កីឡាជាតិ
ជាតិ
កីឡាករ គ្រូបង្វឹក និងមន្ត្រីដែលចូលរួមអូឡាំពិកនៅ RIO សុទ្ធតែទទួលបានរង្វាន់លើកទឹកចិត្តពីនាយករដ្ឋមន្ត្រី
28, Jul 2016 , 7:39 pm
×![]()
សម្តេចនាយករដ្ឋមន្ត្រី ហ៊ុន សែន កាលពីរសៀលថ្ងៃទី២៦ ខែកក្កដា នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC)បានផ្តល់ថវិកាលើកទឹកចិត្តដល់កីឡាករកីឡាការិនី និងគ្រូបង្វឹកម្នាក់១ពាន់ដុល្លារ និងមន្ត្រីពាក់ព័ន្ធទាំងអស់ម្នាក់៥០០ដុល្លារ សម្រាប់ការត្រៀមទៅចូលរួមប្រកួតកីឡាអូឡាំពិកនៅទីក្រុង RIO ប្រទេសប្រេស៊ីល នាខែសីហា ខាងមុខនេះ។
សម្តេចនាយករដ្ឋមន្ត្រី ហ៊ុន សែន បានផ្តល់ថវិកាលើកទឹកដល់កីឡាករកីឡាការិនី និងគ្រូបង្វឹកដែលត្រូវចូលរួមព្រឹត្តិការណ៍កីឡាអូឡាំពិក Olympic Gams នៅទីក្រុងរីយ៉ូ(RIO) ប្រទេសប្រេស៊ីលម្នាក់១ពាន់ដុល្លារ និងមន្ត្រីពាក់ព័ន្ធម្នាក់៥០០ដុល្លារផងដែរ។ ការប្រគល់ថវិកាលើកទឹកចិត្តនេះធ្វើឡើងក្រោមវត្តមានរបស់លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណកម្មាធិការជាតិអូឡាំពិកកម្ពុជា នៅទីស្នាក់ការ NOCC កាលពីព្រឹកថ្ងៃទី២៦ ខែកក្កដា ម្សិលមិញ។ នេះបើយោងតាមលោក វ៉ាត់ ចំរើន អគ្គលេខាធិការ NOCC។
លោកអគ្គលេខាធិការ NOCC រូបនេះបន្ថែមថា ក្រៅពីថវិការបស់ សម្តេច ហ៊ុន សែន កីឡាករកីឡាការិនី គ្រូបង្វឹក និងមន្ត្រីពាក់ទាំងអស់ទទួលបានការឧបត្ថម្ភពីលោកអនុប្រធាន NOCC និងបណ្តាសប្បុរសជនផ្សេងៗទៀតផងដែរក្នុងនោះកីឡាការិនី ស៊ន សៀវម៉ី ទទួលបាន ២,៥០០ដុល្លារ, ចូវ សុធារ៉ា, ហែមថុន វិទីនី, លី ណារី, ពូ សុវិជ្ជា និងកីឡាករ នីកូ ទទួលម្នាក់១៥០០ដុល្លារ ចំណែកគ្រូបង្វឹក៤រូបម្នាក់ៗទទួលបាន៧០០ដុល្លារផងដែរ។
នាពិធីបង្ហាញខ្លួនជាសាធារណរបស់បេក្ខភាពកីឡាករកីឡាការិនីអូឡាំពិកមុនថ្ងៃចាកចេញទី២៨ ខែកក្កដា ដើម្បីចូលរួមប្រកួតកីឡាអូឡាំពិកនៅទីក្រុងរីយ៉ូប្រទេសប្រេស៊ីល នៅផ្សារទំនើបអ៊ីអន កាលពីថ្ងៃទី២៦ ខែកក្កដា កន្លងទៅកីឡាករកីឡាការិនីតំណាងកម្ពុជាទាំង៦រូបទទួលបានការឧបត្ថម្ភពីក្រុមហ៊ុនផ្សេងៗម្នាក់៤០០ដុល្លារ និងបណ្ណទិញសម្ភារៈកីឡាចំនួន១ពាន់ដុល្លារថែមទៀតផង។
គួរបញ្ចាក់ថា កីឡាករកីឡាការិនីបេក្ខភាពអូឡាំពិកកម្ពុជា និងគណប្រតិភូនឹងចាកចេញពីកម្ពុជាដើម្បីទៅចូលរួមប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីល នាវេលាម៉ោង៤រសៀល ថ្ងៃទី២៨ ខែកក្កដា នេះ។ សម្រាប់ព្រឹត្តិការណ៍អូឡាំពិកនេះ កីឡាការិនីតេក្វាន់ដូ ស៊ន សៀវម៉ី នឹងប្រកួតលើវិញ្ញាសា៧៣គីឡូក្រាម ឬឯកីឡាការិនីចំបាប់ ចូវ សុធារ៉ា ប្រកួតក្នុងប្រភេទទម្ងន់៤៣គីឡូក្រាម ខណៈកីឡាករ ពូ សុវិជ្ជា និងកីឡាការិនី ហែមថុន វិទីនី ប្រកួតហែលទឺកចម្ងាយ១០០ម៉ែត្រ និង៥០ម៉ែត្រសេរី ចំណែកកីឡាករ នីកូ និងកីឡាការិនី លី ណារី ប្រកួតរត់ចម្ងាយ៤២គីឡូម៉ែត្រ៕
សម្តេចនាយករដ្ឋមន្ត្រី ហ៊ុន សែន បានផ្តល់ថវិកាលើកទឹកដល់កីឡាករកីឡាការិនី និងគ្រូបង្វឹកដែលត្រូវចូលរួមព្រឹត្តិការណ៍កីឡាអូឡាំពិក Olympic Gams នៅទីក្រុងរីយ៉ូ(RIO) ប្រទេសប្រេស៊ីលម្នាក់១ពាន់ដុល្លារ និងមន្ត្រីពាក់ព័ន្ធម្នាក់៥០០ដុល្លារផងដែរ។ ការប្រគល់ថវិកាលើកទឹកចិត្តនេះធ្វើឡើងក្រោមវត្តមានរបស់លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណកម្មាធិការជាតិអូឡាំពិកកម្ពុជា នៅទីស្នាក់ការ NOCC កាលពីព្រឹកថ្ងៃទី២៦ ខែកក្កដា ម្សិលមិញ។ នេះបើយោងតាមលោក វ៉ាត់ ចំរើន អគ្គលេខាធិការ NOCC។
លោកអគ្គលេខាធិការ NOCC រូបនេះបន្ថែមថា ក្រៅពីថវិការបស់ សម្តេច ហ៊ុន សែន កីឡាករកីឡាការិនី គ្រូបង្វឹក និងមន្ត្រីពាក់ទាំងអស់ទទួលបានការឧបត្ថម្ភពីលោកអនុប្រធាន NOCC និងបណ្តាសប្បុរសជនផ្សេងៗទៀតផងដែរក្នុងនោះកីឡាការិនី ស៊ន សៀវម៉ី ទទួលបាន ២,៥០០ដុល្លារ, ចូវ សុធារ៉ា, ហែមថុន វិទីនី, លី ណារី, ពូ សុវិជ្ជា និងកីឡាករ នីកូ ទទួលម្នាក់១៥០០ដុល្លារ ចំណែកគ្រូបង្វឹក៤រូបម្នាក់ៗទទួលបាន៧០០ដុល្លារផងដែរ។
នាពិធីបង្ហាញខ្លួនជាសាធារណរបស់បេក្ខភាពកីឡាករកីឡាការិនីអូឡាំពិកមុនថ្ងៃចាកចេញទី២៨ ខែកក្កដា ដើម្បីចូលរួមប្រកួតកីឡាអូឡាំពិកនៅទីក្រុងរីយ៉ូប្រទេសប្រេស៊ីល នៅផ្សារទំនើបអ៊ីអន កាលពីថ្ងៃទី២៦ ខែកក្កដា កន្លងទៅកីឡាករកីឡាការិនីតំណាងកម្ពុជាទាំង៦រូបទទួលបានការឧបត្ថម្ភពីក្រុមហ៊ុនផ្សេងៗម្នាក់៤០០ដុល្លារ និងបណ្ណទិញសម្ភារៈកីឡាចំនួន១ពាន់ដុល្លារថែមទៀតផង។
គួរបញ្ចាក់ថា កីឡាករកីឡាការិនីបេក្ខភាពអូឡាំពិកកម្ពុជា និងគណប្រតិភូនឹងចាកចេញពីកម្ពុជាដើម្បីទៅចូលរួមប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីល នាវេលាម៉ោង៤រសៀល ថ្ងៃទី២៨ ខែកក្កដា នេះ។ សម្រាប់ព្រឹត្តិការណ៍អូឡាំពិកនេះ កីឡាការិនីតេក្វាន់ដូ ស៊ន សៀវម៉ី នឹងប្រកួតលើវិញ្ញាសា៧៣គីឡូក្រាម ឬឯកីឡាការិនីចំបាប់ ចូវ សុធារ៉ា ប្រកួតក្នុងប្រភេទទម្ងន់៤៣គីឡូក្រាម ខណៈកីឡាករ ពូ សុវិជ្ជា និងកីឡាការិនី ហែមថុន វិទីនី ប្រកួតហែលទឺកចម្ងាយ១០០ម៉ែត្រ និង៥០ម៉ែត្រសេរី ចំណែកកីឡាករ នីកូ និងកីឡាការិនី លី ណារី ប្រកួតរត់ចម្ងាយ៤២គីឡូម៉ែត្រ៕
Tag:
វ៉ាត់ ចំរើន
ថោង ខុន
កីឡាអូឡាំពិក
© រក្សាសិទ្ធិដោយ thmeythmey.com
