កីឡាជាតិ
ជាតិ
ប៉ូលិស ស្គាល់ជ័យជម្នះជាលើកដំបូងចំណែកបឹងកេតបន្តឈរកំពូលតារាង
11, Jul 2016 , 5:20 pm
×![]()
ប្រកួតពានរង្វាន់ក្របខណ្ឌមិត្តហ្វូនខេមបូឌានលីករដូវកាល២០១៦ សប្តាហ៍ទី១២ ក្រុមអគ្គស្នងការនគរបាលជាតិ(ប៉ូលិស) ស្គាល់រសជាតិឈ្នះជាលើកដំបូង ក្រោយពីយកឈ្នះលើក្រុមព្រះខ័នរាជស្វាយរៀង ១-០។ ចំណែកក្រុមបឹងកេតអង្គរបន្តឈរកំពូលតារាង ខណៈភ្នំពេញក្រោន និងណាហ្គាវើលចែកគ្នាម្នាក់១ពិន្ទុ មុនខេមបូឌានថាយហ្គឺរ លត់ក្រុមអាស៊ីអឺរ៉ុប ៤-១។
ក្រុមអគ្គស្នងការនគរបាលជាតិ(ប៉ូលិស)ដែលជាក្រុមកំពុងធ្លាក់ជើងបានយកឈ្នះលើក្រុមព្រះខ័នរាជស្វាយរៀង ១-០ កាលពីថ្ងៃសៅរ៍ សប្តាហ៍មុន នៅកីឡដ្ឋានវេស្ទើន។ មួយគ្រាប់របស់ប៉ូលិសសម្រេចដោយកីឡាករ Michael នៅនាទីទី១៧។ ជ័យជម្នះនេះនាំឲ្យក្រុមប៉ូលិសស្គាល់រស់ជាតិឈ្នះជាលើកដំបូង នៃពានរង្វាន់ក្របខណ្ឌមិត្តហ្វូនខេមបូឌានលីក ខណៈ១១ប្រកួតនាពេលកន្លងមកក្រុមនេះទទួលបានលទ្ធផលត្រឹមស្មើ៥ដង និងចាញ់៦ដង។
ខ្សែប្រយុទ្ធវ័យក្មេង ចាន់ វឌ្ឍនាកា និងកីឡាករ Bata បានជួយឲ្យក្រុមបឹងកេតអង្គរបន្តឈរកំពូលតារាងក្នុងសប្តាហ៍ទី១២ ក្រោយពីពួកគេទាំងពីរជួយក្រុម ដើម្បីលត់មជ្ឈមណ្ឌលកំចាត់មីនកម្ពុជា(ស៊ីម៉ាក់) ៤-០ នៅមជ្ឈមណ្ឌល និងសាលាបាល់ទាត់បាទីកាលពីម្សិលមិញ។ ជ័យជម្នះ ៤-០ លើស៊ីម៉ាក់នេះកីឡាករ ចាន់ វឌ្ឍនាកា សម្រេចបាន៣គ្រាប់ម្នាក់ឯងនៅនាទីទី៧១, ៧៨ និង៩៦ និងកីឡាករ Bata ១គ្រាប់នៅនាទីទី១៦។
ចំណែកក្រុមណាហ្គាវើល និងភ្នំពេញក្រោនចែកគ្នាម្នាក់មួយពិន្ទុ បន្ទាប់ពីក្រុមណាហ្គាព្យាយាមតាមយកស្មើ ១-១ ជាមួយក្រុមម្ចាស់ផ្ទះភ្នំពេញក្រោន កាលពីថ្ងៃទី៩ ខែកក្កដា នៅកីឡដ្ឋាន RSN ដោយមួយគ្រាប់របស់ ភ្នំពេញក្រោនសម្រេចដោយកីឡាករ Kim Hyeon Woo នៅនាទីទី៣០ និងមួយគ្រាប់របស់ណាហ្គាវើលសម្រេចដោយកីឡាករ ស៊ុន សុវណ្ណរិទ្ធី នៅនាទី៩០ ដោយការទាត់បាល់ប៉េណាល់ទី។ ដោយឡែក ក្រុមខេមបូឌានថាយហ្គឺរបានលត់ក្រុមអាស៊ីអឺរ៉ុបយូណាយធីត ៤-១ នៅកីឡដ្ឋានវេស្ទើន ដើម្បីឈរលំដាប់លេខ៥ក្នុងតារាងដោយមាន២០ពិន្ទុ៕
ក្រុមអគ្គស្នងការនគរបាលជាតិ(ប៉ូលិស)ដែលជាក្រុមកំពុងធ្លាក់ជើងបានយកឈ្នះលើក្រុមព្រះខ័នរាជស្វាយរៀង ១-០ កាលពីថ្ងៃសៅរ៍ សប្តាហ៍មុន នៅកីឡដ្ឋានវេស្ទើន។ មួយគ្រាប់របស់ប៉ូលិសសម្រេចដោយកីឡាករ Michael នៅនាទីទី១៧។ ជ័យជម្នះនេះនាំឲ្យក្រុមប៉ូលិសស្គាល់រស់ជាតិឈ្នះជាលើកដំបូង នៃពានរង្វាន់ក្របខណ្ឌមិត្តហ្វូនខេមបូឌានលីក ខណៈ១១ប្រកួតនាពេលកន្លងមកក្រុមនេះទទួលបានលទ្ធផលត្រឹមស្មើ៥ដង និងចាញ់៦ដង។
ខ្សែប្រយុទ្ធវ័យក្មេង ចាន់ វឌ្ឍនាកា និងកីឡាករ Bata បានជួយឲ្យក្រុមបឹងកេតអង្គរបន្តឈរកំពូលតារាងក្នុងសប្តាហ៍ទី១២ ក្រោយពីពួកគេទាំងពីរជួយក្រុម ដើម្បីលត់មជ្ឈមណ្ឌលកំចាត់មីនកម្ពុជា(ស៊ីម៉ាក់) ៤-០ នៅមជ្ឈមណ្ឌល និងសាលាបាល់ទាត់បាទីកាលពីម្សិលមិញ។ ជ័យជម្នះ ៤-០ លើស៊ីម៉ាក់នេះកីឡាករ ចាន់ វឌ្ឍនាកា សម្រេចបាន៣គ្រាប់ម្នាក់ឯងនៅនាទីទី៧១, ៧៨ និង៩៦ និងកីឡាករ Bata ១គ្រាប់នៅនាទីទី១៦។
ចំណែកក្រុមណាហ្គាវើល និងភ្នំពេញក្រោនចែកគ្នាម្នាក់មួយពិន្ទុ បន្ទាប់ពីក្រុមណាហ្គាព្យាយាមតាមយកស្មើ ១-១ ជាមួយក្រុមម្ចាស់ផ្ទះភ្នំពេញក្រោន កាលពីថ្ងៃទី៩ ខែកក្កដា នៅកីឡដ្ឋាន RSN ដោយមួយគ្រាប់របស់ ភ្នំពេញក្រោនសម្រេចដោយកីឡាករ Kim Hyeon Woo នៅនាទីទី៣០ និងមួយគ្រាប់របស់ណាហ្គាវើលសម្រេចដោយកីឡាករ ស៊ុន សុវណ្ណរិទ្ធី នៅនាទី៩០ ដោយការទាត់បាល់ប៉េណាល់ទី។ ដោយឡែក ក្រុមខេមបូឌានថាយហ្គឺរបានលត់ក្រុមអាស៊ីអឺរ៉ុបយូណាយធីត ៤-១ នៅកីឡដ្ឋានវេស្ទើន ដើម្បីឈរលំដាប់លេខ៥ក្នុងតារាងដោយមាន២០ពិន្ទុ៕
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com
