្មភាពទាក់ទងនឹងយោធាច្រើននោះ។ គិតចាប់ពីឆ្នា២០១៥មក អាមេរិក បានប្រតិបត្តិការទាំងនាវាចម្បាំង និងយន្តហោះទម្លាក់គ្រាប់ជាច្រើនលើកច្រើនសារមកហើយក្នុងសមុទ្រចិនខាងត្បូងដែលប្រតិបត្តិការទាំងនោះ អាមេរិកអះអាងថាដើម្បីអនុវត្តសិទ្ធិសេរីភាពនៃការធ្វើនាវាចរណ៍ និងការហោះហើរដែនអាកាស៕
រដ្ឋមន្ត្រីការបរទេសចិន លោក វ៉ាង យី បានបញ្ជាក់ថា សមុទ្រចិនខាងត្បូងគឺស្ថិតនៅក្នុងដែនអធិបតេ យ្យរបស់ចិនតាំងពីសម័យបុរាណមកម្ល៉េះ ហើយ ចិនមានសិទ្ធិក្នុងការធ្វើសកម្មភាពក្នុងបូរណភាពដែនដីដោយស្របច្បាប់ដើម្បីការពារផលប្រយោជន៍របស់ខ្លួន។ ការអះអាងនេះធ្វើឡើងក្នុងសន្និសីទ សារព័ត៌មានរួមគ្នារវាងលោកវ៉ាងយី និងសមភាគីរបស់លោក លោកចន ឃេរីនៅថ្ងៃទី២៣ ខែកុម្ភៈ ម្សិលមិញក្នុងក្រុងវ៉ាស៊ិនតោន។
ក្នុងឱកាសដដែល ប្រមុខការទូតចិនរូបនោះ បានប្តេជ្ញាដោះស្រាយជម្លោះតាមរយៈការសន្ទនា និងចរចាដោយសន្តិវិធី។ លោក ក៏បានបន្ថែមទៀតថាបញ្ហាសមុទ្រចិនខាងត្បូង មិនមែនជា ហើយក៏មិនគួរ ជាបញ្ហារវាងចិន និងអាមេរិកនោះទេ។
សូមបញ្ជាក់ផងដែរថា ជម្លោះសមុទ្រចិនខាងត្បូង បានអូសបន្លាយដោយគ្មានដំណោះស្រាយក៏ព្រោះតែភាពចម្រូងចម្រាសនៃការទាមទារពោលគឺ ចិនទាមទារស្ទើរតែតំបន់ទាំងអស់នៃតំបន់ជម្លោះដោយយោងតាមកត្តាប្រវត្តិសាស្ត្រ ខណៈរដ្ឋអាស៊ានទាមទារដោយយោងតាមកត្តាច្បាប់។ ចុងក្រោយនេះ គេកំពុងតែផ្តោតសំខាន់លើសកម្មភាពរបស់ចិនក្នុងការបំពាក់ប្រព័ន្ធមីស៊ីល និងសព្វាវុធផ្សេងក្នុងតំបន់ ជម្លោះ។ ហើយចុងក្រោយនេះ ក្រុមអ្នកស្រាវជ្រាវ បានអះអាងថាចិនក៏នឹងគ្រោងបំពាក់រ៉ាដាទៀតផងដែរ។ សកម្មភាពទាំងនេះ ត្រូវចាត់ទុកជាការធ្វើយោធូបនីយកម្ម។
យ៉ាងណាក៏ដោយ លោក វ៉ាង យី បានស្នើឲ្យអ្នកសារព័ត៌មានមិនគួរតែមើលឃើញតែសកម្មភាពរបស់ចិនតែប៉ុណ្ណោះនោះទេ តែអ្វីដែលសំខាន់នោះគឺជារៀងរាល់ថ្ងៃ មានអាវុធគ្រប់ប្រភេទបានលេចចេញក្នុងសមុទ្រចិនខាងត្បូងដែលរួមមានទាំងយន្តហោះទម្លាក់គ្រាប់ផងដែរនោះ។ លោក វ៉ាង ក៏បានលើកឡើងពីប្រវត្តិសាស្ត្រចិនក្នុងរយៈពេលទសវត្សរ៍ចុងក្រោយ ដែលចិនត្រូវបានប្រទេសខាងក្រៅគ្រប់គ្រងដោយខុសច្បាប់ ហើយសកម្មភាពបច្ចុប្បន្នរបស់ចិន គឺជាការការពារអធិបតេយ្យខ្លួនតែប៉ុណ្ណោះ។
បើនិយាយពីវត្តមានក្នុងសមុទ្រចិនខាងត្បូងវិញ ក្រៅពីចិន គ្មានរដ្ឋក្រៅពីអាមេរិកនោះទេដែលមាន សកម្មភាពទាក់ទងនឹងយោធាច្រើននោះ។ គិតចាប់ពីឆ្នា២០១៥មក អាមេរិក បានប្រតិបត្តិការទាំងនាវាចម្បាំង និងយន្តហោះទម្លាក់គ្រាប់ជាច្រើនលើកច្រើនសារមកហើយក្នុងសមុទ្រចិនខាងត្បូងដែលប្រតិបត្តិការទាំងនោះ អាមេរិកអះអាងថាដើម្បីអនុវត្តសិទ្ធិសេរីភាពនៃការធ្វើនាវាចរណ៍ និងការហោះហើរដែនអាកាស៕
Tag:
ចិន
សមុទ្រចិនខាងត្បូង
© រក្សាសិទ្ធិដោយ thmeythmey.com
