កីឡាជាតិ
ជាតិ
ថាយហ្គឺរជួបអាស៊ីអឺរ៉ុបនៅកីឡដ្ឋានវេស្ទើន មុនភ្នំពេញក្រោនទទួលណាហ្គានៅ RSN 08, Jul 2016 , 9:19 am
×
ព្រឹត្តិការណ៍ប្រកួតក្របខណ្ឌមិត្តហ្វូនខេមបូឌានលីកឆ្នាំ២០១៦ បើកការប្រកួតសប្តាហ៍ទី១២របស់ខ្លួន បន្ទាប់សម្រាក១សប្តាហ៍។ នៅថ្ងៃសុក្រនេះ ខេមបូឌានថាយហ្គឺរ និងអាស៊ីអឺរ៉ុបយូណាយធីត ទៅជួបគ្នានៅកីឡដ្ឋានវេស្ទើននាវេលាម៉ោង៣ និង៣០នាទី មុនពេលភ្នំពេញក្រោនស្វាគមន៍ណាហ្គាវើលនាវេលាម៉ោង៦ល្ងាច នៅកីឡដ្ឋាន RSN ។
ខេមបូឌានថាយហ្គឺរ ស្ថិតនៅចំណាត់ថ្នាក់លេខ៦ដោយមាន១៤ពិន្ទុ ខណៈអាស៊ីអឺរ៉ុបដែលស្គាល់ជាតិឈ្នះតែ១ប្រកួត ស្ថិតនៅចំណាត់ថ្នាក់លេខ៨ ដោយមាន៦ពិន្ទុ។ កាលពីជើងទីមួយ ខេមបូឌានថាយហ្គឺរ ឈ្នះអាស៊ីអឺរ៉ុប ៣-១ ។ អាស៊ីអឺរ៉ុបនឹងប្រឹងប្រែងគេចឲ្យកាន់តែឆ្ងាយពីតំបន់គ្រោះថ្នាក់ ស្របពេលដែលខេមបូឌានថាយហ្គឺរ រក្សាសន្ទុះរបស់ខ្លួនដើម្បីទទួលបានចំណាត់ថ្នាក់កាន់តែប្រសើរជាងនេះ។
ចំពោះ ភ្នំពេញក្រោន និងណាហ្គាវើល ពួកគេកំពុងមានពិន្ទុប្រដេញគ្នា ដោយណាហ្គាវើលស្ថិតនៅលេខ៤មាន២០ពិន្ទុ ហើយភ្នំពេញក្រោនមាន២០ពិន្ទុ ស្ថិតនៅចំណាត់ថ្នាក់លេខ៥ ។ ភ្នំពេញក្រោន នឹងប្រឹងប្រែងដើម្បីសងសឹកណាហ្គាវើល ដែលបានបំបាក់ខ្លួន ២-១ កាលពីជើងទីមួយ។
Tag:
បាល់ទាត់
ខេមបូឌានលីក
© រក្សាសិទ្ធិដោយ thmeythmey.com