កីឡាជាតិ
ជាតិ
AFF U16៖ ទីម័រខាងកើតប៉ះម្ចាស់ការពារជើងឯកថៃ មុនកម្ពុជាស្វាគមន៍ព្រុយណេ
13, Jul 2016 , 12:37 pm
ប្រភពរូបភាព: Masayori Ishikawa KPT studio
×![]()
ក្រុមកីឡាបាល់ទាត់ជម្រើសជាតិអាយុក្រោម១៦ឆ្នាំកម្ពុជា រំពឹងទទួលបាន៣ពិន្ទុបន្ថែមទៀតក្នុងពូល B នៃព្រឹត្តិការណ៍ AFF U16 Championship នៅពេលទទួលភ្ញៀវព្រុយណេ នាវេលាល្ងាចនេះ បន្ទាប់ពីជំនួបរវាងទីម័រខាងកើត និងម្ចាស់ការពារតំណែងជើងឯកថៃ នៅពហុកីឡដ្ឋានជាតិដូចគ្នា។
ម្ចាស់ផ្ទះ U16 កម្ពុជា មិនដែលមានប្រវត្តិឆ្លងផុតវគ្គជម្រុះតាមពូលនោះឡើយ បើគិតចាប់ពីការបង្ហាញខ្លួន៦លើកកន្លងមក។ ក្នុងចំណោមការប្រកួតទាំងអស់ពួកគេក៏ដែលមានប្រវត្តិឈ្នះលើសពីមួយប្រកួតនោះដែរ។ នាការប្រកួតបើកឆាកពូល A កម្ពុជា បានយកឈ្នះឡាវ ៣-១ រីឯព្រុយណេ ចាញ់ទីម័រខាងកើត ៣-០ ។
ក្រុមទាំងពីរធ្លាប់មានប្រវត្តិជួបគ្នាចំនួន២លើកក្នុងព្រឹត្តិការណ៍ AFF U16 Championship ដោយកម្ពុជាទទួលបានជ័យជម្នះទាំងពីរលើក។ កាលពីឆ្នាំ២០០៧ នៅពហុកីឡដ្ឋានជាតិអូឡាំពិក កម្ពុជាទទួលបានជោគជ័យ ២-០ ហើយនៅឆ្នាំ២០១៣ នៅក្នុងប្រទេសមីយ៉ាន់ម៉ា កម្ពុជាទទួលជ័យជម្នះដ៏គួរឲ្យភ្ញាក់ផ្អើ់លក្នុងលទ្ធផល ៨-០ ។
សម្រាប់ជំនួបគូដំបូងនៅពហុកីឡដ្ឋានជាតិដូចគ្នា ទីម័រខាងកើតដែលកំពុងឈរលើតារាងបណ្តោះអាសន្នក្រោយជ័យជម្នះ ៣-០ លើព្រុយណេ ត្រូវប៉ះជាមួយម្ចាស់ការពារតំណែងជើងឯកថៃ ដែលទើបបើកការប្រកួតលើកដំបូងរបស់ខ្លួន។
ដោយឡែកនៅក្នុងពូល A វៀតណាមឈរលើកំពូលតារាងក្រោយឈ្នះ២ប្រកួតជាប់ៗគ្នា មីយ៉ាន់ម៉ាស្ថិតនៅលេខ២ដោយមាន៤ពិន្ទុ សិង្ហបុរី លេខ៣ដោយមាន៣ពិន្ទុ ខណៈហ្វីលីពីន ម៉ាឡេស៊ី និងអូស្ត្រាលី សុទ្ធតែមាន១ពិន្ទុក្នុងដៃ បន្ទាប់ប្រកួតបាន២លើកដូចគ្នា៕
កម្មវិធីប្រកួតនៅថ្ងៃនេះ៖
-ម៉ោង៣ និង៣០នាទី៖ ទីម័រខាងកើត ជួប ថៃ
-ម៉ោង៦ និង៣០នាទី៖ ព្រុយណេ ជួប កម្ពុជា៕
Tag:
AFF U16
U16 កម្ពុជា
© រក្សាសិទ្ធិដោយ thmeythmey.com
