កីឡាជាតិ
កម្ពុជា ស្វាគមន៍ ថៃ ក្រោយ ព្រុយណេ ប្រកួតបង្គ្រប់កិច្ចជាមួយ ឡាវ ល្ងាចនេះ
17, Jul 2016 , 1:58 pm
×![]()
ក្រុមយុវជនជម្រើសជាតិកម្ពុជាស្វាគមន៍ជើងឯកថៃ ក្រោយយុវជនជម្រើសជាតិព្រុយណេប្រកួតបង្គ្រប់កិច្ចជាមួយយុវជនជម្រើជាតិឡាវក្នុងព្រឹត្តិការណ៍ប្រកួតដណ្តើមពានរង្វាន់ហសព័ន្ធកីឡាបាលទាត់អាស៊ានប្រចាំឆ្នាំ២០១៦ AFF U-16 Championship 2016។ ការប្រកួតនឹងប្រព្រឹត្តទៅនៅក្នុងទីលាននៃពហុកីឡដ្ឋានជាតិទាំងពីរគូ ចាប់ពីម៉ោង៣ និង៣០នាទីតទៅ។ 
ក្រុមយុវជនជម្រើសជាតិអាយុក្រោម១៦ឆ្នាំរបស់កម្ពុជា ស្វាគមម៍ក្រុមយុវជនជម្រើសជាតិជើងឯកថៃនៅពហុកីឡដ្ឋានជាតិ នាវេលម៉ោង៦ល្ងាចនេះ ដើម្បីប្រជែងគ្នាដណ្តើមយក៣ពិន្ទុសម្រាប់ឈរនៅកំពូលតារាងពូល B ខណៈក្រុមទាំងពីរមាន៦ពិន្ទុក្នុងដៃដូចគ្នា។ មុនការប្រកួតរវាងក្រុមទាំងពីរនេះ ក្រុមហាលអាវយុវជនជម្រើសជាតិព្រុយណេប្រកួតបង្គ្រប់កិច្ចជាមួយក្រុមយុវជនជម្រើសជាតិឡាវ នាវេលម៉ោង៣ និង៣០នាទីនៅពហុកីឡដ្ឋានជាតិដូចគ្នា។
គួរបញ្ជាក់ថា សម្រាប់ការប្រកួតក្នុងពូលA កាលពីម្សិលមិញក្រុមយុវជនជម្រើសជាតិវៀតណាមស្មើ ៣-៣ ជាមួយក្រុមជម្រើសជាតិហ្វីលីពីន ខណៈអូស្ត្រាលីលត់សិង្ហបុរី ៦-២ និងក្រុមយុវជនជម្រើសជាតិម៉ាឡេស៊ីយកឈ្នះមីយ៉ាន់ម៉ាក្នុងលទ្ធផល ១-០៕
*កម្មវិធីប្រកួតថ្ងៃទី១៧ ខែកក្កដា ឆ្នាំ២០១៦ ៖
- ម៉ោង១៥:៣០នាទី៖ ព្រុយណេ ជួប ឡាវ នៅពហុកីឡដ្ឋានជាតិ
- ម៉ោង១៨:៣០នាទី៖ កម្ពុជា ជួប ថៃ នៅពហុកីឡដ្ឋានជាតិ
Tag:
U16កម្ពុជា
AFF U16
© រក្សាសិទ្ធិដោយ thmeythmey.com
