កីឡាជាតិ
ជាតិ
AFF U16៖ កម្ពុជាស្វាគមន៍ឡាវ បន្ទាប់ពីព្រុយណេប៉ះទីម័រខាងកើត
11, Jul 2016 , 12:39 pm
ក្រុម U16 កម្ពុជានៅពេលហ្វឹកហាត់។ រូបថត សហព័ន្ធកីឡាបាល់ទាត់កម្ពុជា
×![]()
ដោយ: រួបរួម
ក្រុមយុវជនកម្ពុជាបើកការប្រកួតក្នុងព្រឹត្តិការណ៍ដណ្តើមពានរង្វាន់សហព័ន្ធកីឡាបាល់ទាត់អាស៊ាន AFF U-16 Championship នៅថ្ងៃនេះ ដោយត្រូវប៉ះជាមួយឡាវក្នុងពូល B នាវេលាម៉ោង៦ និង៣០នាទីល្ងាច បន្ទាប់ពីព្រុយណេតទល់ជាមួយទីម័រខាងកើត នាវេលាម៉ោង៣ និង៣០នាទី នៅពហុកីឡដ្ឋានជាតិដូចគ្នា។ សម្រាប់ការប្រកួតពូល A កាលពីម្សិលមិញ វៀតណាមឈ្នះម៉ាឡេស៊ី ៣-០ សិង្ហបុរីស៊ីហ្វីលីពីន ៣-១ រីឯមីយ៉ាន់ម៉ាស្មើអូស្ត្រាលី ១-១ ។
នៅក្នុងព្រឹត្តិការណ៍ AFF U-16 Championship នេះ U16 កម្ពុជា ត្រូវជួប U16 ឡាវជាលើកទីបី នៅវគ្គជម្រុះតាមពូល ដោយកាលពីឆ្នាំ២០០២ ឡាវឈ្នះ ២-០ ហើយនៅឆ្នាំ២០០៥ ក្រុមទាំងពីរបានបញ្ចប់លទ្ធផលដោយគ្មានការស៊ុតបាល់បញ្ចូលទី។
កម្ពុជាមិនដែលមានប្រវត្តិឆ្លងផុតពូលឡើយ ខណៈឡាវធ្លាប់រងជើងឯក៣លើក លេខ៣ចំនួន២លើក និងលេខ៤ចំនួន២លើក។ នាព្រឹត្តិការណ៍កាលពីឆ្នាំ២០១៥ដែលកម្ពុជាធ្វើជាម្ចាស់ផ្ទះផងដែរនោះ កម្ពុជាបានបញ្ចប់ចំណាត់ថ្នាក់ត្រឹមលេខ៤នៅក្នុងពូល B ខណៈឡាវបានលេខ១ពូល A ហើយបានចាញ់មីយ៉ាន់ម៉ា ១-០ នៅវគ្គពាក់កណ្តាលផ្តាច់ព្រ័ត្រ។ នាជំនួបដណ្តើមលេខ៣ ឡាវត្រូវអូស្ត្រាលី បំបាក់ក្នុងលទ្ធផល ១០-២ ។
សម្រាប់ព្រឹត្តិការណ៍នេះ គ្រូបង្វឹកជនជាតិជប៉ុន លោក Inoue Kazunori ដែលដឹកនាំ U16 កម្ពុជា មិនចង់ឃើញការភ្លាត់នៅចុងម៉ោងរបស់ក្រុមនោះឡើយ។ នាការប្រកួតមិត្តភាពជាមួយមីយ៉ាន់ម៉ា កាលពីសប្តាហ៍មុន កម្ពុជា បាននាំមុខ ២-១ ប៉ុន្តែមីយ៉ាន់ម៉ាវាយបកបាន២គ្រាប់វិញនៅចុងម៉ោងដើម្បីបញ្ចប់ជាមួយនឹងជ័យជម្នះ ៣-២។ បើទោះបីជានេះជាការប្រកួតមិត្តភាពកំដៅសាច់ដុំក៏ដោយ ប៉ុន្តែលោក Kazunori ចាត់ទុកថា វាជាកំហុសដែលមិនគួរឲ្យកើតមាននោះឡើយ។
សូមស្តាប់ប្រសាសន៍របស់គ្រូបង្វឹកជនជាតិជប៉ុន លោក Inoue Kazunori ដូចខាងក្រោម៖
នៅក្នុងព្រឹត្តិការណ៍ AFF U-16 Championship នេះ U16 កម្ពុជា ត្រូវជួប U16 ឡាវជាលើកទីបី នៅវគ្គជម្រុះតាមពូល ដោយកាលពីឆ្នាំ២០០២ ឡាវឈ្នះ ២-០ ហើយនៅឆ្នាំ២០០៥ ក្រុមទាំងពីរបានបញ្ចប់លទ្ធផលដោយគ្មានការស៊ុតបាល់បញ្ចូលទី។
កម្ពុជាមិនដែលមានប្រវត្តិឆ្លងផុតពូលឡើយ ខណៈឡាវធ្លាប់រងជើងឯក៣លើក លេខ៣ចំនួន២លើក និងលេខ៤ចំនួន២លើក។ នាព្រឹត្តិការណ៍កាលពីឆ្នាំ២០១៥ដែលកម្ពុជាធ្វើជាម្ចាស់ផ្ទះផងដែរនោះ កម្ពុជាបានបញ្ចប់ចំណាត់ថ្នាក់ត្រឹមលេខ៤នៅក្នុងពូល B ខណៈឡាវបានលេខ១ពូល A ហើយបានចាញ់មីយ៉ាន់ម៉ា ១-០ នៅវគ្គពាក់កណ្តាលផ្តាច់ព្រ័ត្រ។ នាជំនួបដណ្តើមលេខ៣ ឡាវត្រូវអូស្ត្រាលី បំបាក់ក្នុងលទ្ធផល ១០-២ ។
សម្រាប់ព្រឹត្តិការណ៍នេះ គ្រូបង្វឹកជនជាតិជប៉ុន លោក Inoue Kazunori ដែលដឹកនាំ U16 កម្ពុជា មិនចង់ឃើញការភ្លាត់នៅចុងម៉ោងរបស់ក្រុមនោះឡើយ។ នាការប្រកួតមិត្តភាពជាមួយមីយ៉ាន់ម៉ា កាលពីសប្តាហ៍មុន កម្ពុជា បាននាំមុខ ២-១ ប៉ុន្តែមីយ៉ាន់ម៉ាវាយបកបាន២គ្រាប់វិញនៅចុងម៉ោងដើម្បីបញ្ចប់ជាមួយនឹងជ័យជម្នះ ៣-២។ បើទោះបីជានេះជាការប្រកួតមិត្តភាពកំដៅសាច់ដុំក៏ដោយ ប៉ុន្តែលោក Kazunori ចាត់ទុកថា វាជាកំហុសដែលមិនគួរឲ្យកើតមាននោះឡើយ។
សូមស្តាប់ប្រសាសន៍របស់គ្រូបង្វឹកជនជាតិជប៉ុន លោក Inoue Kazunori ដូចខាងក្រោម៖
Tag:
U16 កម្ពុជា
AFFU16
© រក្សាសិទ្ធិដោយ thmeythmey.com
