កីឡាជាតិ
ជើងខ្លាំងទ័ព ប៉ះ បឹងកេតអង្គរ, ថាយហ្គឺរ ជួប ស៊ីម៉ាក់ ក្រោយ ប៉ូលិស ស៊ី អាស៊ីអឺរ៉ុប១-០
16, Jul 2016 , 12:36 pm
×![]()
ក្រុមជើងខ្លាំងក្រសួងការពារជាតិ(ទ័ព)ត្រូវជួបប្រកួតជាមួយក្រុមឈរកំពូលតារាងបឹងកេតអង្គរនៅកីឡដ្ឋាន RSN ក្រោយក្រុមខេមបូឌានថាយហ្គឺរ ជួបប្រកួតជាមួយក្រុមមជ្ឈមណ្ឌលកំចាត់មីនកម្ពុជា(ស៊ីម៉ាក់) នៅកីឡដ្ឋានវេស្ទើន នាព្រឹត្តិការណ៍ដណ្តើមពានរង្វាន់ក្របខណ្ឌមិត្តហ្វូនខេមបូឌានលីក ក្រោយអគ្គស្នងការនគរបាលជាតិ យកឈ្នះអាស៊ីអឺរ៉ុប ១-០ កាលពីម្សិលមិញនៅកីឡដ្ឋានវេស្ទើន។ 
ក្រុមជើងខ្លាំងជើងលំដាប់លេខ២ក្នុងតារាង ក្រសួងការពារជាតិក្រោយពីសម្រាកអស់មួយសប្តាហ៍ត្រូវជួបប្រកួតជាមួយក្រុមជើងខ្លាំងឈរលំដាប់លេខ១ក្នុងតារាង បឹងកេតអង្គរ នៅកីឡដ្ឋាន RSN នាវេលាម៉ោង៦ល្ងាចនេះ ក្រោយក្រុមខេមបូឌានថាយហ្គឺរ ជួបប្រកួតជាមួយក្រុមមជ្ឈមណ្ឌលកំចាត់មីនកម្ពុជា នៅកីឡដ្ឋានវេស្ទើន នាវេលាម៉ោង៣ និង៣០នាទីល្ងាចនេះ។
ក្រុមបឹងកេតអង្គរ និងក្រុមក្រសួងការពារជាតិធ្លាប់ជួបគ្នាម្តងរួចមកហើយក្នុងសប្តាហ៍ទី៤ នៃពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៦ នេះ ដោយលទ្ធផលក្រុមក្រសួងការពារជាតិបានយកឈ្នះលើក្រុមបឹងកេតអង្គរ ក្នុងលទ្ធផល ២-១ នៅលើទីលាននៃពហុកីឡដ្ឋានជាតិ។ តើបឹកកេតអង្គរអាចសងសឹកក្រសួងការពារជាតិបានឬយ៉ាងណា?
សម្រាប់ការប្រកួតកាលពីម្សិលមិញនៅកីឡដ្ឋានវេស្ទើន ក្រុមអគ្គស្នងការនគរបាលជាតិ បានយកឈ្នះលើក្រុមអាស៊ីអឺរ៉ុប ក្នុងលទ្ធផល១-០៕
*កម្មវិធីប្រកួតថ្ងៃទី១៦ ខែកក្កដា ឆ្នាំ២០១៦
- ម៉ោង៣:៣០នាទី៖ ខេមបូឌានថាយហ្គឺរ ជួប មជ្ឈមណ្ឌលកំចាត់មីនកម្ពុជា នៅកីឡដ្ឋានវេស្ទើន
- ម៉ោង១៨:៣០នាទី៖ ក្រសួងការពារជាតិ ជួប បឹងកេតអង្គរអែហ្វស៊ី នៅកីឡដ្ឋាន RSN
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com
