អន្តរជាតិ
មេទ័ពអាមេរិកនៅអឺរ៉ុបសុំបង្កើនថវិកាពង្រឹងអំណាចយោធាទប់ទល់រុស្ស៊ី
03, Mar 2016 , 9:39 pm
លោក Philip Breedlove មេទ័ពអាមេរិកផ្កាយមាសបួន
×![]()
មេទ័ពអាមេរិកដឹកនាំបក្សសម្ព័ន្ធយោធាណាតូថា ព្រមាន អាមេរិកបរាជ័យក្នុងការយករុស្ស៊ីជាដៃគូ ហើយអាមេរិកក៏មិនមានធនធានយោធាគ្រប់គ្រាន់នៅអឺរ៉ុប ដើម្បីឆ្លើយតបជាមួយការគំរាមកំហែងផ្នែកសន្តិសុខនានានៅអឺរ៉ុបឡើយ។ មន្ត្រីជាន់ខ្ពស់រូបនេះបានដង្ហើយឲ្យសភាអាមេរិកពិចារណាផ្គត់ផ្គង់ថវិកាយោធាបន្ថែម ដើម្បីពង្រឹងអំណាចយោធាអាមេរិកនៅអឺរ៉ុបឡើងវិញ។ បើមិនដូច្នេះទេ រុស្ស៊ីកាន់តែបានចិត្ត បន្តបញ្ចេញចង្កូមកាន់តែខ្លាំងដាក់អឺរ៉ុបនិងបន្តរំលោភអធិបតេយ្យរដ្ឋជិតខាងផង។
តាំងពីជម្លោះនៅអ៊ុយក្រែនផ្ទុះឡើងនិងក្រសោបយកឧបទ្វីប Crimea ពីអ៊ុយក្រែន រុស្ស៊ីត្រូវលោកខាងលិចបន្តចាត់ទុកជារដ្ឋដែលគំរាមកំហែងសន្តិសុខអឺរ៉ុបខ្លាំងជាងគេ។ មហាអំណាចមួយនេះបន្តបញ្ចេញចង្កូមរបស់ខ្លួនដាក់រដ្ឋជិតខាង ហើយរុស្ស៊ីក៏មានចំណែកក្នុងបញ្ហាតានតឹងនៅក្នុងរដ្ឋមួយចំនួនដូចជា Georgia និង Moldova ទៀត។ យុទ្ធសាស្ត្រដែលគំរាមមិនឲ្យបណ្តាប្រទេសទាំងនេះបន្តបង្កើតទំនាក់ទំនងជិតស្និទ្ធជាមួយប្រទេសលោកខាងលិច។ គេបន្តមើលឃើញ របបដឹកនាំក្រេមឡាំងបន្តបង្កើនសាច់ដុំយោធា ពង្រាយកងទ័ព និងសព្វាវុធទៅកាន់តំបន់សំខាន់ដូចជាខេត្ត Kaliningrad សមុទ្រខ្មៅ និង នៅសមុទ្រមេឌីទែរ៉ាណេថែមទៀត។
សកម្មភាពទាំងអស់នេះត្រូវបានមេទ័ពអាមេរិកដែលដឹកនាំបក្សសម្ព័ន្ធយោធាណាតូចាត់ទុកថា ការគំរាមកំហែងដ៏ធំនិងយូរអង្វែងសម្រាប់អឺរ៉ុបនិងអាមេរិកដែលបង្កឡើងដោយរុស្ស៊ីផង ខណៈដែលអំណាចយោធាអាមេរិកនៅអឺរ៉ុបថមថយចុះនោះ។ទើបតែក្រោយជម្លោះអ៊ុយក្រែនផ្ទុះឡើងប៉ុណ្ណោះដែលអាមេរិកព្យាយាមបង្កើនវត្តមានទ័ពនិងពង្រាយសព្វាវុធទៅរដ្ឋនៅអឺរ៉ុបខាងកើតនិងដឹកនាំប្រទេសសមាជិកនិងដៃគូណាតូធ្វើសមយុទ្ធយោធាបន្តបន្ទាប់។
លោក Philip Breedlove មេទ័ពអាមេរិកផ្កាយមាសបួន បានថ្លែងរៀបរាប់ពីបញ្ហាប្រឈមសន្តិសុខដ៏ធំនេះប្រាប់សមាជិកគណកម្មាធិការយោធានៃព្រឹទ្ធសភាអាមេរិក ហើយលោកក៏ដង្ហើយហៅឲ្យសភាអាមេរិកពិចារណាបង្កើនធនធានសម្រាប់ការពង្រឹងយោធាអាមេរិកនៅអឺរ៉ុបផង។
លោកបានលើកយកបញ្ហានៅអ៊ុយក្រែនជាឧទាហរណ៍។ ទោះជាមានការអនុវត្តកិច្ចព្រមព្រៀងសន្តិភាពដែលបង្កើតឡើងដោយមហាអំណាចពាក់ព័ន្ធនៅទីក្រុង Minsk ប្រទេសបេឡារ៉ុសក៏ដោយ ក៏ជម្លោះនៅអ៊ុយក្រែនមិនទាន់ឈានដល់ទីបញ្ចប់ឡើយ។ ទោះមិនមានការប្រយុទ្ធគ្នាទ្រង់ទ្រាយធំមែន តែការប៉ះទង្គិចគ្នាបន្តកើតមានឡើងឥតឈប់ ហើយក៏ដំណើរការផ្សះផ្សាជាតិក៏មិនទាន់ចេញរូបរាងដែរ ។ ខេត្តនៅភាគខាងកើតនៅបន្តកញ្ជ្រោលចង់ផ្តាច់ខ្លួនចេញពីការគ្រប់គ្រងរបស់រដ្ឋាភិបាលក្រុងគៀវ ទោះមានការផ្តល់សម្បទាននយោបាយដោយផ្តល់ស្វ័យភាពដល់តំបន់នេះច្រើនជាមុនក្តី។
ឧត្តមសេនីយ៍ Philip Breedlove បានសង្កត់ធ្ងន់ថា អាមេរិកបរាជ័យក្នុងការបង្កើតភាពជាដៃគូជាមួយរុស្ស៊ីនៅអឺរ៉ុប ហើយអាមេរិកបាត់បង់ធនធានយោធាសម្រាប់ប្រើប្រាស់នៅអឺរ៉ុបក្នុងកាលៈទេសៈចាំបាច់ដែរ។ ដែលនេះមានន័យថា បើសិនការគំរាមកំហែងកើតឡើងបង្កើតដោយមហាអំណាចរុស្ស៊ី អាមេរិកមិនមានលទ្ធភាពក្នុងការទប់ទល់ឬការពារសម្ព័ន្ធមិត្តនៅអឺរ៉ុបឡើយ ព្រោះអំណាចយោធាអាមេរិកនៅអឺរ៉ុបធ្លាក់ចុះ។ មន្ត្រីយោធាជាន់ខ្ពស់នេះក៏លើកឡើងផងដែរពីនយោបាយការបរទេសអាមេរិករបស់រដ្ឋបាលលោក បារ៉ាក់ អូបាម៉ា ដែលផ្តោតមកកាន់តំបន់អាស៊ីប៉ាស៊ីហ្វិក ខ្លាំងពេកភ្លេចតំបន់អឺរ៉ុប។ ចាប់តាំងពីចប់សង្គ្រាមត្រជាក់ កងទ័ពអាមេរិកដែលឈរជើងនៅអឺរ៉ុបថយចុះពីកន្លះលាននាក់មកត្រឹមតែជាង ៦ម៉ឺននាក់ប៉ុណ្ណោះ។
អ្វីដែលសំខាន់ លោក Breedlove ស្នើសុំបង្កើនថវិកាយោធាសម្រាប់តំបន់អឺរ៉ុប ដើម្បីធានាថា អាមេរិកអាចការពារសម្ព័ន្ធមិត្តអឺរ៉ុបបាន។ ឆ្លើយតបការស្នើសុំនេះ គណកម្មាធិការសភាថា ថវិកាសម្រាប់យោធាអាមេរិកនៅអឺរ៉ុបត្រូវបង្កើនឡើងបួនដងធៀបនិងថវិកាសម្រាប់ប្រើប្រាស់កាលពីឆ្នាំមុន ដោយថវិកាកើនដល់ ៣.៤ពាន់លានដុល្លារអាមេរិក។
-រុស្ស៊ីចង់បង្កើតសណ្តាប់ធ្នាប់ពិភពលោកថ្មី
ក្រៅពីសុំជំនួយបន្ថែមពីសភា ដើម្បីពង្រឹងអំណាចអាមេរិកនៅអឺរ៉ុប ឧត្តមសេនីយ៍ខាងលើបានឆ្លៀតទិតៀនរុស្ស៊ីខ្លាំងដែរចំពោះការលូកដៃកាន់តែជ្រៅក្នុងជម្លោះនៅមជ្ឈិមបូព៌ា។ កាលពីខែកញ្ញាឆ្នាំមុន រុស្ស៊ីបានសម្រេចបញ្ជូនទ័ពនិងសព្វាវុធដើម្បីគាំទ្ររបបដឹកនាំក្រុងដាម៉ាស ក្រោមលេសប្រឆាំងក្រុមភេរវជនដែស្ហនៅស៊ីរី។ ហើយចាប់តាំងពីមានការចូលរួមរបស់ក្រុងម៉ូស្គូក្នុងជម្លោះនេះ អាមេរិកប្រឈមការលំបាកកាន់តែខ្លាំងរហូតបង្ខំចិត្តចាប់ដៃរុស្ស៊ីដើម្បីដោះស្រាយបញ្ហាសង្គ្រាមស៊ីវិលនៅស៊ីរីថែមទៀត។
មេទ័ពអាមេរិកប្រចាំអឺរ៉ុបនេះក៏បានលើកឡើងដែរថា រុស្ស៊ីមិនបានអន្តាគមន៍នៅស៊ីរីដើម្បីការប្រឆាំងភេរវកម្មឡើយតែដើម្បីការពាររបបដឹកនាំលោក បាសា អាល់អាសាដ ប៉ុណ្ណោះ។ ហើយម្យ៉ាងវិញទៀត រុស្ស៊ីនិងស៊ីរីក៏ឆ្លៀតឱកាសយកបញ្ហាជនភៀសខ្លួនជាអាវុធដើម្បីបង្កើតបញ្ហាចម្រូងចម្រាសច្រើនជំពូកនៅអឺរ៉ុបទៀត ព្រោះទាំងរុស្ស៊ីនិងអាសាដបន្តប្រើប្រាស់អាវុធគ្រប់ប្រភេទធ្វើឲ្យប្រជាជនបាត់បង់ជីវិត បាត់បង់ជម្រកនិងរត់ភៀសខ្លួនឥតឈប់។
ដូច្នេះហើយ មន្ត្រីយោធាអាមេរិករូបនេះចោទថា លោក វ្ល៉ាឌីមៀ ពូទីន បង្កើតបញ្ហាស្មុគស្មាញបែបនេះ មិនត្រឹមតែចង់ប្រជែងសណ្តាប់ធ្នាប់អន្តរជាតិដែលលោកខាងលិចបង្កើតឡើងមកទេ តែលោកក៏ចង់បង្កើតសណ្តាប់ធ្នាប់អន្តរជាតិថ្មីផងដែរ ដែលបម្រើប្រយោជន៍រុស្ស៊ីថែមទៀត៕
តាំងពីជម្លោះនៅអ៊ុយក្រែនផ្ទុះឡើងនិងក្រសោបយកឧបទ្វីប Crimea ពីអ៊ុយក្រែន រុស្ស៊ីត្រូវលោកខាងលិចបន្តចាត់ទុកជារដ្ឋដែលគំរាមកំហែងសន្តិសុខអឺរ៉ុបខ្លាំងជាងគេ។ មហាអំណាចមួយនេះបន្តបញ្ចេញចង្កូមរបស់ខ្លួនដាក់រដ្ឋជិតខាង ហើយរុស្ស៊ីក៏មានចំណែកក្នុងបញ្ហាតានតឹងនៅក្នុងរដ្ឋមួយចំនួនដូចជា Georgia និង Moldova ទៀត។ យុទ្ធសាស្ត្រដែលគំរាមមិនឲ្យបណ្តាប្រទេសទាំងនេះបន្តបង្កើតទំនាក់ទំនងជិតស្និទ្ធជាមួយប្រទេសលោកខាងលិច។ គេបន្តមើលឃើញ របបដឹកនាំក្រេមឡាំងបន្តបង្កើនសាច់ដុំយោធា ពង្រាយកងទ័ព និងសព្វាវុធទៅកាន់តំបន់សំខាន់ដូចជាខេត្ត Kaliningrad សមុទ្រខ្មៅ និង នៅសមុទ្រមេឌីទែរ៉ាណេថែមទៀត។
សកម្មភាពទាំងអស់នេះត្រូវបានមេទ័ពអាមេរិកដែលដឹកនាំបក្សសម្ព័ន្ធយោធាណាតូចាត់ទុកថា ការគំរាមកំហែងដ៏ធំនិងយូរអង្វែងសម្រាប់អឺរ៉ុបនិងអាមេរិកដែលបង្កឡើងដោយរុស្ស៊ីផង ខណៈដែលអំណាចយោធាអាមេរិកនៅអឺរ៉ុបថមថយចុះនោះ។ទើបតែក្រោយជម្លោះអ៊ុយក្រែនផ្ទុះឡើងប៉ុណ្ណោះដែលអាមេរិកព្យាយាមបង្កើនវត្តមានទ័ពនិងពង្រាយសព្វាវុធទៅរដ្ឋនៅអឺរ៉ុបខាងកើតនិងដឹកនាំប្រទេសសមាជិកនិងដៃគូណាតូធ្វើសមយុទ្ធយោធាបន្តបន្ទាប់។
លោក Philip Breedlove មេទ័ពអាមេរិកផ្កាយមាសបួន បានថ្លែងរៀបរាប់ពីបញ្ហាប្រឈមសន្តិសុខដ៏ធំនេះប្រាប់សមាជិកគណកម្មាធិការយោធានៃព្រឹទ្ធសភាអាមេរិក ហើយលោកក៏ដង្ហើយហៅឲ្យសភាអាមេរិកពិចារណាបង្កើនធនធានសម្រាប់ការពង្រឹងយោធាអាមេរិកនៅអឺរ៉ុបផង។
លោកបានលើកយកបញ្ហានៅអ៊ុយក្រែនជាឧទាហរណ៍។ ទោះជាមានការអនុវត្តកិច្ចព្រមព្រៀងសន្តិភាពដែលបង្កើតឡើងដោយមហាអំណាចពាក់ព័ន្ធនៅទីក្រុង Minsk ប្រទេសបេឡារ៉ុសក៏ដោយ ក៏ជម្លោះនៅអ៊ុយក្រែនមិនទាន់ឈានដល់ទីបញ្ចប់ឡើយ។ ទោះមិនមានការប្រយុទ្ធគ្នាទ្រង់ទ្រាយធំមែន តែការប៉ះទង្គិចគ្នាបន្តកើតមានឡើងឥតឈប់ ហើយក៏ដំណើរការផ្សះផ្សាជាតិក៏មិនទាន់ចេញរូបរាងដែរ ។ ខេត្តនៅភាគខាងកើតនៅបន្តកញ្ជ្រោលចង់ផ្តាច់ខ្លួនចេញពីការគ្រប់គ្រងរបស់រដ្ឋាភិបាលក្រុងគៀវ ទោះមានការផ្តល់សម្បទាននយោបាយដោយផ្តល់ស្វ័យភាពដល់តំបន់នេះច្រើនជាមុនក្តី។
ឧត្តមសេនីយ៍ Philip Breedlove បានសង្កត់ធ្ងន់ថា អាមេរិកបរាជ័យក្នុងការបង្កើតភាពជាដៃគូជាមួយរុស្ស៊ីនៅអឺរ៉ុប ហើយអាមេរិកបាត់បង់ធនធានយោធាសម្រាប់ប្រើប្រាស់នៅអឺរ៉ុបក្នុងកាលៈទេសៈចាំបាច់ដែរ។ ដែលនេះមានន័យថា បើសិនការគំរាមកំហែងកើតឡើងបង្កើតដោយមហាអំណាចរុស្ស៊ី អាមេរិកមិនមានលទ្ធភាពក្នុងការទប់ទល់ឬការពារសម្ព័ន្ធមិត្តនៅអឺរ៉ុបឡើយ ព្រោះអំណាចយោធាអាមេរិកនៅអឺរ៉ុបធ្លាក់ចុះ។ មន្ត្រីយោធាជាន់ខ្ពស់នេះក៏លើកឡើងផងដែរពីនយោបាយការបរទេសអាមេរិករបស់រដ្ឋបាលលោក បារ៉ាក់ អូបាម៉ា ដែលផ្តោតមកកាន់តំបន់អាស៊ីប៉ាស៊ីហ្វិក ខ្លាំងពេកភ្លេចតំបន់អឺរ៉ុប។ ចាប់តាំងពីចប់សង្គ្រាមត្រជាក់ កងទ័ពអាមេរិកដែលឈរជើងនៅអឺរ៉ុបថយចុះពីកន្លះលាននាក់មកត្រឹមតែជាង ៦ម៉ឺននាក់ប៉ុណ្ណោះ។
អ្វីដែលសំខាន់ លោក Breedlove ស្នើសុំបង្កើនថវិកាយោធាសម្រាប់តំបន់អឺរ៉ុប ដើម្បីធានាថា អាមេរិកអាចការពារសម្ព័ន្ធមិត្តអឺរ៉ុបបាន។ ឆ្លើយតបការស្នើសុំនេះ គណកម្មាធិការសភាថា ថវិកាសម្រាប់យោធាអាមេរិកនៅអឺរ៉ុបត្រូវបង្កើនឡើងបួនដងធៀបនិងថវិកាសម្រាប់ប្រើប្រាស់កាលពីឆ្នាំមុន ដោយថវិកាកើនដល់ ៣.៤ពាន់លានដុល្លារអាមេរិក។
-រុស្ស៊ីចង់បង្កើតសណ្តាប់ធ្នាប់ពិភពលោកថ្មី
ក្រៅពីសុំជំនួយបន្ថែមពីសភា ដើម្បីពង្រឹងអំណាចអាមេរិកនៅអឺរ៉ុប ឧត្តមសេនីយ៍ខាងលើបានឆ្លៀតទិតៀនរុស្ស៊ីខ្លាំងដែរចំពោះការលូកដៃកាន់តែជ្រៅក្នុងជម្លោះនៅមជ្ឈិមបូព៌ា។ កាលពីខែកញ្ញាឆ្នាំមុន រុស្ស៊ីបានសម្រេចបញ្ជូនទ័ពនិងសព្វាវុធដើម្បីគាំទ្ររបបដឹកនាំក្រុងដាម៉ាស ក្រោមលេសប្រឆាំងក្រុមភេរវជនដែស្ហនៅស៊ីរី។ ហើយចាប់តាំងពីមានការចូលរួមរបស់ក្រុងម៉ូស្គូក្នុងជម្លោះនេះ អាមេរិកប្រឈមការលំបាកកាន់តែខ្លាំងរហូតបង្ខំចិត្តចាប់ដៃរុស្ស៊ីដើម្បីដោះស្រាយបញ្ហាសង្គ្រាមស៊ីវិលនៅស៊ីរីថែមទៀត។
មេទ័ពអាមេរិកប្រចាំអឺរ៉ុបនេះក៏បានលើកឡើងដែរថា រុស្ស៊ីមិនបានអន្តាគមន៍នៅស៊ីរីដើម្បីការប្រឆាំងភេរវកម្មឡើយតែដើម្បីការពាររបបដឹកនាំលោក បាសា អាល់អាសាដ ប៉ុណ្ណោះ។ ហើយម្យ៉ាងវិញទៀត រុស្ស៊ីនិងស៊ីរីក៏ឆ្លៀតឱកាសយកបញ្ហាជនភៀសខ្លួនជាអាវុធដើម្បីបង្កើតបញ្ហាចម្រូងចម្រាសច្រើនជំពូកនៅអឺរ៉ុបទៀត ព្រោះទាំងរុស្ស៊ីនិងអាសាដបន្តប្រើប្រាស់អាវុធគ្រប់ប្រភេទធ្វើឲ្យប្រជាជនបាត់បង់ជីវិត បាត់បង់ជម្រកនិងរត់ភៀសខ្លួនឥតឈប់។
ដូច្នេះហើយ មន្ត្រីយោធាអាមេរិករូបនេះចោទថា លោក វ្ល៉ាឌីមៀ ពូទីន បង្កើតបញ្ហាស្មុគស្មាញបែបនេះ មិនត្រឹមតែចង់ប្រជែងសណ្តាប់ធ្នាប់អន្តរជាតិដែលលោកខាងលិចបង្កើតឡើងមកទេ តែលោកក៏ចង់បង្កើតសណ្តាប់ធ្នាប់អន្តរជាតិថ្មីផងដែរ ដែលបម្រើប្រយោជន៍រុស្ស៊ីថែមទៀត៕
Tag:
រុស្ស៊ី
ណាតូ
អាមេរិក
© រក្សាសិទ្ធិដោយ thmeythmey.com
