កីឡាជាតិ
ប្រធាន NOCC ក្រើនរំឭកសហព័ន្ធឲ្យដោះស្រាយបញ្ហាផ្ទៃក្នុងនិងពង្រឹងខ្លួនដើម្បីត្រៀមស៊ីហ្គេម
30, Jul 2016 , 9:11 am
នាពិធីសំណេះសំណាលជាមួយនៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC) កាលពីថ្ងៃទី២៦ ខែកក្កដា កន្លងទៅ លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធាន NOCC បានក្រើនរំឭកដល់បណ្តាសហព័ន្ធជាតិទាំងអូឡាំពិក និងមិនអូឡាំពិកទាំងអស់ ឲ្យដោះស្រាយវិវាទផ្ទៃក្នុងរបស់ខ្លួនឲ្យបានល្អ ក្នុងទិសដៅដើម្បីសម្រួចត្រៀមចូលរួមប្រកួតស៊ីហ្គេមឆ្នាំ២០១៧នៅប្រទេសម៉ាឡេស៊ី ជាពិសេសស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
លោករដ្ឋមន្ត្រីក្រសួងទេសចរណ៍ ថោង ខុន និងជាប្រធាន NOCC បានក្រើនរំឭកដល់សហព័ន្ធជាតិទាំងអូឡាំពិក និងមិនអូឡាំពិកទាំង៤០សហព័ន្ធត្រូវដោះស្រាយបញ្ហាវិវាទផ្ទៃក្នុងដែលរាំងស្ទះដល់ការអភិវឌ្ឍវិស័យកីឡារបស់ខ្លួនឲ្យបានល្អ ហើយត្រូវរៀបចំផែនការហ្វឹកហាត់ក្នុងការពង្រឹងបច្ចេកទេស និងសមត្ថភាពឲ្យបានល្អ ដើម្បីត្រៀមចូលរួមប្រកួតស៊ីហ្គេមឆ្នាំ២០១៧ នៅប្រទេសម៉ាឡេស៊ី ជាពិសេសស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ការលើកឡើងបែបនេះបន្ទាប់ពីរដ្ឋមន្ត្រីរូបនេះមើលឃើញពីបញ្ហាទុក្ខលំបាក និងចំណុចខ្វះខាតរបស់សហព័ន្ធ ម្យ៉ាងទៀតដោយសារការប្រកួតស៊ីហ្គេមនៅម៉ាឡេស៊ី និងការធ្វើជាម្ចាស់ផ្ទះស៊ីហ្គេមឆ្នាំ២០២៣ នឹងមកដល់ក្នុងពេលឆាប់ខាងមុខនេះ។ លោកសន្យាថា ប្រសិនបើសហព័ន្ធដែលជួបបញ្ហាអាចដោះស្រាយបញ្ហាទាំងនេះឲ្យមានលក្ខណៈល្អប្រសើរបាន លោក នឹងធ្វើការស្នើសុំដល់រាជរដ្ឋាភិបាលកម្ពុជា ដើម្បីស្វែងរកសប្បុរសជនក្នុងការជួយឧបត្ថម្ភគាំទ្រសហព័ន្ធទាំងនោះ។
លោកបានបន្ថែមថា ក្រោយត្រឡប់មកពីចូលរួមការប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីលវិញ លោកនឹងហៅគ្រប់បណ្តាសហព័ន្ធទាំងអស់មកជួបម្នាក់ម្តងៗ ដើម្បីលើកពីបញ្ហាខ្វះខាតដែលសហព័ន្ធកំពុងជួបប្រទះ ដើម្បីស្វែងរកដំណោះស្រាយសមស្របណាមួយ ជាពិសេសលោកនឹងចុះទៅត្រួតពិនិត្យដោយផ្ទាល់នៅនឹងកន្លែងតែម្តង។ ការធ្វើបែបនេះក្នុងគោលបំណង ដើម្បីកុំឲ្យសហព័ន្ធទាំងនោះខ្វល់ខ្វាយទៅលើបញ្ហាទាំងនោះ ពោលគឺចង់ឲ្យសហព័ន្ធផ្តោតសំខាន់ទៅលើការហ្វឹកហាត់ ដើម្បីពង្រឹងបច្ចេកទេស និងសមត្ថភាពតែប៉ុណ្ណោះ។
ទន្ទឹមនឹងនោះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានបញ្ជាក់ថា សម្រាប់ការប្រកួតកីឡាស៊ីហ្គេមនៅប្រទេសម៉ាឡេស៊ី មាន៣៨ប្រភេទកីឡា និង៤០៥វិញ្ញាសាចូលរួម ប៉ុន្តែក្នុងចំណោមប្រភេទកីឡាទាំងនោះមិនមានវត្តមានកីឡាចំបាប់, សូរីនហ្សីកេបប៉ូ និងវ៉ូវីណាម ដែលជាប្រភេទកីឡាសក្តានុពល និងជាកីឡាដែលតែងតែនាំយកមេដាយជូនកម្ពុជានោះទេ។ ប៉ុន្តែមាន២៩ប្រភេទកីឡាដែលកម្ពុជាអាចចូលរួម ក្នុងនោះមានប្រភេទកីឡាដែលថ្មីសម្រាប់កម្ពុជាផងដែររួមមានទ្រីយ៉ាត្លុង ស្គីទឹកកក និងមួយ (មួយថៃ)។
លោកអគ្គលេខាធិការរូបនេះបានសង្កត់ធ្ងន់ដល់ប្រភេទកីឡាប៉េតង់ ដែលជាប្រភេទកីឡាសក្តានុពលរបស់កម្ពុជា ព្រោះសម្រាប់ការប្រកួតស៊ីហ្គេមនៅម៉ាឡេស៊ីមិនមានវិញ្ញាសាវាយយកពិន្ទុ ដែលជាវិញ្ញាសារបស់វីរកីឡាការិនី កែ ឡេង ដែលតែងតែដណ្តើមបានមេដាយមាសនោះទេ។ សម្រាប់វិញ្ញាសាប៉េតង់នេះដែរ គឺភាគីម៉ាឡេស៊ីមិនអនុញ្ញាតឲ្យកីឡាករលេងច្រើប្រទេភវិញ្ញាសានោះទេ ពោលគឺម្នាក់អាចលេងតែ១វិញ្ញាសាប៉ុណ្ណោះ។
ពាក់ព័ន្ធនឹងបញ្ហានេះ លោក អ៊ិន គឹមស្រ៊ុន អគ្គលេខាធិការសហព័ន្ធកីឡាប៊ូល និងប៉េតង់កម្ពុជាដែលទើបនឹងដឹកនាំកីឡាករប៉េតង់កម្ពុជាចូលរួមព្រឹត្តិការណ៍ជើងឯកយុវជនអាស៊ីអាស៊ីគ្នេយ៍ប្រចាំឆ្នាំ២០១៦នៅប្រទេសសិង្ហបុរីដោយបាននាំមេដាយមាស៣ ប្រាក់១ និងសំរឹទ្ធ២ជូនកម្ពុជាបានអះអាងថា វាមិនមែនជាបញ្ហាប្រឈមសម្រាប់សហព័ន្ធរបស់លោកនោះទេ ព្រោះសហព័ន្ធមួយនេះមានធនធានគ្រប់គ្រាន់ សម្រាប់ការត្រៀមចូលរួមប្រកួតក្នុងព្រឹត្តិការណ៍ស៊ីហ្គេមនៅម៉ាឡេស៊ីនេះរួចហើយ៕
លោករដ្ឋមន្ត្រីក្រសួងទេសចរណ៍ ថោង ខុន និងជាប្រធាន NOCC បានក្រើនរំឭកដល់សហព័ន្ធជាតិទាំងអូឡាំពិក និងមិនអូឡាំពិកទាំង៤០សហព័ន្ធត្រូវដោះស្រាយបញ្ហាវិវាទផ្ទៃក្នុងដែលរាំងស្ទះដល់ការអភិវឌ្ឍវិស័យកីឡារបស់ខ្លួនឲ្យបានល្អ ហើយត្រូវរៀបចំផែនការហ្វឹកហាត់ក្នុងការពង្រឹងបច្ចេកទេស និងសមត្ថភាពឲ្យបានល្អ ដើម្បីត្រៀមចូលរួមប្រកួតស៊ីហ្គេមឆ្នាំ២០១៧ នៅប្រទេសម៉ាឡេស៊ី ជាពិសេសស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ការលើកឡើងបែបនេះបន្ទាប់ពីរដ្ឋមន្ត្រីរូបនេះមើលឃើញពីបញ្ហាទុក្ខលំបាក និងចំណុចខ្វះខាតរបស់សហព័ន្ធ ម្យ៉ាងទៀតដោយសារការប្រកួតស៊ីហ្គេមនៅម៉ាឡេស៊ី និងការធ្វើជាម្ចាស់ផ្ទះស៊ីហ្គេមឆ្នាំ២០២៣ នឹងមកដល់ក្នុងពេលឆាប់ខាងមុខនេះ។ លោកសន្យាថា ប្រសិនបើសហព័ន្ធដែលជួបបញ្ហាអាចដោះស្រាយបញ្ហាទាំងនេះឲ្យមានលក្ខណៈល្អប្រសើរបាន លោក នឹងធ្វើការស្នើសុំដល់រាជរដ្ឋាភិបាលកម្ពុជា ដើម្បីស្វែងរកសប្បុរសជនក្នុងការជួយឧបត្ថម្ភគាំទ្រសហព័ន្ធទាំងនោះ។
លោកបានបន្ថែមថា ក្រោយត្រឡប់មកពីចូលរួមការប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីលវិញ លោកនឹងហៅគ្រប់បណ្តាសហព័ន្ធទាំងអស់មកជួបម្នាក់ម្តងៗ ដើម្បីលើកពីបញ្ហាខ្វះខាតដែលសហព័ន្ធកំពុងជួបប្រទះ ដើម្បីស្វែងរកដំណោះស្រាយសមស្របណាមួយ ជាពិសេសលោកនឹងចុះទៅត្រួតពិនិត្យដោយផ្ទាល់នៅនឹងកន្លែងតែម្តង។ ការធ្វើបែបនេះក្នុងគោលបំណង ដើម្បីកុំឲ្យសហព័ន្ធទាំងនោះខ្វល់ខ្វាយទៅលើបញ្ហាទាំងនោះ ពោលគឺចង់ឲ្យសហព័ន្ធផ្តោតសំខាន់ទៅលើការហ្វឹកហាត់ ដើម្បីពង្រឹងបច្ចេកទេស និងសមត្ថភាពតែប៉ុណ្ណោះ។
ទន្ទឹមនឹងនោះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានបញ្ជាក់ថា សម្រាប់ការប្រកួតកីឡាស៊ីហ្គេមនៅប្រទេសម៉ាឡេស៊ី មាន៣៨ប្រភេទកីឡា និង៤០៥វិញ្ញាសាចូលរួម ប៉ុន្តែក្នុងចំណោមប្រភេទកីឡាទាំងនោះមិនមានវត្តមានកីឡាចំបាប់, សូរីនហ្សីកេបប៉ូ និងវ៉ូវីណាម ដែលជាប្រភេទកីឡាសក្តានុពល និងជាកីឡាដែលតែងតែនាំយកមេដាយជូនកម្ពុជានោះទេ។ ប៉ុន្តែមាន២៩ប្រភេទកីឡាដែលកម្ពុជាអាចចូលរួម ក្នុងនោះមានប្រភេទកីឡាដែលថ្មីសម្រាប់កម្ពុជាផងដែររួមមានទ្រីយ៉ាត្លុង ស្គីទឹកកក និងមួយ (មួយថៃ)។
លោកអគ្គលេខាធិការរូបនេះបានសង្កត់ធ្ងន់ដល់ប្រភេទកីឡាប៉េតង់ ដែលជាប្រភេទកីឡាសក្តានុពលរបស់កម្ពុជា ព្រោះសម្រាប់ការប្រកួតស៊ីហ្គេមនៅម៉ាឡេស៊ីមិនមានវិញ្ញាសាវាយយកពិន្ទុ ដែលជាវិញ្ញាសារបស់វីរកីឡាការិនី កែ ឡេង ដែលតែងតែដណ្តើមបានមេដាយមាសនោះទេ។ សម្រាប់វិញ្ញាសាប៉េតង់នេះដែរ គឺភាគីម៉ាឡេស៊ីមិនអនុញ្ញាតឲ្យកីឡាករលេងច្រើប្រទេភវិញ្ញាសានោះទេ ពោលគឺម្នាក់អាចលេងតែ១វិញ្ញាសាប៉ុណ្ណោះ។
ពាក់ព័ន្ធនឹងបញ្ហានេះ លោក អ៊ិន គឹមស្រ៊ុន អគ្គលេខាធិការសហព័ន្ធកីឡាប៊ូល និងប៉េតង់កម្ពុជាដែលទើបនឹងដឹកនាំកីឡាករប៉េតង់កម្ពុជាចូលរួមព្រឹត្តិការណ៍ជើងឯកយុវជនអាស៊ីអាស៊ីគ្នេយ៍ប្រចាំឆ្នាំ២០១៦នៅប្រទេសសិង្ហបុរីដោយបាននាំមេដាយមាស៣ ប្រាក់១ និងសំរឹទ្ធ២ជូនកម្ពុជាបានអះអាងថា វាមិនមែនជាបញ្ហាប្រឈមសម្រាប់សហព័ន្ធរបស់លោកនោះទេ ព្រោះសហព័ន្ធមួយនេះមានធនធានគ្រប់គ្រាន់ សម្រាប់ការត្រៀមចូលរួមប្រកួតក្នុងព្រឹត្តិការណ៍ស៊ីហ្គេមនៅម៉ាឡេស៊ីនេះរួចហើយ៕
Tag:
ថោង ខុន
ស៊ីហ្គេម
NOCC
© រក្សាសិទ្ធិដោយ thmeythmey.com
