អន្តរជាតិ
បោះឆ្នោតអាមេរិក៖ ដូណាល់ត្រាំ ឈ្នះនៅរដ្ឋ Nevada
24, Feb 2016 , 4:52 pm
×![]()
សេដ្ឋីអចលនទ្រព្យ និងជាបេក្ខជននាំមុខគេក្នុងបក្សសាធារណរដ្ឋលោក ដូណាល់ ត្រាំ (Donald Trump)ទទួលជ័យជម្នះទៀតហើយនៅក្នុងការបោះឆ្នោតក្នុងបក្សនៅរដ្ឋ Nevada ថ្ងៃអង្គារទី ២៣ ខែកុម្ភៈនេះ។ ជ័យជម្នះជាបន្តបន្ទាប់គ្នានេះ ជាក្តីសង្ឃឹមមួយសម្រាប់លោក ដែលនឹងអាចត្រូវបក្សជ្រើសរើសឲ្យធ្វើជាបេក្ខជនតំណាងបក្សពេលបោះឆ្នោតប្រធានាធិបតីខាងមុខ។
លទ្ធផលបោះឆ្នោតក្នុងបក្សនៅរដ្ឋ Nevada បានបង្ហាញថា សេដ្ឋីអចលនាទ្រព្យលោក ដូណាល់ ត្រាំ បានទទួលជ័យជម្នះទៀត ហើយជ័យជម្នះនេះបង្ហាញថាលោកអាចមានលទ្ធភាពខ្ពស់ដើម្បីក្លាយជាបេក្ខជនតំណាងបក្សទៅប្រជែងយកតំណែងប្រធានាធិបតីខាងមុខ។ នេះក៏ដោយសារ វាជាជ័យជម្នះលើកទីបី ក្នុងការប្រកួតប្រជែងក្នុងបក្សនៅរដ្ឋចំនួន៤កន្លងមក។
ថ្លែងទៅកាន់អ្នកគាំទ្ររាប់ពាន់នាក់ លោក ដូណាល់ ត្រាំ អះអាងថា៖« យើងកំពុងឈ្នះ ឈ្នះ នៅក្នុងប្រទេស ហើយនៅឆាប់ៗខាងមុខប្រទេសយើងនឹងចាប់ផ្តើមឈ្នះ ឈ្នះ ឈ្នះទៀត»។
ចំណែកលោក Marco Rubio និងលោក Ted Cruz បានទទួលសំឡេងគាំទ្រច្រើនប្រហាក់ប្រហែលគ្នានៅលំដាប់លេខរៀងទី២ ។ អ្នកទាំងពីរទាញបានសំឡេងគាំទ្រច្រើនពីការសម្រេចចិត្តដកខ្លួនពីការប្រកួតប្រជែងរបស់អតីតអភិបាលរដ្ឋ Florida លោក ចេប ប៊ូស (Jeb Bush) ។
យ៉ាងណាមិញ ជ័យជម្នះបន្តបន្ទាប់របស់បេក្ខជនប្រធានាធិបតី ដូណាល់ ត្រាំ ក្លាយជាក្តីបារម្ភសម្រាប់ប្រជាជនមួយចំនួន ព្រោះគេខ្លាចថា លោកនឹងអាចឈានទៅឈ្នះតំណែងប្រធានាធិបតីទៀត។ ភាគច្រើនសេដ្ឋីរូបនេះនិយាយស្តីមិនចេះគិត បង្កប់អត្ថន័យចម្រូងចម្រាសរើសអើងសាសនា និងពូជសាសន៍ផង។ កន្លងមកប្រធានាធិបតីជិតផុតអាណត្តិលោក បារ៉ាក់ អូបាម៉ា ក៏បានរិះគន់លោក ដូណាល់ ត្រាំ ផងដែរ ដោយលោកព្រលយពាក្យថា ដូណាល់ ត្រាំ នឹងមិនអាចបានតំណែងប្រធានាធិបតីឡើយ៕
លទ្ធផលបោះឆ្នោតក្នុងបក្សនៅរដ្ឋ Nevada បានបង្ហាញថា សេដ្ឋីអចលនាទ្រព្យលោក ដូណាល់ ត្រាំ បានទទួលជ័យជម្នះទៀត ហើយជ័យជម្នះនេះបង្ហាញថាលោកអាចមានលទ្ធភាពខ្ពស់ដើម្បីក្លាយជាបេក្ខជនតំណាងបក្សទៅប្រជែងយកតំណែងប្រធានាធិបតីខាងមុខ។ នេះក៏ដោយសារ វាជាជ័យជម្នះលើកទីបី ក្នុងការប្រកួតប្រជែងក្នុងបក្សនៅរដ្ឋចំនួន៤កន្លងមក។
ថ្លែងទៅកាន់អ្នកគាំទ្ររាប់ពាន់នាក់ លោក ដូណាល់ ត្រាំ អះអាងថា៖« យើងកំពុងឈ្នះ ឈ្នះ នៅក្នុងប្រទេស ហើយនៅឆាប់ៗខាងមុខប្រទេសយើងនឹងចាប់ផ្តើមឈ្នះ ឈ្នះ ឈ្នះទៀត»។
ចំណែកលោក Marco Rubio និងលោក Ted Cruz បានទទួលសំឡេងគាំទ្រច្រើនប្រហាក់ប្រហែលគ្នានៅលំដាប់លេខរៀងទី២ ។ អ្នកទាំងពីរទាញបានសំឡេងគាំទ្រច្រើនពីការសម្រេចចិត្តដកខ្លួនពីការប្រកួតប្រជែងរបស់អតីតអភិបាលរដ្ឋ Florida លោក ចេប ប៊ូស (Jeb Bush) ។
យ៉ាងណាមិញ ជ័យជម្នះបន្តបន្ទាប់របស់បេក្ខជនប្រធានាធិបតី ដូណាល់ ត្រាំ ក្លាយជាក្តីបារម្ភសម្រាប់ប្រជាជនមួយចំនួន ព្រោះគេខ្លាចថា លោកនឹងអាចឈានទៅឈ្នះតំណែងប្រធានាធិបតីទៀត។ ភាគច្រើនសេដ្ឋីរូបនេះនិយាយស្តីមិនចេះគិត បង្កប់អត្ថន័យចម្រូងចម្រាសរើសអើងសាសនា និងពូជសាសន៍ផង។ កន្លងមកប្រធានាធិបតីជិតផុតអាណត្តិលោក បារ៉ាក់ អូបាម៉ា ក៏បានរិះគន់លោក ដូណាល់ ត្រាំ ផងដែរ ដោយលោកព្រលយពាក្យថា ដូណាល់ ត្រាំ នឹងមិនអាចបានតំណែងប្រធានាធិបតីឡើយ៕
© រក្សាសិទ្ធិដោយ thmeythmey.com
