កីឡាជាតិ
ជាតិ
សម្តេច ហ៊ុន សែន ឧបត្ថម្ភ ២២,០០០ដុល្លារដល់ក្រុមកីឡាករ U15 ដែលឈ្នះជើងឯកនៅចិន
30, Aug 2016 , 12:13 pm
×![]()
សម្តេចនាយករដ្ឋមន្ត្រី ហ៊ុន សែន បានឧបត្ថម្ភថវិកាចំនួន ២២,០០០ដុល្លារ ដល់ក្រុមកីឡាករបាល់ទាត់អាយុក្រោម១៥ឆ្នាំ នៃសាលាបាល់ទាត់ជាតិទន្លេបាទីដែលបាននាំពានជើងឯកពីព្រឹត្តិការណ៍ The Belt and Road Initiative U15 Boys Football Tournament នៅប្រទេសចិនជូនកម្ពុជា។ ក្រុមកីឡាករ U15 និងគណប្រតិភូកីឡាទាំងអស់បានមកដល់កម្ពុជាវិញកាលពីយប់ថ្ងៃទី២៩ ខែសីហា ដោយទទួលបានការស្វាគមន៍យ៉ាងកក់ក្តៅពីសំណាក់ លោក សៅ សុខា ប្រធានសហព័ន្ធកីឡាបាល់ទាត់កម្ពុជា។ 
សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានឧបត្ថម្ភថវិកាលើកទឹកចិត្តម្នាក់១ពាន់ដុល្លារដល់ប្រតិភូគ្រូបង្វឹក និងក្រុមកីឡាករ U15 នៃសាលាបាល់ទាត់ជាតិទន្លេបាទីដែលបានពាំនាំពានជើងឯកពីព្រឹត្តិការណ៍ The Belt and Road Initiative U15 Boys Football Tournament នៅប្រទេសចិន ជូនកម្ពុជា។
បើយោងតាមមន្ត្រីសហព័ន្ធកីឡាបាល់ទាត់កម្ពុជា ថវិកាឧបត្ថម្ភទាំងនេះត្រូវបានប្រគល់ជូនក្រុមកីឡាករ និងប្រតិភូដឹកនាំតាមរយៈ លោក សៅ សុខា ប្រធានសហព័ន្ធកីឡាបាល់ទាត់កម្ពុជា ក្នុងថ្ងៃទទួលស្វាគមន៍ការវិលត្រឡប់របស់ប្រតិភូកីឡាបាល់ទាត់កម្ពុជានៅអាកាសយានដ្ឋានអន្តរជាតិភ្នំពេញកាលពីយប់ថ្ងៃទី២៩ ខែសីហា ម្សិលមិញ។
សម្រាប់ការផ្តល់ជូននេះគ្រូបង្វឹក និងប្រតិភូកីឡាចំនួន៤នាក់ទទួលបានសាច់ប្រាក់សុទ្ធ ចំណែកកីឡាករទាំង១៨នាក់មិនទទួលបានសាច់ប្រាក់សុទ្ធនោះទេដោយសហព័ន្ធជាអ្នករក្សាទុក។ ប៉ុន្តែថវិកាទាំងនេះក្រុមកីឡាករអាចដកពីសហព័ន្ធយកទៅទិញសម្ភារសិក្សា សម្លៀកបំពាក់ និងសម្ភារកីឡាបាន ប៉ុន្តែមិនអនុញ្ញាតឲ្យទិញទូរស័ព្ទ ឬរបស់របរមានតម្លៃផ្សេងៗឡើយ។
ដោយឡែក ថវិកាទាំងនេះប្រសិនបើក្រុមកីឡាករមិនបានដកយកទៅប្រើប្រាស់ សហព័ន្ធនឹងរក្សាទុករហូតដល់ពួកគេពេញវ័យ ពេលនោះពួកគេអាចដកយកទៅចំណាយថ្លៃការសិក្សានៅសាកលវិទ្យាល័យ និងសម្ភារមានតម្លៃផ្សេងៗបានតាមចិត្ត។ ការរក្សាទុកមិនប្រគល់សាច់ប្រាក់សុទ្ធនេះដោយសារសហព័ន្ធគិតថា ពួកគេនៅក្មេងពេក។
គួរបញ្ជាក់ថា ក្រុមយុវជនសាលាបាល់ទាត់ជាតិទន្លេបាទីអាយុក្រោម១៥ឆ្នាំក្រោមការដឹកនាំរបស់លោក Inoue Kazunori ដែលបានចាកចេញពីកម្ពុជាតាំងពីថ្ងៃទី២៣ ខែសីហា បាននាំពានពីព្រឹត្តិការណ៍ The Belt and Road Initiative U15 Boys Football Tournament នៅប្រទេសចិន ជូនកម្ពុជាក្រោយយកឈ្នះក្រុមកាហ្សាក់ស្ថាន ៣-២ ក្នុងវគ្គផ្តាច់ព្រ័ត្រ។
សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានឧបត្ថម្ភថវិកាលើកទឹកចិត្តម្នាក់១ពាន់ដុល្លារដល់ប្រតិភូគ្រូបង្វឹក និងក្រុមកីឡាករ U15 នៃសាលាបាល់ទាត់ជាតិទន្លេបាទីដែលបានពាំនាំពានជើងឯកពីព្រឹត្តិការណ៍ The Belt and Road Initiative U15 Boys Football Tournament នៅប្រទេសចិន ជូនកម្ពុជា។
បើយោងតាមមន្ត្រីសហព័ន្ធកីឡាបាល់ទាត់កម្ពុជា ថវិកាឧបត្ថម្ភទាំងនេះត្រូវបានប្រគល់ជូនក្រុមកីឡាករ និងប្រតិភូដឹកនាំតាមរយៈ លោក សៅ សុខា ប្រធានសហព័ន្ធកីឡាបាល់ទាត់កម្ពុជា ក្នុងថ្ងៃទទួលស្វាគមន៍ការវិលត្រឡប់របស់ប្រតិភូកីឡាបាល់ទាត់កម្ពុជានៅអាកាសយានដ្ឋានអន្តរជាតិភ្នំពេញកាលពីយប់ថ្ងៃទី២៩ ខែសីហា ម្សិលមិញ។
សម្រាប់ការផ្តល់ជូននេះគ្រូបង្វឹក និងប្រតិភូកីឡាចំនួន៤នាក់ទទួលបានសាច់ប្រាក់សុទ្ធ ចំណែកកីឡាករទាំង១៨នាក់មិនទទួលបានសាច់ប្រាក់សុទ្ធនោះទេដោយសហព័ន្ធជាអ្នករក្សាទុក។ ប៉ុន្តែថវិកាទាំងនេះក្រុមកីឡាករអាចដកពីសហព័ន្ធយកទៅទិញសម្ភារសិក្សា សម្លៀកបំពាក់ និងសម្ភារកីឡាបាន ប៉ុន្តែមិនអនុញ្ញាតឲ្យទិញទូរស័ព្ទ ឬរបស់របរមានតម្លៃផ្សេងៗឡើយ។
ដោយឡែក ថវិកាទាំងនេះប្រសិនបើក្រុមកីឡាករមិនបានដកយកទៅប្រើប្រាស់ សហព័ន្ធនឹងរក្សាទុករហូតដល់ពួកគេពេញវ័យ ពេលនោះពួកគេអាចដកយកទៅចំណាយថ្លៃការសិក្សានៅសាកលវិទ្យាល័យ និងសម្ភារមានតម្លៃផ្សេងៗបានតាមចិត្ត។ ការរក្សាទុកមិនប្រគល់សាច់ប្រាក់សុទ្ធនេះដោយសារសហព័ន្ធគិតថា ពួកគេនៅក្មេងពេក។
គួរបញ្ជាក់ថា ក្រុមយុវជនសាលាបាល់ទាត់ជាតិទន្លេបាទីអាយុក្រោម១៥ឆ្នាំក្រោមការដឹកនាំរបស់លោក Inoue Kazunori ដែលបានចាកចេញពីកម្ពុជាតាំងពីថ្ងៃទី២៣ ខែសីហា បាននាំពានពីព្រឹត្តិការណ៍ The Belt and Road Initiative U15 Boys Football Tournament នៅប្រទេសចិន ជូនកម្ពុជាក្រោយយកឈ្នះក្រុមកាហ្សាក់ស្ថាន ៣-២ ក្នុងវគ្គផ្តាច់ព្រ័ត្រ។
Tag:
បាល់ទាត់
U15
ហ៊ុន សែន
© រក្សាសិទ្ធិដោយ thmeythmey.com
