កីឡាជាតិ
ជាតិ
ក្រោយចាញ់ជម្រុះ World Cup ទាំងពីរជើង តើកម្ពុជាអាចសងសឹកសិង្ហបុរីនាល្ងាចនេះបានដែរឬទេ?
28, Jul 2016 , 2:40 pm
×![]()
ក្រុមជម្រើសជាតិកម្ពុជាដែលដឹកនាំដោយលោក Lee Tae Hoon ត្រូវជួបប្រកួតមិត្តភាពអន្តរជាតិជាមួយក្រុមជម្រើសជាតិសិង្ហបុរី នៅពហុកីឡដ្ឋានជាតិ នាវេលាម៉ោង៦ល្ងាច ថ្ងៃទី២៨ ខែកក្កដា នេះ ខណៈគ្រូបង្វឹកទាំងពីរអះអាងថា នឹងធ្វើឲ្យកក្រើកពហុកីឡដ្ឋាន ទោះបីជាការប្រកួតមិត្តភាពក៏ដោយ។
សម្រាប់ជំនួបមិត្តភាពអន្តរជាតិរវាងកម្ពុជា និងសិង្ហបុរី នៅពហុកីឡដ្ឋានជាតិល្ងាចនេះ លោក Lee Tae Hoon គ្រូបង្វឹកក្រុមជម្រើសជាតិកម្ពុជាបានប្តេជ្ញាថា នឹងប្រកួតឲ្យអស់ពីសមត្ថភាពក្នុងការស្វែងរកជ័យជម្នះទោះបីវាជាការប្រកួតមិត្តភាពក៏ដោយ។ ការប្តេជ្ញានេះស្របពេលដែលកូនក្រុមសំខាន់ៗរបស់មួយចំនួនដូចជា ចាន់ វឌ្ឍនាកា និង ប្រាក់ មុន្នីឧត្តម កំពុងញាំញីដោយរបួស និងកីឡាករ ណុប តុលា អវត្តមានសម្រាប់ក្នុងជំនួបនេះ។
ជាមួយគ្នានេះ លោក Varadaraju Sundramoorthy គ្រូបង្វឹកក្រុមជម្រើសជាតិសិង្ហបុរីបានរៀបរាប់ថា ទោះបីវាការប្រកួតមិត្តភាព និងកូនក្រុមខ្លួនមួយចំនួនបានអវត្តមានក្នុងជំនួបនេះក៏ដោយលោកនឹងមិនធ្វើឲ្យអ្នកទស្សនារាប់ម៉ឺននាក់ខកបំណងនោះទេ លោក នឹងធ្វើឲ្យកក្រើកពហុកីឡដ្ឋានជាតិ និងយកឈ្នះកម្ពុជាឲ្យបាន។
លោកគ្រូបង្វឹករូបនេះបានបន្តថា សម្រាប់ជំនួបនាល្ងាចនេះលោកមិនដាក់ឈុតធំដែលកម្ពុជាធ្លាប់ជួបនាពេលកន្លងមកនោះទេ ព្រោះកីឡាករជើងខ្លាំងរបស់ខ្លួនមួយចំនួនមិនមានវត្តមាននៅទីនេះទេ ដោយសារជាប់រវល់លេងក្នុងលីកកំពូងក្នុងបណ្តាប្រទេសផ្សេង។
ដោយឡែក លោក Lee Tae Hoon បានចាត់ទុកការប្រកួតមិត្តភាពអន្តរជាតិជាមួយសិង្ហបុរីនេះជាឱកាសដ៏ល្អសម្រាប់កម្ពុជាក្នុងការដកស្រង់នូវបទពិសោធន៍ល្អៗពីក្រុមជើងខ្លាំងមួយនេះ ព្រោះក្រុមនេះមុននឹងមកជួបប្រកួតមិត្តភាពជាមួយកម្ពុជា ក្រុមនេះបានចេញទៅហ្វឹកហាត់នៅក្នុងប្រទេសជប៉ុនអស់រយៈពេលជាច្រើនថ្ងៃ។ ម្យ៉ាងក្រុមនេះបានបង្ហាញទម្រង់លេងយ៉ាងល្អក្នុងជម្រុះ World Cup នាពេលកន្លងផងដែរ។
តាមកំណត់ត្រារបស់សហព័ន្ធកីឡាបាល់ទាត់អន្តរជាតិ (FIFA) កម្ពុជាធ្លាប់ជួបសិង្ហបុរី ១៦លើក ដែលក្នុងនោះ កម្ពុជាធ្លាប់ឈ្នះតែ១លើកគត់ និងស្មើ២លើក។ នាការប្រកួតជម្រុះ World Cup កន្លងមក សិង្ហបុរី បានទទួលជ័យជម្នះទាំងពីរលើកក្នុងជំនួបជាមួយកម្ពុជា៕
សម្រាប់ជំនួបមិត្តភាពអន្តរជាតិរវាងកម្ពុជា និងសិង្ហបុរី នៅពហុកីឡដ្ឋានជាតិល្ងាចនេះ លោក Lee Tae Hoon គ្រូបង្វឹកក្រុមជម្រើសជាតិកម្ពុជាបានប្តេជ្ញាថា នឹងប្រកួតឲ្យអស់ពីសមត្ថភាពក្នុងការស្វែងរកជ័យជម្នះទោះបីវាជាការប្រកួតមិត្តភាពក៏ដោយ។ ការប្តេជ្ញានេះស្របពេលដែលកូនក្រុមសំខាន់ៗរបស់មួយចំនួនដូចជា ចាន់ វឌ្ឍនាកា និង ប្រាក់ មុន្នីឧត្តម កំពុងញាំញីដោយរបួស និងកីឡាករ ណុប តុលា អវត្តមានសម្រាប់ក្នុងជំនួបនេះ។
ជាមួយគ្នានេះ លោក Varadaraju Sundramoorthy គ្រូបង្វឹកក្រុមជម្រើសជាតិសិង្ហបុរីបានរៀបរាប់ថា ទោះបីវាការប្រកួតមិត្តភាព និងកូនក្រុមខ្លួនមួយចំនួនបានអវត្តមានក្នុងជំនួបនេះក៏ដោយលោកនឹងមិនធ្វើឲ្យអ្នកទស្សនារាប់ម៉ឺននាក់ខកបំណងនោះទេ លោក នឹងធ្វើឲ្យកក្រើកពហុកីឡដ្ឋានជាតិ និងយកឈ្នះកម្ពុជាឲ្យបាន។
លោកគ្រូបង្វឹករូបនេះបានបន្តថា សម្រាប់ជំនួបនាល្ងាចនេះលោកមិនដាក់ឈុតធំដែលកម្ពុជាធ្លាប់ជួបនាពេលកន្លងមកនោះទេ ព្រោះកីឡាករជើងខ្លាំងរបស់ខ្លួនមួយចំនួនមិនមានវត្តមាននៅទីនេះទេ ដោយសារជាប់រវល់លេងក្នុងលីកកំពូងក្នុងបណ្តាប្រទេសផ្សេង។
ដោយឡែក លោក Lee Tae Hoon បានចាត់ទុកការប្រកួតមិត្តភាពអន្តរជាតិជាមួយសិង្ហបុរីនេះជាឱកាសដ៏ល្អសម្រាប់កម្ពុជាក្នុងការដកស្រង់នូវបទពិសោធន៍ល្អៗពីក្រុមជើងខ្លាំងមួយនេះ ព្រោះក្រុមនេះមុននឹងមកជួបប្រកួតមិត្តភាពជាមួយកម្ពុជា ក្រុមនេះបានចេញទៅហ្វឹកហាត់នៅក្នុងប្រទេសជប៉ុនអស់រយៈពេលជាច្រើនថ្ងៃ។ ម្យ៉ាងក្រុមនេះបានបង្ហាញទម្រង់លេងយ៉ាងល្អក្នុងជម្រុះ World Cup នាពេលកន្លងផងដែរ។
តាមកំណត់ត្រារបស់សហព័ន្ធកីឡាបាល់ទាត់អន្តរជាតិ (FIFA) កម្ពុជាធ្លាប់ជួបសិង្ហបុរី ១៦លើក ដែលក្នុងនោះ កម្ពុជាធ្លាប់ឈ្នះតែ១លើកគត់ និងស្មើ២លើក។ នាការប្រកួតជម្រុះ World Cup កន្លងមក សិង្ហបុរី បានទទួលជ័យជម្នះទាំងពីរលើកក្នុងជំនួបជាមួយកម្ពុជា៕
Tag:
បាល់ទាត់
មិត្តអន្តរជាតិសិង្ហបុរី
Lee Tae Hoon
© រក្សាសិទ្ធិដោយ thmeythmey.com
