កីឡាជាតិ
ជាតិ
ណាហ្គាវើលឡើងទៅលេខ៣ក្រោយយកឈ្នះស្វាយរៀង ២-១ 18, Jul 2016 , 12:39 pm
×
ក្រុមណាហ្គាវើលបានឡើងឈរលេខរៀងទី៣ក្នុងសប្តាហ៍ទី១៣នៃពានរង្វាន់ក្របខណ្ឌមិត្តហ្វូនខេមបូឌានលីកជាបណ្តោះអាសន្នបន្ទាប់ពីបឹងកេតអង្គរ និងក្រសួងការពារជាតិ ក្រោយយកឈ្នះក្រុមព្រះខ័នរាជស្វាយរៀង ២-១ កាលពីម្សិលមិញនៅក្នុងទីលាននៃកីឡដ្ឋានកងយោធពលខេមរភូមិន្ទ។
ក្រុមបាល់ទាត់ជម្រើសជាតិណាហ្គាវើលដែលឈរលេខរៀងទី៤ក្នុងសប្តាហ៍ទី១២បានឡើងឈរលេខរៀងទី៣ជាបណ្តោះអាសន្នក្នុងសប្តាហ៍ទី១៣ នៃពានរង្វាន់ក្របខណ្ឌមិត្តហ្វូនខេមបូឌានលីកដោយមាន២៤ពិន្ទុ ក្រោយយកឈ្នះក្រុមព្រះខ័នរាជស្វាយរៀង ២-១ នៅក្នុងកីឡដ្ឋានកងយោធពលខេមរភូមិន្ទកាលពីម្សិលមិញ។ ចំណែកក្រុមព្រះរាជស្វាយរៀងដែលធ្លាប់លំដាប់លេខរៀងទី៣ធ្លាក់មកលេខរៀងទី៤ ដោយមាន២២ពិន្ទុ។
សម្រាប់ចំណាត់ថ្នាក់បណ្តោះអាសន្នក្នុងសប្តាហ៍ទី១៣ នៃពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៦ ក្រុមបឹងកេតអង្គរឈរលំដាប់លេខ១ ដោយមាន៣៤ពិន្ទុ ឬឯក្រសួងការពារជាតិឈរលំដាប់លេខរៀងទី២ ដោយមាន២៨ពិន្ទុ ចំណែកណាហ្គាវើលឈរលេខរៀងទី៣ ដោយដោយមាន២៤ពិន្ទុ ខណៈព្រះខ័នរាជស្វាយរៀងឈរលេខរៀងទី៤ដោយមាន២២ពិន្ទុ។ ប៉ុន្តែក្រុមក្រសួងការពារជាតិសល់មួយប្រកួតទៀតជាមួយក្រុមវេស្ទើនភ្នំពេញនាថ្ងៃទី២៤ កក្កដា នៅកីឡដ្ឋានស្តាតចាស់បន្ទាប់ពីលើកការប្រកួតកាលពីសប្តាហ៍ទី១២កន្លងទៅ៕
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com